I did it!!!!!! (一 口 蛋 糕 仔)

我好開心, 因為我個焗爐終於開封喇!!!!!!!!

查實小妹係上星期已經用左個焗爐, 第一次整既係蜜糖雞翼, 媽咪同屋企人食過都話正, 大獲好評, 小妹有如打左一支大大既強心濟, 令到我蠢蠢欲動, 我決心要用焗爐整更多好野比我個mpp食..... (希望食佢唔C啦, 哈哈.....)

擒晚去左灣仔"二德惠"買材料, 之後同mpp食個極速既快飯, 再用九秒九速度返屋企, 為既係希望快d開爐作法!!

哼!!! 我今次要整<一 口 蛋 糕 仔>, 呢個看似極easy既食譜, 我足足花左兩粒鐘去完成, 結果...............大家唔好咁心急, 而家去片睇睇先!

 

 <-- 材料簡單

 <-- 唧落去成pat野咁 @_@

 <-- 入爐後開始發大, 成型喇!

 <-- 出爐喇, ok好樣喎, 哈哈!!

 <-- 雖然毛孔大左小小

 <-- 但都算似模似樣, 好開心!

 

今日帶左盒細盒返公司 (大盒留番比P先生嘛..... ^0^), 同事們食過都話唔錯, 平均分應該有7分!! 因為小妹忘記放入焗爐"中層", 蛋糕底有少少燶左d..... 不過, 各同事都話以第一次黎講, 我都算好ok gar喇, 哈哈..... 真係超開心!! 多謝大家!! 我會繼續努力gar喇!!!! YEAH, YEAH, YEAH!!! !!!! !!!!

 

呢個食譜來自大少奶, 佢真係blog界/餅界/飲食界大紅人, 我好羨慕佢呢?

 

一 口 蛋 糕 仔 食 譜 Recipe

材 料  ( 50 - 60 個 份 量 )

無鹽牛油 ( 室温 )  150 克  

砂糖  12 克  

 蛋黃  3 個  

蛋白  3 個  

砂糖  102 克

低筋粉 ( 辥好 )  126 克 

發粉  1/2 茶匙 

小紙杯模 ~ 適量

做 法   :

(1) 首先預熱焗爐 180 度 火  /  15 分鐘  及 低筋粉 + 發粉 ( 薛好 ) ~ 備 用。

(2) 室温牛油 + 砂糖 (12克) 放入缸內用 (1號速) 打至鬆發 。

(3) 加入蛋黄 ( 分2-3次加入 ) 繼續攪拌至光滑 。

(4) 另外將蛋白放入缸內用 (1號速) 打至發泡，加入砂糖 (102克) 分2-3次加入打至企身。

(5) 用膠挖將蛋黃糊分2-3次加入蛋白糊內輕輕攪拌勻 。

(6) 加入巳薛好低筋粉 + 發粉落去攪拌勻 。

(7) 將麵糊放入唧袋內，然後唧落紙杯仔內 (6-7成滿) ，再入焗爐 (中層) 180度 / 15-20 分鐘。