呢兩日開始番風, 除左返到屋企個吓要開冷氣之外, 而家夜晚瞓覺連風扇都唔使開, 好涼快!
部份商舖已經減完價, 不過仲好多商舖, 仍然仲做緊季尾大減價......... 喜歡買鞋既我, 呢期我又出動去掃貨....
哈哈!! 我d收獲都唔錯呢!
--> 一見到呢對鞋, 簡直兩眼發青光..... 半價咋, 超抵!!!
超鐘意佢有漸變色, 後踭有個扣, 勁靚!!! 勁鐘意!!!!!!!!!!!!
成個九月, 總共掃左成四對鞋, 三對有踭鞋 (包括呢對紫色, 仲有對紅色同泥黃色), 同埋一對Converse.....
唔買喇... 唔買喇... 已經成日比人哦緊我成日都買野!!! 查實mpp都講得啱既... 我而家搬左屋, 真係多左好多開支, 真係要慳d先得喇!!!!! 好! 我就唔買鞋一個月咁多啦... 哈哈.....
每個人對愛情既睇法都唔一樣, 同情人相處, 以及溝通, 各方面都唔會一樣.... 有d好似電影一樣...... "愛你愛到剎死你".... 小妹雖然無咁激... 但..... 小妹唔排除會愛你愛到咬死你, 又或者愛你愛到食死你, 哈哈哈哈......
我愛我既mpp, 所以我絕對希望佢身體健康!! 小妹唔介意入廚房, 成日都好想煮多d野比佢食.... 特別係而家多左個焗爐係屋企... (辛苦你喇mpp, 成日做我隻白老鼠... 嗯嗯... 
呢排mpp耐唔耐都會頭痛, 小妹心痛死了.... 小妹決定煲個靚湯比我既mpp哥哥飲, 希望佢可以少d頭痛..... 呢款湯就係<<川芎白芷天麻魚頭湯>>喇!!
材料:
大魚頭一個 (開四邊): $27
西施骨: $15 (我諗唔使太多, 因豬肉作吊味之用)
天麻一兩: $28
川芎白芷: $6
杞子/紅棗(去核)/圓肉/蜜棗/薑: 各少許
做法:
1. 西施骨先飛水
2. 魚頭先用粗鹽淹洗, 落薑煎香魚頭
3. 其他藥材洗淨待用
4. 除魚頭及西施骨外, 所有材料隨水先煲滾
5. 水滾後放入魚頭及西施骨
6. 煲三個鐘
7. 熄火落鹽調味即可
TIPS:
小妹煲湯心得, 就係煲湯時, 先用大火滾15分鐘, 後用細火煲2-1/2小時, 最後再開大火再煲15分鐘..... 老火湯即成!!! YEAH!!!!!!
功效: (參考:http://hk.myblog.yahoo.com/jw!MUwxVRGRAgLrXl2KmS0hrM1HAw--/article?mid=102)
功效：驅風活血，健脾醒腦
天麻，是廣府人熟識而且常用驅頭風，止頭暈眩痛的要葯。其味甘，藥性平和。有平肝息風，定惊功效。常用於治療肝陽上亢之眩暈頭痛，惊厥癲癇，抽筋，中風癱瘓，高血壓，偏頭痛，肝腎不足之四肢麻木等症。
近代研究，天麻含天麻素等物質不但能安定鎮痛，還有抗炎，增強記憶，擴張外周血管，增強心腦血流，增強心腦對缺血缺氧的耐受力，因此而用於治療神經衰弱，神經性頭痛，三叉神經痛，血管神經神頭痛，長期伏之頸項刺痛，腦血管病之後遺症等。
而川芎藭，即川芎，川白芷，即白芷是活血驅風，行氣止痛要葯。能擴張周圍血管，增強冠狀動脈血流，有較強的止痛鎮靜作用。與天麻為伍，煲魚頭湯，不但有癖穢除血腥，增強本湯香甘鮮味，而且使湯水之葯力倍增。
大頭魚，因魚頭特大而得名。此魚，味而葯性溫。魚蛋白豐富而質優，有暖胃益人功效，是最正氣之淡水之魚類。大魚頭，有極為豐富之膠質，更有以形（魚頭）補形之妙。天麻川芎南棗魚頭湯味香腴而鮮味，葯味俱全。
後記:
- 呢款湯味道勁甘, 有d似當歸味, 煲完湯兩日, 成屋都仲有陣味, 都幾臭 
- 買魚頭時, 啱啱見到魚擋係度擋緊條大魚, 小妹即刻買左呢個勁新鮮既魚頭.... 條魚有幾新鮮?? 生猛情度簡直嚇死人... 小妹係屋企洗乾淨哂個魚頭, 佢d肌肉仲係度郁郁吓...... 咦~~~~~ 真係幾恐怖呀!!
擒晚放工後, mpp又陪左我去做針炙, 針完呢次後, 好唔好番都好, 小妹都唔想再去針喇..... 因為針炙真係講不出聲~~~~ 講不~~出聲~~~~~~~~~~ 咁痛!! 真的怕怕了!!
話說係針既時侯, 醫師同我講:"你個肚腩唔好比佢大喇!!"..... 瞓係床上既我, 當時呆左一呆.... 心諗... 吓! 我個肚腩真係大得咁緊要, 連醫師一眼都見到!!!???!!!??? 坐係外邊既mpp, 當然聽到哂成個對話內容, 以及小妹既慘叫聲..... (好樣衰..
係我地走既時候, 我同mpp講, 我今次真係"我真胖"喇........... (唔係好勁個"棒", 而係好肥個"胖".... 唉!!!) 但原來mpp講番, 醫師既意思係話, 我而家條腰骨已經歪左, 所以醫師提醒我, 千其唔好比個肥腩大, 否則我條腰骨會付荷唔到............ 啊~~~~~ 原來係咁!!!! 好在!!! 好在!!!!!!!
不過咁, 小妹自知自己真係肥左好鬼多...... 最衰而家腰骨傷左, 又唔做得sit up, 又唔游得水.... 點好呢??!!??
針完之後成八點幾, 真係勁肚餓.... 呢個時候, 邪惡既mpp又出動喇!! 佢擒晚又帶我去食好野喇!!! 今次同佢去左我家附近既一間日本餐廳食, 第一次食呢間餐廳, 食品同價錢都好ok呀.... 特別係我既favour盬燒三文魚鮫, 38蚊咋, 好味兼超抵食!!! 不過今次又唔記得影相, 因為太肚餓喇... kekeke......
擒日放工番屋企時, mpp突然話上黎我度食飯............. 搭緊巴士既我, 收線後一邊係度諗煮嘜東東好呢, 一邊又好心急返屋企........ 由於屋企已有齊材料, 當巴士埋位時, 小妹以九秒九速度, 直衝返屋企!!
一入屋, 小妹就即刻開工, 洗洗洗... 切切切..... 好忙呀!!!!!!!!!!!! 仲有d滴汗感覺增添 (唔係真係流汗, 我指有呢種feel啫) 已經有成兩年無煮飯, 搬入新屋呢個月起, 先開始慢慢煮番, 但到而家為止, 仍然有d手忙腳亂..... 
好!! 呢個時候, 介紹吓今晚煮嘜餸先.............
1) 焗蜜糖雞翼 -- mpp講左好耐話想番"卓", 所以早兩日已經淹定雞翼
2) 干炒腸仔烏冬
3) 蠔油生菜 -- 因mpp話過佢鐘意多菜少肉 <同我完全相反 
吃後檢討:
1) 焗蜜糖雞翼 --> 我諗ok, 因為mpp連食六隻咁多, 嘻嘻.... 肥死你呀!!
2) 干炒腸仔烏冬 --> 炒出黎既烏冬有少少酸味....... 今日睇過"Yahoo知識"至知, 原來有d烏冬本身係帶d酸味, 所以炒之前, 一定要拖水及過冷河.......... 好!等我下次再試吓先!! (參考: http://hk.knowledge.yahoo.com/question/?qid=7007091803585)
3) 蠔油生菜 --> 我諗ok, 因mpp先生無嘜特別投訴!
題外話: 擒晚... 小妹比mpp有意無意間話左我一d野..... 好down呀!!!!! 記住呢一日先 925!!!! 哼!!!!!!!!!!!!!!!
擒晚去左做針灸+拔罐, 全程差唔多45分鐘, 但成個過程係嘩嘩聲...... @_@
醫師先幫我檢查, 確定我真係腰骨歪左, 以致隻腳痛楚..... 跟住..... 痛苦就開始喇...................
第一嘩 -- 醫師先黎一個鬆骨, 嘩)))))))) 勁痛呀!!!!!!!!
第二嘩 -- 醫師用輕微既電流黎電我, 嘩))))))))) 第一吓電時, 身體未能即時適應到, 好勁痺呀!!! 而且每電一吓, 我隻腳掌就有反應地自動彈吓彈吓, 有d攬笑...... (小妹當時係瞓係度, 但pat pat向上個隻....)
第三嘩 -- 醫師跟住幫我施針, 先由腳眼位置 --> 膝頭 --> 大脾 --> 尾龍骨, 小妹已經有哂心理準備, 開始落針時都無嘜大問題 (好似比針"吉"吓"吉"吓咁), 但當係尾龍骨落針時, 嘩)))))))))) 好痛呀!! 醫師即刻話, 呢d唔係叫痛, 呢d叫"寃".......... 坦白講, 我真係唔識分嘜野叫"寃", 嘜野叫痛囉..........
第四嘩 -- 拔針!!! 同樣, 先由腳眼位置開始拔針, 開始時亦都ok, 但到大脾位開始, 每拔一針, 個吓痛真係無法形容...... 特別係尾龍骨拔針時, 小妹真係按不住咁又.... 嘩))))))))))))))) 痛呀!! 痛呀!!!!! 醫師助手又話應該唔會痛gar喎, 應該只會有"寃""寃"地咁既感覺..... 痴線既咩!!!!! 我鬼識分咩!!!!! 我個時淨係feel到痛囉...............
第五嘩 -- 呢次嘩))))))) 好feel好多, 因為係拔罐既時間, 十個杯係我背部啜吓啜吓咁...... 只係開始時, 有輕微唔係咁適應.
話說mpp一直坐係房外等我, 佢之後笑住同我講, 話聽到我成日咁叫 "痛呀!! 痛呀!!!!!"............ 嗚嗚嗚嗚....... 你無愛心gar你, 你女友我係入面受緊苦, 你都唔入面睇吓我, 家吓仲好似有d想笑我咁, 嗚嗚嗚嗚...........
黎緊星期五又要去針喇............ 有d拗底添...............
天文台:
- 可惡原因: 晨咁早係一號風球時, 已經話會係黃昏前掛八號..... 跟住又話係四至八點掛...... (個range唔好大d.... >.<)..... 後尾又話六點或之前..... 結果係踏正六點掛!!! 痴線架!!!!!!!!!!!!!!!!!! 小妹絕唔相信, 係正六點個風啱啱進入八號風球警告範圍囉...........
- 唔開心: 話說同事S, 係一早返工時, 已經話一打八號波, 不如去小妹新居去打麻雀, 我地難得約夠人, 由中午開始, 大家不約而同咁, 有不同途徑收到一d好似好可靠既消息................結果........ 我地係咁check天文台, check Yahoo..... 攪到成日都完全無mood做野!!!
颱風黑格比:
- 可惡原因: 你既到訪!!
- 唔開心: 來也匆匆, 去也匆匆....個timing又唔好..... 仲有呀.... 唔係你, 我擒日應該會同mpp一齊食飯............. 唔係你, 我就唔會打麻雀......... 唔你你, 我就唔會輸錢......... 哼!!!!!!
我條腰骨:
- 可惡原因: 主要真兇
- 唔開心: 呢兩個星期, 左右腳分別咁痛..... 睇左成兩個禮拜, 而家先知, 原來可能係我條腰骨有事........... 花左兩星期時間, 又用左好多錢去睇我隻左腳, 右腳....... 跟住又左腳, 又右腳, .... 而家又話第二度有問題......... 好唔開心呀!!
今日放工後, mpp會同我去試吓做針灸......... 唉!! 今日既心情, 就好似擒日暴風雨前夕個天一樣..... 風雲變色.....好灰!!!!
有無咁"橋"呀??
話說: 擒日放工睇完隻腳後, 唔想返屋企去左行百貨公司既時候 (差唔多成八點), 居然撞到我個靚靚家姐..... (話說個百貨公司都幾大)
話說: 係上年冬天既某一日, 同mpp第一次去上環文娛中心睇舞台劇, 一路行既時候, 我同mpp講, 我家姐就係附近做野, 話口未完, 我家姐兜口兜面係我地前面行緊埋黎....... 真係日頭唔好講人, 夜晚唔好講神.....
又話說: 小妹係舊屋住既時候, 舊屋棟大廈比較舊, 我試過好幾次跳fuse, 又試過一次洗緊衫時停電........... 好鬼驚...... 真黑仔.
又話說: 小妹而家搬左去一棟新式又有d高尚既大廈.... 擒晚小妹啱啱沖完涼, 踏出浴缸既一剎那, 突然無電................... 嘩)))))) 嚇死我喇!!!!!!!!!!!!!!!!!!!! 小妹即刻摸黑著番d衫, 一直以為係跳fuse, 但一出toilet, 聽到門外好多聲, 問吓鄰居先知原來大家都無電!! 但小妹望到隔離座係有電, 打去管理處問只得我地一棟大廈有問題............
大熱天時, 小妹唯有開窗, 坐係窗台懶enjoy咁打NDS (家住42樓既我, 擒晚好在有d涼風吹入屋)...... 足足45分鐘後先有番電力......... 但當小妹又懶係悠然自得咁"查"手指甲時, 又突然無電........................ OH NO!!!!!!!!!!!!!!!!!! 有無攪錯呀!!!!???!!!!! 但10分鐘後又回復正常.......... ??!!???
再話說: 小妹係初次置業時, 入伙無耐就打九號風球.
再話說: 上個月搬入新屋時, 又打九號風球................. @_@..
哎呀!!! 到底係有無咁"橋"呀?? 定係I'm a lucky girl 呢????
同事"親愛的"送左張1,000蚊既Physical現金券比我, 小妹就係上星期六, 同佢一齊去左中環間Physical玩吓.
個coupon可以擇做 facial, massage 或者做機(減肥), 因小妹本身join開facial, 又咁啱會係星期日會同mpp去做, 所以.... 我決定奉獻出第一次..... 做機減肥!
我擇左做M6, 個sales話呢部機可以塑身, 燒脂同通淋巴喎.... 呢個M6療程, 一part只需35分鐘, 盛惠$880, 反正唔使錢嘛, 無嘜所謂啦, 哈哈.... 不過, 小妹要另外比$40租件絲襪衫.
唉, 呢個時候, 我又奉獻我既另外一次, 絲襪衫入面唔可以著衫, 但要著一條T-back....... 噢...................................................... Anyway, 反正入面全部都係女仔, ummmmmm, 我諗我ok既................
講番個M6, 我要先瞓上一張會發熱既床上面, 個技師就開始用部M6掃勻我全身, 個感覺好似八爪魚個吸咀一樣, 啜吓啜吓咁, 有時痕痕地, 有時啜啜地咁, 幾得意!!
話咁快就35分鐘, 因為同事"親愛的"做facial + massage, 要成兩個鐘, 而我又趕住要睇我隻核突"黃腫腳", 所以小妹即刻換衫走人.
話明用coupon, 邊有咁易比我走丫...... 個sales姐姐極力游說我join package.... 其實都幾抵gar, 原本成880蚊既M6, 而家只需$4,000, 就有20次... 但小妹梗係無join啦, 因為佢地將單次既價錢mark up得好高, 自不然個package價會好吸引.
我地total有四個同事, 分別係星期六同星期日去, 其中有兩個同事join左個兩千幾同五千幾既package........ 見仁見智啦, 如果個package啱你用, 查實除起黎, 每次既價錢都幾抵, 其一個同事個facial package, 單次只須$143, 比起我而家係出外既二百幾蚊個package, 真係平成倍! 不過我就嫌佢只得一個鐘太短!
做完個M6, 小妹唔覺有好明顯既改變, 不過係當晚, 正如我技師所講, 我去左好多次pee pee, 掛毒嘛, 哈哈................
擒晚同mpp去左演藝睇彭秀慧既《29+1》5次方, 睇左幾套彭秀慧既作品, 今次係我最鐘意既一套.
套劇有好多優點:
- 佈景: 一入埸比個佈景吸引住, 小妹喜愛既粉紅色see through長紗簾, 配上一張有pattern既雙人椅, 上面放有一隻bear bear熊! 好girly style!! LOVELY!!!!
- 演技: 簡直無得頂!! 一人分飾兩角"林若君" 同 "黃天樂", 兩個角色都演得好細膩! 好成功!!
- 笑位: 笑位源源不絕!!!! 笑... 並唔係笑佢無厘頭, 而係彭秀慧可以帶出好多我地身邊既事物, 令人會心微笑!
- 故事: 簡單而直接! 短短兩小時, 中間有好多位, 可以令我地思考人生!
- 啟發性: 人生好奇妙, 人越大, 雖然可以得到好多野 (例如學識, 事業, 名與利), 但同時, 時間亦可以奪去我地好多野 (例如青春, 健康, 甚至乎家人.....)!!!! 都係小妹既格言啦, 珍惜大家而家所擁有既一切!!!!
- 警醒: "黃天樂"呢個角色, 性格好值得人學習..... 查實每個人既人生一定會遇到錯敗, 既然開心又一日, 唔開心又一日, 點解我地唔選擇做一個開心快樂人!! 無人知自己幾時會離開呢個世界, 既然係咁, 倒不如開開心心咁過每一日.
- ENDING: 非常特別, 彭秀慧收集左唔同人係29+1時既照片同故事, 用slide形式放出熒幕, 好特別, 令小妹留下深刻印象!
還記得係廿"靚"數既時候, 小妹曾相約幾個同學, 係29+1時, 一定要相約出黎, 將個生日攪大黎慶祝一番.... 但.... 到29+1時, 原來都無嘜特別, 好平淡咁過左......
而家, 好鬼驚自己39+1 (驚老餅嘛...... 
係小妹同mpp回家途中, 我地有段小插曲, 大致對話內容如下:
mpp: (突然話) 我覺得彭秀慧好"放"!
mzz: 係呀, 我都覺得佢做得好放, 做得唔錯!
mpp, 唔係放呀, 係"索"呀!!!
mzz: 哼!........... (跟住小妹篤左佢肥腩一野, 有d呷醋feel.... 
mpp: (個死佬唔知衰, 仲繼續講) 呢, 好似呀卡話呀嘉美好索咁呀! (好明顯, 佢睇家好月圓後上哂腦.... @_@)
mzz: (dooooooooooooooooo 收線!)
查實小妹都覺得彭秀慧好得, 上次睇"不眠優伶"時, 已經覺得佢好靚! 好叻!! 今次, 一樣係樣靚身材正!! 不論佢個返工look, 瞓覺look, 低B look 同 傷感look 都一樣咁掂!!! 而且小妹覺得, 彭秀慧作品既場刊, 都好girly feel!! 又有style!!! 我一定會好好收藏!!!
mpp咁欣賞佢, 我當然無問題啦! 如果mpp唔欣賞佢, 我又點有機會睇彭秀慧d劇丫, 哈哈.....
話時話, 套劇話哂"五次方"喎!!! 故明思意, 今次係《29+1》第五度公演, 如果套劇唔成功, 又點會番做五次丫! 星期日就係last一日, 如果大家有興趣, 小妹真係誠意推介大家去睇!!!!!
好唔開心,
早兩日攪掂我隻右腳,
而家輪到隻左腳痛.....
上次隻右腳痛, 醫師叫我唔好濕水,
攪到我隻右腳成個星期都無洗過,
我每日已經用濕紙巾消洗腳底,
但總係覺得唔聚財!!!!
加上隻腳好大陣跌打酒味......
感覺好臭.... 好dirty!!!!
家吓又輪到隻左腳...............
唉....... 真係輪流轉之臭腳篇!!
今日原本諗住放工即閃,
同mpp去睇話劇<29+!>,
而家要提早放工去睇跌打先,
哎呀!!! 我左右腳都傷哂,
幾時好番哂呀!!!
黎緊十月要同d客出差唔多兩個禮拜trip,
隻腳一定要快d好番....
呀!! 過兩日等我煲雞腳湯飲吓先,
以形補形嘛, 哈哈....
擒日放工, 同班同事們去左太古踩冰, 嘩~~~~ 自從出黎做野後, 小妹都無踏足過冰場, 加上隻豬腳總未完全好番, 所以擒日都有d驚驚地.
著上溜冰鞋後, 一踏上冰面, wow...... 好"線"呀!!! 勁驚躂低.... 同事們都一樣, 大家戰戰兢兢咁慢慢行, 真係要warm up吓!
踩左一陣, yeah~~~ 小妹d師兄弟番黎喇!!!!!! 我可以好暢快咁踩, 好開心呀, 因為小妹至少十年無踩過冰, 而家嘜童真都出哂黎.... haahaahaaaaaa....
唯一唔開心係, 小妹仲未可以放膽咁玩, 以前可以玩後溜, 但而家好驚躂低, 所以唔敢玩.... 不過咁, 係臨完場前, 我拖住同事玩既時候, 我拖佢衝去d雪榚筒度, 嚇到佢成個人躂左係地, 而我...... 亦比佢拉埋落地..... 雖然臨尾香, 但躂低個吓, 真係開心到暈, 好爽呀!!!!!!!! 
之後, 我地去左Ruby Tuesday食飯, 食物ok啦, 不過食得好開心同超飽......
好! 呢個時候, post我班玩得好顛既同事張相比大家睇睇先.... (除左我個可愛助手外, 由於小妹未得其他同事批准, 所以.... 我要將佢地塊面修飾一吓..... 
