Yahoo blog 停止運作

剛知道Yahoo blog今年會接埋, 寫左6年blog, 好唔捨得... 而家真係唔知點好

重要公告：Yahoo! Blog將於2013年12月26日起關閉服務http://blog.yahoo.com/yblog_hk/articles/1350869

可愛bb

歐洲honeymoon旅行時結識既一對夫婦, 上個月生左個可愛BB, 小妹同mpp係月初時就探過佢.


好耐無抱過初生bb, 可愛bb好乖, 軟棉棉咁, 不段比我地幾個人抱, 真係超級可愛呀!!


祝bb快高長大, 身體健康!!

懶人回來了

小妹呢個懶人回來了




一貶眼原來已經超過一個月無寫blog...
實在唔要得



不過,
實情除左衰懶惰外,
查實小妹係4月出差前,
以及5月初出差後都中左流感, 病左好耐...
加上之前實左太忙, 所以抽唔到身寫blog.....
實在情有可原




太忙... 除左因為工作,
仲有個trip!!




 繼上年11月去完韓國後,
 我同mpp係呢個星期五又出發!



 今次選擇自己行,
 所以早前個兩個星期既lunch,
日日上網做research,
家下準備充足,
 好期待呢個trip呢~~

動向

真的開始忙了.....


過兩個星期又要同客人北上出trip,
 大陸H7N9令人擔心....


仲記得當年沙士,
當時全部歐洲客人都cancel唔黎,
 但舊公司老闆仍然堅持北上....


唔知係咪消息封鎖,
 當時廣州人以為沙士係由香港傳上去,
小妹好記得當時比人歧視,
好多人見到我地香港人都係我地面前彈開,
簡直離哂大譜 >.<
 anyways.... 為左工作, 驚都要去 :(



5月中左右,
同mpp去plan左去旅行...
今次揀自由行,
所以要趁未出差前先做定功課 :)

可惡的

擒日上極都上唔到Facebook, password明明無錯, 但一直login唔到.....................

小妹周圍搵人求救, 公司IT同事都有幫我check,, 但check來check去都唔知咩樹, 小妹個account好似比facebook block左咁..... 好驚!!

晚上約左舊同事出黎食飯, 原來無左Facebook真係好大影響, 感覺好似與世隔絕咁, 無哂朋友 >.<

好在夜晚login得番, 嚇餐死!! 


********************


上星期日晚mpp公司有funcion, 小妹係屋企無事做, 突然mood到想送野比mpp......


準備開工

先畫個海同天.... 然後再畫d嘜嘜.... 同物物 
<< 最後作品係秘密啊, 唔公開了 >>

NEW DAY

(forward).....


2012年12月21日2點了!!

世界末日沒有來到，

我們要繼續愛護身邊每一個人啊^^...
要返工的繼續努力返工！HaHa...


天氣開始凍啦~
大家都要身體健康，
著多件衫啊^3^
過一個開心聖誕！

近期....

近期.... 身體: 比起上星期, 身體已經好返十萬九千七百倍了!


近期.... 工作: 比較清閑, 不過月底要出差了, 極度... 十分... 絕對.... 真係.... 好唔想離開我個mpp...


近期.... 家務: 已經做左一個星期無飯煮婦, 偷懶左貢耐真係有d唔好意思... weekend會煮番飯比老公食!


近期.... 娛樂: 先聲明本人對強人國完全無好感, 不過, 近期卻熱捧中國兩大節目!  

- 小妹本身好鐘意唱歌, 兼且鐘意睇歌唱比賽節目 (好似台灣既超級星光大道, 以及香港既超級巨星等), 想推介既係"中國好聲音"!!  呢個節目係國內已經做完, 不過小妹而家同mpp先係上個星期開始睇.....  節目真係好唔錯, 值得推介!!  BTW, 好兩日介紹左個同事睇, 佢而家都中哂毒狂睇, 哈哈
http://www.takungpao.com.hk/ent/content/2012-08/29/content_1012452.htm


除左"中國好聲音"外, 小妹亦有追睇"非誠勿擾"!!  呢個係交友節目, 小妹已經睇左大半年了, 亦係一個可以大力推介既節目!!
http://fcwr.jstv.com/

腳指外翻

唔知係咪以前著得太多尖頭鞋同高跟鞋, 小妹有腳指外翻問題, 而家大多選擇著平底鞋.


上星期經代購買左以下產品, 下星期應該有貨到港, 希望可以有幫助啦!
 
台灣製造【美肌刻】拇指外翻紓壓護套2入/組



http://www.pcstore.com.tw/magictime/M10207542.htm

開心FIVE~~

擒日突發請左日假....


星期一寫BLOG時話 "一億六合彩中唔到...... Iphone5又抽唔到..... 小妹條命都係要努力工作.... >.<"


言猶在耳, 星期一晚我同mpp突然係到message, 我地係電訊公司排既Iphone5有貨, 可以係星期二去攞貨..... 


為免人多排隊"side"時間, 小妹請左假一早去拎, 晨早排第二個, 約1個鐘左右已經拎到手!!  由於出機時間長, 人手又不足, 小妹走既時候已經有成10個人排緊隊.... 場面恐怖!

mpp好多野做請唔到假, 夜晚陪佢去拎, 結果排左成個幾鐘先攞到... 奉勸準備攞機既朋友, 如果可以既話, 最好一早去!

驚喜宵夜

今日I-phone5開始有貨, 朋友一早已經抽到今日第一日就可以出機, 加上今日係佢生日, 真係好好彩呢~~  小妹要等下... 因為遲鈍左係早幾日先登記 >.<


擒日既舊曆生日, mpp唔知係咪內疚佢有應酬, 同唔到我食飯....  擒日傻佬揸車黎接我放工.  因為mpp晚上係大坑食飯, 所以我地就去左大坑, 我同mpp食小小野後就走先, mpp跟住趕去應酬食飯.

mpp算係個乖老公, 出街好多時都唔會夜返, 擒晚十點就返到    打開門見到mpp拎住個白色膠袋, 估唔到堂堂大男人會打包野食比我, 呢個算係生日禮物嗎?? 


鹽焗奄仔蟹 ---- 隻蟹超多膏, yummy yummy~~~ 

Thank you honey ~~

掃貨

星期日睇完話劇後, 同mpp去會展做少少野!  撞啱有美食展, 小妹同mpp就入去睇吓有無好野!


晚上7點開始行, 同mpp足足行左2個鐘, 掃左三大袋戰行品! 有念慈菴, 米粉, 罐頭, 台灣腸仔, 零食, 同埋急凍海鮮! 

我地仲係場館入面開埋餐, $20三條台灣腸仔, $15一條台灣黑魚子腸, $10雜錦魚蛋, $25兩杯北海道綠荼雪榚等等.... 而且場館入面有好多免費試食試飲.... 好滿足呢!!!  不過, 美食展呢家野唔係好啱我同mpp, 因為我地比較懶, 唔太鐘意花好多時間去慢慢行, 所以下年應該唔會再去 :(



********************************************************************************************************


早前係FB add左SKII, 上星期已經攞左神仙水sample!!

擒日再去左popcorn攞sample, 今次呢set好多product, 好大set!!  唔使錢又有好野, 感覺真係良好呀, 哈哈~~

貢橋 ??!!

擒晚mpp約左d舊同事食飯, 小妹好少出席佢地既飯局, 難得mpp邀請, 小妹梗係做"跟得夫人"啦~~


mpp 6點已經泊好車係我公司樓人等我, 我地去左中環鏞記食飯, 中環泊車好唔就腳, 好在鏞記有代客泊車服務!


揸車途中, 小妹突然發現前面有架車既車牌好似係"ZOE", 睇睇吓原來連個姓都同我一模一樣... 當時小妹係咁叫mpp揸快車, 等我可以影佢相, 哈哈~~

OMG!!!! 同我個名真係完全一樣!!!  小妹既專有車牌無了.... 不過mpp話我嫁左比左, 要跟左姓, 希望ZOE LAM未有人訂啦..... >.<




鏞記 -- book左貴賓房食!



Menu:

馳名燒鵝, 成4百幾蚊一隻, 味道都可以, 而賣相就非常good, 隻鵝好似識飛咁, 哈哈~~ 

慶祝8月生日既朋友, 佢地訂左彩虹蛋糕.....



彩虹蛋糕好靚, 味道都幾ok架~~

 

可恥的男人

小妹唔識政府, 但一個好男人, 就算係老婆錯, 斷唔會係7百萬人面前, 擺個老婆上檯囉!!  真可恥!!

十一煙花

十月一日有國慶煙花, 小妹同mpp去左灣仔天橋睇煙花!

每次煙花匯演, 呢條天橋會封橋唔比車行, 然後天橋會係煙花匯演前十分鐘, 開放比市民上去睇煙花!!
呢度每次睇演花都有好多人, 因為呢度都算幾空曠, 又夠高, 所以睇得好清楚!! 值得推介!!

呢兩位小妹妹影相影得好投入呀, 哈哈~~

進補

可愛助手上兩個月生左個得意BB女, 好開心佢上星期已經順利回歸!

產後仲未收身既可愛助手, 我諗佢暫時唔太care身材, 而家應該最注重身體! 坐月期間佢食左好多補品, 單單係蔘茸海味已經買左成萬蚊!!  

學可愛助手話齋, 女人唔補好易老...一向無特別進補既我, 為左令身體好D, 小妹聽可愛助手指引下, 上星期走去入貨...



花膠對女人好重要, 有滋陰作用, 仲有好多骨膠原... 小妹就買左兩盒,下星期會試下煮花膠補補身!!

新Yahoo blog

好多人都話,
 新不如舊!! 


對左Yahoo blog好幾年,
 舊有既板面顏色/設計,
全是小妹喜歡的!!
   實在唔想面對新既Yahoo blog... 


不過,
正如好多blogger咁講...
 唔搬唔搬...
遲早都要搬!!


小妹今日... 無奈地接受吧!!



唔記得copy以前個blog既版面做record,
好彩搵番呢個banner,
叫做有小小既留念 =.=

大肚衫

可愛助手已經有左四個幾月大, 個傻妹唔想"side"錢買大肚衫, 成日都著住d普通鬆身衫就算!

 

我唔稱得上為一個好上司, 不過, 謙虛咁講.... 我都算係一個會關心人既好人 (哈哈~~)!  小妹好擔心佢咁著會阻住bb係肚入面既發育, 上星期五, mpp陪我走入一間孕婦服裝店!

 

走入孕婦服裝店時, 職員同我既對話係咁既...

職員: 小姐, 隨便睇睇吖!

小妹: 好呀.... um.... 唔係我有左, 我想買衫送比人! (好驚比人見到我個肚腩, 以為我有肚... )

職員: 哦... 我知, 睇得出你唔似有左...  (佢咁講, 九成九驚我尷尬... 哈哈~~)

 

最後, 買左兩條大肚裙比可愛助手, 希望bb出世肥肥白白, 健健康康!!

 

六千

"$6000", 呢兩日成為大家談論既話題!

 

雖然$6000唔知幾時到手, 不過突然有$6000 CASH, 好多人已經開始去諗咁用呢$6000, 小妹就認為.........................

 

低收入人士: 

有呢$6000蚊, 生活即時得到幫助!!

睇電視見到有d低收入家庭其實都幾慘... 連最基本"食"都無錢, 要定期去食物銀行接濟....... 雖然長貧難顧, 但至少呢一刻, 得到$6000確實可以得到即時舒緩!!!真係要多謝財爺, 肯打開對眼同耳去接納市民既意見!!

 

一般市民:

好似我咁, 呢排攪結婚不段用錢, 我同mpp加埋有萬二蚊, 攞一千幾百好好食一餐, 留番一萬就儲起佢!!

而小妹更有朋友, 擒日一知道有$6000, 已經即時係FB問有無friend一齊組團要旅行... 工作咁辛苦, 政府突然派錢, 我地就好似突然中左六合彩咁, 攞呢$6000去玩去食都好正常!!

 

富貴人士:

或許對好多有錢人黎講, 佢地唔太在意呢6000, 建議佢地捐左$6000出去, 發揚呢$6000, 幫助更多人!!

 

 

不過, 若果可以比我選擇.... 我寧願要屋唔要錢!!!!!!!!!

香港樓價真係好貴好貴.... 公屋居屋入息限額太低, 私人樓又太貴... 我地呢d唔上唔落既中產市民可以點算??!!???!!

紅黑二事 (睬睬睬!!!!!)

嘟嘟嘟嘟.... 特別新聞報導!!

 

本小妹過去24小時內見盡紅黑二事....  << 拜託, 以後唔想再發生!!!  >>

 

1) 黑夜

昨晚同mpp食過晚飯後, 回家後洗白白之際.... 突然......................................... 突然間................................ 成個廁所黑哂!!!

按小妹三年既獨居經驗, 一定係"跳灰士" (= 安全掣短路 )!!

情急之際, 小妹只係圍左大毛巾, 嗱嗱聲走入廚房檢查大掣! 但奇怪既係...... 所有掣都無跳過, 點解呢???

好奇下, 從客廳既窗望出去... 我發現我家屋苑幾幢大廈黑哂!!!  對面大廈內, 有好多細少既電筒燈光, 不斷由屋內照射出黎...... 成個情景就好似見到人地既屋企比人爆竊咁!! 有d攪笑!

成個停電過程唔超過5幾分鐘, 突然.........................................  有番電力!! wow!!! 一天光哂, 繼續沖涼, yeah~~~

 

將軍澳停電接多宗困升降機報告

 (明報)2011年2月10日 星期四 23:55

將軍澳 區晚上八時許有多宗停電及困升降機報告，多個屋苑受影響。

西貢區議員范國威透露其助手鍾先生其間曾下樓查看，發現新都城、慧安園幾幢大廈一片漆黑，停電估計維持5至8分鐘。消息指叠翠軒的4幢大廈全部有困升降機報告。

另外，消防證實八時許接報將軍澳寶琳里的一個中電變電站有火警，派員到場時發現變電站一個電纜終端箱冒煙，隨即用滅火筒救熄，認為事件起因沒可疑。至於火警是否跟區內屋苑的停電及困升降機事故有關，要由中電方面調查

 

 

2) 見紅

今朝返工, 一切如常!!  如常起身...... 如常搭地鐵..... 如常一邊聽歌, 一邊閉目.....

突然.................... 突然間車廂好噪...... 小妹比呢d聲音噪醒左!!  放下耳筒後, 就聽到有人大叫"佢吐血"呀!!!!! 此時, 小妹見到一個"中年男子"半坐半瞓係地上, 佢口角真係有血流出....

有部份乘客好熱心, 即時上前協助!!! 其中一個應該識急救既女子在旁, 教一d男乘客去幫助呢位"中年男子", 先將佢身上打側, 話咁樣可以預防窒息!!

突然....... 呢個"中年男子"四支有輕微抽搐, 識急救既女子就要班男乘客按住"中年男子"既四肢! 情況令人擔心!

此時, 車長就廣播"由於有人按動車廂內緊急掣, 本班列車將稍遲開出"! 當車到達側魚涌時, 有一名地鐵職員走入黎, 乘客們合力將呢名"中年男子"抬出去治理!!  之後, 列車如常開走!

 

 

** 好多話香港人自私, 無愛心!! 但係, 今朝小妹既所見所聞, 真係比我感到咩野叫做"人間有愛"!

** 識急救既女子, 運用自己既急救常識去幫助人, 不管當時既急救方法是否有效.... 但至少, 係危急時有人去嘗試拯救呢個"中年男人"

** 男乘客們, 當時事發突然, 大部份人(包括我自己)見有人吐血都好驚.... 難得有幾名男乘客走上前幫手, 真係令人感動!!

** 小妹唔知個中年男人如何... 不過, 希望無事啦!!

動L

人人都話出年好年,

小妹唔知係咪受紅鸞星動影響,

攪到我既譯馬星動都動埋....

 

早兩日個客打電話比我,

下個月初又要出trip...

 

好多人話今年, 全世界既冬天都會特別凍...

屎喇...  屎喇...

要同個客去既地方好凍嫁....

睇怕我要羽絨又係時候出場喇!!

 

公司有大把野未做,

仲要一個人同個客出trip,

簡直係做屎人喇喇喇喇喇

>.<

 

 

小妹近日發現身體有小問題,

好擔心....

真係好擔心!!

希望... 希望...

天主保佑,

希望會無事!!