生病了 >.<

成個星期無寫blog, 原因係小妹生病了!

早於上星期四, 小妹已經開始發燒, 當時食左d退燒藥好左好多... 但無想過成個中秋假期都繼續病... 早幾日仲失埋聲....

擒日早上返工時係地鐵入面突然見暈, 小妹力橕住自己, 點知出北角站轉車時已經想休克, 眼前差唔多已經一片黑暗, 小妹係仲有少少精神下立即搵左一對中年男女扶我去搵地鐵職員....

地鐵職員開左張"接櫈"比我坐, 然後再比支白花油我查, ... 地鐵職員話我嘴唇好白, 問我要唔要上去office入面休息, 我話唔使喇.... 坐左約10分鐘左右見好番好多就坐番地鐵返屋企睇醫生....  醫生話因為感冒, 加上我血壓低, 所以引致頭暈, 真係嚇死!!

呢兩日食既感冒藥好勁, 成個人都好迷... 好迷.... 好迷..

再次多謝擒日對中年男女, 以及地鐵職員既出手相助!!!.

調理

touch wood小妹身體一向唔錯, 除左上年做過小手術外, 身體一切正常!


不過, 所謂既身體唔錯, 查實都有少少問題.... 早於兩三年前, 小妹跟左家姐去銅鑼灣睇過一名超出名又靚女既女中醫睇症, 印象中好似要成八百幾元三日藥!  查實小妹一直覺得自己身體正常, 不過既然家姐睇, 我咪又睇下咁囉...  記得當時靚女中醫話我陰虛, 可能會早收經, 要我多d調理咁話!! 靚女中醫收費貴當然有原因, 因為佢成日上電視又有名星幫襯, 一身貴氣, 後生又靚女, 兼且帶哂"勞"返工!!
 

由於小妹身體實際上唔大問題, 所以睇左一次就無睇lu.... 但小妹呢幾年一直有手心熱呢個問題, 夜晚有時身體會突然好熱而醒, 睡眠質素欠佳!!  上星期同mpp商量後, 小妹決定再睇中醫調理身體, 今次去左公司附近睇, 無人介紹, 純粹walk-in搵中醫


醫師把脈後話小妹係"腎陰虛", 我都唔知係嘜東東... anyways, 醫師話小問題, 調理吓就可以, 3日藥$320!!  今日lunch再睇, 比4日藥收$480 (已經discount左, 因為今次d藥多左幾種蔘, 所以貴dd)!! 


上網check過關於"腎陰虛", 腎陰虛症狀同小妹真係有d match (粉紅色部份)!  希望可以快快調理好身體啦~~

http://www.shen-nong.com/chi/principles/kidneyyinyang.html

腎陰虛的主要症狀有﹕

腰膝部位酸痛 <小妹無事 >
頭暈或耳鳴  <小妹無事 >
聽力下降  <小妹仲未有呢個問題 >
口乾咽燥  <小妹無事 >
煩熱，手足掌心發熱，晚上出汗 (中呀!!)
大便乾結  < 小妹無事, 大便舒暢, 非常正常 :)  >
男子遺精  <好在係女人, 小妹無事 >
脈搏細弱無力或脈搏細弱快速  <呢個就唔多清楚>
舌體紅，舌苔少 (照過鏡, 小妹好似係咁>
腎陰虛証，往往有陰虛火旺症狀。<呢個問題唔sure?!?>

好迷........

終於生病了...

上星期四晚, 喉嚨開始有痰

上星期五, 早上開始鼻塞... 之後流鼻水... 再之後打噴嚏....

上星期六, 原本long week要返工, 下午到同事家開大食會.... 不過早上起床後, 流鼻水+噴嚏持續, 最後要請假一天!!

星期六 + 星期日, 除外落街睇醫生外, 全程留係屋企瞓覺!!!


今日已經收哂鼻水, 所以無再食藥... 但唔知係咪d藥力太勁, 成朝早都好迷........ 好迷........ 好迷........
要用念力了.... 快d六點..... 快d六點..... 快d六點.....
好想返屋企瞓覺 >.<

12月健康月

今年3月做過既小手術,
 按醫生要求9個月後要做檢查!


 2星期前, mpp陪小妹再入院照片,
 上星期mpp再陪我返去見醫生睇報告,
 好開心小妹身體一切正常!!
 醫生仲話小妹既傷口埋得好好!!
感謝主!!!!


由於小毛病好易覆發,
 醫生建議每年12月都要照片....


即刻話....
以後每年既12月,
小妹會有多野做...


包括預備聖誕...
慶祝我同mpp既結婚週年....
 仲係要book醫生呢~~

破紀錄

小妹以前成日都有小病, 一年總有幾次發燒肚痾... 今年touch wood講句, 除左入院做小手術外, 身體好ok呀~~

 

上星期一係唔病, 一黎就病得杰撻撻.... 幾日內痾左廿幾次!! unbelievable!!!

 

- 星期三晚開始微燒....

- 星期四晚肚痾左4次....

- 星期五無返工, 一早去睇醫生, 7粒藥丸, 可惜食左藥都無嘜效, 成日痾左成10次.... 夜晚個胃開始痛.... 痛到瞓唔到.....

 

- 星期六一早打電話比姑娘, 姑娘叫我落去攞d新既肚痛藥同止痾藥... 痾既次數係少左d, 成日痾左6次, 不過胃痛仍然持續....

 

 

- 晚上沖完涼後, 胃痛加劇... 頂唔順下再打電話比姑娘, 今次姑娘話要見醫生!!  當晚mpp有事, 小妹一個人落樓, 個胃每隔10分鐘就"拿"一"拿"咁痛, 痛到我真係差d就暈係街上面.... 見到醫生後, 醫生幫我打左支止痛針, 同埋比左多兩種胃藥比我.... 醫生話如果星期日都仍然係咁痛, 就叫我入醫院.... >.<

 

 

- 星期日朝早, 身體已經好番好多.. 不過依然有少少肚痾, 總共痾左5次!

 

- 擒日返工, 去公司附近既醫生, 呢個醫生唔錯, 講左好多有關腸胃炎既野比我知, 不過醫生話我d菌好容易傳比人, 所以建議我返屋企休息下... 就係咁, 下畫就請左半日假!!  食左藥後, 今日已經無痾喇 !!

 

- 可惜既係..... 我將我d菌傳左比我個mpp.... mpp個肚唔舒服, 今日到佢請左病假, 希望mpp快d好番啦~~

 

** 聽醫生講, 呢排d菌都好勁, 大家都要小心注意食物同個人衛生, 免得好似我同mpp咁不幸中招 !!

 

順順利利 (第二章)

3月25日(星期五)

可憐既mpp擒晚做到成十二點, 今朝一早7點半左右已經黎到醫院... 因為手術會係朝早9點進行!

 

姑娘早一晚已經比定哂d手術衫, 保暖襪, 手術帽同口罩我, 小妹亦乖乖咁係早上八點準時換好哂.... 約八點半, 姑娘就推左張床入黎病房, 準備送我入手術室!

 

當姑娘將我推出病房時, 望住企係身旁既mpp既一刻, 我......... 終於忍唔住喊左出黎..................... 內心好驚.... 好驚..... 好驚唔可以聽到mpp叫我一聲"老婆"..... 我好唔捨得呢個傻佬..........................

 

呢個時候, 麻醉師就出現!! 麻醉師見我流哂眼淚就忍唔住笑我... 可能對佢黎講, 我呢個係"蚊型"手術!!!!  anyways, 呢個麻醉師好好人, 佢話我呢個手術其實係可以選擇"全身" or "局部" 麻醉... 已經六神無主既我就望住mpp, 最後我地決定用局部麻醉+安眠藥, 因為全身麻醉要插喉, 用藥比較多, 而且有機會整傷喉嚨!

 

決定後, 姑娘要推我去手術室... 手術要成兩個鐘, 原本打算落樓下食早餐既mpp, 或者姑娘感覺到我地個份"纏綿" ..... 其中一個姑娘同mpp講 "你可以跟到我地去手術室門口"..... 就係咁, mpp一路陪實我!!    終於要入手術室喇... 帶上口罩既我, 只能用眼神同mpp say goodbye!

 

入到手術室後, 姑娘將我既病床泊到一邊 (我叫個度做"停泊區")... 成個手術最驚係呢一part, 因為要"等"!!!  期間有唔同姑娘走埋黎核對我個身份, 之後主診醫生亦過黎同我講解手術過程!  之後, 真的要入手術室了!

 

身為 忠誠fans, 對手術室面貌, 過床同插喉等等, 一d都唔陌生!  當過床後, 估都估唔到原來將手術床既暖既... 應該係有暖管係入面, 都ok舒服!!

 

之後, 麻醉師係我既左手打針... 正如醫生所講, 呢一針係全個手術係我有知覺下最痛既一下....   其實呢一針係接駁口, 之後麻醉師就落藥... 小妹係手術室既最後一句說話就係 "嘩..... 隻手又真係幾痺痛喎!".....

 

當我有番知覺後, 我已經係手術室既停泊區!  姑娘見我醒番就推我返病房... 朦朧間係病房外面見番我個honey mpp... 跟住姑娘就將搬番上病床!  不過麻醉藥影響下, 真係好眼瞓... 而我亦叫擁有一對極深熊貓眼既mpp返屋企瞓一陣, 大家好好休息一下!!

 

可能係局部麻醉, 麻醉藥唔多 (又可能係我年輕力壯 )..... 瞓左差唔多三個鐘後我已經瞓醒左...  mpp係五點左右就返黎醫院陪我! 清醒後見番mpp真係好開心!!

 

                                                 

 

 

3月26日(星期六)

mpp一早7點半左右黎到, 因為醫生會一早巡房! 醫生檢查過傷口後就批准我出院!! yeah~~ 終於可以同mpp返屋企!!

 

 

                                                 

 

 

雖然手術後有小小想作嘔, 頭痛, 同埋傷口有小小扯住痛, 不過好感恩, 可以令我手術順利!!   希望, 今次係主對我既最後一次考驗 !!

 

P.S.:

手術後第6日, 左手上插針既地方, 仍然仲有個傷口位... 年紀大, 新陳代謝慢, 傷口真係難埋D!  

順順利利 (第一章)

小妹已經係上星期六出左院, 手術順利, 呢個星期會係屋企休息!  真的多謝大家關心!!

 

人大左, 好多野都唔可以好自私咁, 淨係諗自己!!  好似今次自己身體有小毛病, 小妹就深深體會到除左自己身體受苦外, 仲辛苦身邊既人...... 包括mpp, 屋企人同朋友!  所以, 以後一定要好好愛惜自己既健康!!  珍惜身邊人!!!

 

以前勁鐘意睇 <ER> 仁心仁術, 估唔到自己親身見到真正手術室既環境, 實在大開眼界!!

 

                                                     

 

先講番上星期四(24/3/2011), 準時六點放工趕返屋企沖涼, 同老外老闆say goodbye時, 老闆回應簡單一句既 "ALL THE BEST", 真的令我覺得好窩心!!

 

回家途中買埋飯盒, 用左45分鐘極速沖涼, 洗頭食飯盒後, 就趕入院check-in!!  今次入院同上次十二月入院情況差唔多, 一樣係撞啱mpp好忙, 無奈地亦都一樣只得我一個入院......  

 

到達浸會時, 幫我辦check-in個女仔好nice... 突然見到佢身上既牌, 見到佢個姓好特別, 同我初中既同學一樣...  多口一問, 呢個女仔雖然唔係我舊同學既親人... 但佢地係識呀, 哈哈, 原來世界真係好細!!   

 

上次住浸會舊座, 今次住新大樓, 環境完全無得比... 地方新淨又闊落, 有獨立電視, 最正係廁所好新好乾淨, 正!!

 

烏龍既我, 上次入院唔記得帶最重要既X光片, 攪到mpp要係南丫島趕出黎, 成十一點先攞到黎醫院!!  今次小妹好叻, 記得帶片.... 不過百密一梳, 千算萬算, 我居然唔記得帶最需要既""拖鞋"""..... 最後, 用左十幾蚊係醫院買左對N年已經無著過既老套膠拖....

 

.... (待續)

Ready ??!!??

輕便行李

ready!

 

自己

我諗應該ready....

 

今晚放工

先返屋企洗白白後

就入醫院

聽朝一早做手術

 

就大家為我祝福吧!!

(超級擔心.. )

又一考驗

上天又給小妹一大考驗!!

 

上星期做身體檢查時, 上次既小毛病有所變化, 醫生建議我做手術........  擒日攞假一天, 特別去醫院再作詳細檢查... 可惜, 專科醫生既最後答案都係.... 我要入院做手術!

 

最最最唔想既就係做手術, 雖然手術屬低風險, 但都需要全身麻醉.... 好擔心!

 

mpp對我有無限量十卜, 一早已經講左支持我做手術... 佢唔介意我身上將會留下既疤痕, 只想我身體健康, 多謝你!!  

 

老闆太太同我都有相同病症, 早兩日問佢advise時, 佢好nice.... 不段幫我做research!  今日再同佢傾時, 佢仲幫我即時上網查資料... 由於佢係鬼婆, 雖然佢講d term我識唔哂, 不過, 真係感到好warm!

 

決定左月底會做手術, 家下心情好忐忑.... 不過, 小妹一定要先收拾心情, 因為下星期就要影婚紗相.... 小妹一定要做個開心靚靚新娘, 做個幸福mpp太太!!