踩冰

呢排無論公司同自己都忙... 忙... 忙..... 呀!


好幾日無寫卜...  寫番上年既blog先


30/12/2012, 約左老公既舊同學們去西九踩單年兼郊遊, 點知去到先發現原來而家已經無得租單車.....  好在其中一pair人帶左私伙單車, 而小妹好醒目咁帶左d飛碟, 球板等小玩意同d小朋友玩, 咁先無咁悶!


當日天氣好凍, 大概玩左個幾鐘後, 大家建議去打保齡, 一行十幾人分三架車揸去奧海城, 去到先知個保齡球場執左, 有無貢橋呀, 又執!!??!!! 


當晚我地係element食意大利菜, 既然始終要過番去圓方, 咁大家又提議去踩冰喇!!!  小妹從未同MPP踩過冰, 所以當有人提議時, 小妹都(有私心)舉腳贊成!!! 


小妹踩冰雖然唔講得上好叻, 但教小朋友分享下自己心得都仲可以.... 不過唔知係咪年紀大關係, 踩冰時好驚趺, 無以前細個時踩得咁大膽, 以前敢後溜, 而家都唔敢了, 費事一把年紀趺低整傷自己

bowling~~

mpp舊同學係澳洲返左黎, 上星期六晚有個gathering!


mpp同d舊同學感情好好, 畢業後NNNNNN咁多年後都依然keep住contact !!  同學們都各有好好既事業, 有中學老師, 大學教授, 醫院醫生, 建築師, CFO, 最勁係有個證券公司亞太區老闆, 勁勁勁!!  不過, 我個mpp都唔弱, 年青有為, 事業有成, 其實呢d通通都唔係最重要最成功, 最重要同最成功係mpp娶到個好太太, 哈哈~~ 


星期六晚, 我地去左其中一個同學既club house打保齡然後去食飯, 先睇睇mpp優美既姿勢


mpp先聚精會神....


然後打出....



mpp一般可以打出140分以上, 可惜當日失準, 未能打出水準, 見佢都好似有d失望咁....  不過唔緊要, 老公失準, 老婆補上!!


印象中小妹好似打唔多過10次保齡, 唔知點解, 星期六好似上左身, 中斷突然好勁, 我自己都有d嚇親


Round 1 -- mpp 112分嬴左, 小妹45分包尾, 賽果正常!  

Round 2 -- 小妹好似同mpp合左體咁, 好勁!!  第10局連打兩個全中, 129分爆大冷勝出, 超開心嬴左3個男人!  

再重溫美麗一刻 !! 以小妹資質, 應該此情不再!!  



Round 3 -- 唔知係咪小妹係round 2太勁, 嚇親mpp同佢D同學, 呢round小妹居然打出96分, 三人平分, 哈哈~~





開心愉快既一晚, 不過少運動既我, 打完波兩日仍然周身骨痛, 唔認老都唔得lu~~　＞．＜

Special K

上星期同d同事去唱K, 今次唱K比較特別, 我地去左同事屋企club house唱!


估都估唔到club house內d歌超新, 絕對可以同出場k房有得揮呀, 而且間房好ok!!  我地8個人唱大房, 只須一百蚊一個鐘, 超抵!!

同事好細心地早一晚買d飲品, 啤酒同零食, 真係辛苦哂!!!  我地另外order左KFC, 元氣壽司同Pizza hut直接送黎會所, 唱左total3個鐘, 飲飽食醉後, 每人唔使二百蚊, good ar~~

當晚後補賀同事"十蚊"生日, Happy birthday to 呀十小姐 :)

小妹家既club house跟同事家既club house係同一個發展商, 小妹家既club house都有k房, 但就從來無想過會book房入面唱, 原因係總覺得d歌唔夠新.. 下次等我試試先 ^__^

《清明上河圖》

呢排好忙... 好忙.... 真係忙到顛左!!! 又要追blog喇 >.<

 

mpp公司都算好好 (可惜mpp本人身在褔中不知褔... ), 繼六月份請佢地去上海參觀世博後, 上星期又比左飛mpp, 去機場睇清明上河圖! 

 

上星期六同mpp一早出發, go go go~~

 

我地睇11am場, 10:35am去到時已經見到大批人排緊隊.... 人多到要分區分批咁入場, 好誇張! 入到場後仲誇張, 到處都係人群, 仲要係"龜速"咁行... 人群中大多係uncle auntie, 佢地三五成群慢慢行又慢慢嗲, 我同mpp想行快少少都唔得... >.<

 

對mpp黎講, 呢度只係舊地重遊, 令佢投入既除左今次有我係佢身邊一齊睇之外 (哈哈哈哈 ^__^ ), 就係今次幅清明上河圖加入左一個細路仔追豬仔既晝面!!

 

查實呢幅清明上河圖唔係好長, 不過, 最後我地都花左成50分鐘先行得哂!

 

人頭湧湧加黑媽媽下的我, 哈哈~~

 

個人認為清明上河圖好好睇, 可以睇到宋代既繁榮, 而且圖中既晝面全部都好生動, 不得不讚下我地中國人既才華!!

 

K day

好幾個月無唱K lu, 23/9/2010係姨甥仔生日, 應家姐既邀請一齊去Mega Box唱K!

 

家姐請唱K, 我又點可以兩手空空去... 先去Mega Box既小飛象買生日蛋糕!

 

個packing好grand呀~~

 

個蛋糕簡簡單單, 不過略嫌d cream太多!

 

靚靚家姐一家四口, 慘被我用I-phone既"豬大相"變成豬仔樣, 有趣!! 有趣!!!!!

 

 

 

Kelvin, Happy Birthday~~~

K

擒晚又去左老地方CEO唱K, 雖然人小小只有五個, 不過大家都"反"得好開心!!

 

去CEO唱K, 大家都會自動波, 係未開始唱K時, 先去攞野食, 醫左個肚先吖嘛... .

 

呢度只係兩個人既野食... 我同Winnie姐都幾食得吓.....

 

玩得興起時, 黎個自拍.... 嘩..... 影到我個頭好鬼大呀.... 

 

多謝Irene姐同Winnie姐特別攪呢次K, 更要多謝"Gentleman R"同Irene姐請我唱K之餘...  "Gentleman R"更送我返屋企... 你咁好仔, 抵我介紹我個friend"A子"你識, 嘻嘻~~

明燈

又係一年一度既釣墨魚時間, 係上星期六晚, 小妹就去左西貢釣墨魚!

 

今次小妹負責call人, 一心只想搵夠約廿二/三人就算, 點知一呼百應, 由最初只有6個人參與, 到最後多人到要截人, final我地有42人出席!

 

好難得個日天氣好正, 勁多船等埋岸接人上船!!

 

上船前同d friend影下相先...

 

今次book船好平, 每人只須$120, 包埋野食, 真係好抵........

 

呢兩姊妹係我多年好友, 數數手指我地識左成19年..... 嘩~~~~  我地真係好耐無見, 今次難得聚一聚, 緊係要影相留念啦!!! 開心+ing!!

 

 

呢次釣墨魚又食白果........ 好down!!! 不過, 小妹呢次做左"明燈"!!

 

係你隔離釣, 你就釣到三隻墨魚............ (哼.... 好勁咩!! !)

 

無墨魚釣, 咪轉下位咁啦........ 點知..... 企係呢位靚女隔離, 佢又釣到三隻..... OH NO!!!!! 我成晚做左人地既明燈呀!!!!

 

 

船家話自從上星期打風後, 都無嘜墨魚........... 當日d friend大多只有釣到d墨魚BB, 大少少既墨魚只有幾隻............. 不過, 集合咁多人既成績, 炒埋炒埋都有一碟, 都唔錯丫!!!

 

 

好開心既一次釣墨魚旅程, 希望每年都可以攪得成團啦!!!