敗 @ 美食展

一年一度既美食展上星期開始, 小妹上星期六(17/8) long week, mpp揸車接小妹放工後, 隨即往灣仔出發, go go go~~


從未拉過車仔出街既我同mpp, 為左今次美食展, 不惜樣衰既情況下都拉車仔入會埸... >.<




最後一車去, 兩車返

入場先去3樓覓食 .... 蟹皇蜿仔翅 + 芝士焗帶子, yummy~~

燒黑豚肉, 超級好味道呀~~

燒BB豬, 正!!

芒果糯米滋, so good!!

最後黎個 阿X羅 乳酪雪榚!

食飽後開始濕平 ! 

日本青森蘋果 -- 好好味, 好後悔唔比MPP買多幾個 >.<

兩款唔同既午餐肉 -- 黑色係黑毛豬午餐肉, 價錢貴一個DOUBLE, 不過查實味道差唔多 >.<

支持香港製造! 

熱辣辣雞仔餅 !

鴻X堂 龜苓膏半價好抵, 買左兩套 (40張) 龜苓膏劵, 小妹死"lur"下, 呀姐送左支清補涼比我 ^^
另買多兩支彬枝甘露

最後係今次入美食展既主角, 小妹係為左佢而入去既, 好開心買左兩個STAUB煲, 好開心!

行左差唔多3個鐘, 用左3千幾蚊.... 雖然好攰, 但買到想買既野好開心!! 


多謝老公陪我行, 陪我食, 陪我買, 陪我拎, 陪我樣衰衰拎車仔, 陪我係會場入面同人迫, LOVE YOU!!!

開倉@ARTE

上星期濕平用左好多錢, 黎緊要做慳妹 :)


15/8 至 17/8, 西班牙品牌ARTE開倉, 上年買左條頸鍊+吊墜, 今年小妹都唔執輸, 總共買左3隻介指 及 1個手袋


咁浮誇既介指唔係好啱我... 係買比奶奶既 ^^

我就買左呢個蛇皮手袋, 原價$4300, 而家好平就買到, 好開心呢~~ (屈左MPP送比我, 多謝老公!! )

canoe 鞋

上年經日本主婦幫我係日本代訂過一次canoe鞋 (http://blog.yahoo.com/lamtaitai/articles/634614#comment-item-1252082) , 但由於尺寸太大, 所以讓左比人!


今次小妹再接再厲, 不過今次order另一個款, 買左同一個尺寸博一博!  今次so lucky 對鞋非常good fit, 我買既係紅色, 對鞋實在太好著了, 而家考慮緊, 想買多對其他顏色 -- 黃色都唔錯!




而家d yen低左, 買日本野抵左好多, 係時候要趁低吸納喇, 哈哈~~

網購

香港地好多人都有網購習慣, 除左淘寶外, 小妹家下係多個國家都有買野...

日本 -- 日本主婦
-- 兩三年前已經開始睇日本主婦個blog, 第一次要佢幫佢買衫, 之後買左鞋, 衫 , 有牌子既卡片包 同 袋,  quality唔錯, 買過大約4/5次野, 絕對信得過!


台灣  -- 台灣呀嫂
-- 通過日本主婦, 而認識呀嫂, 佢地係一個group, 買過2次野都ok.


英國 -- 英國細妹
-- 又係同日本主婦一個group, 佢地係尖沙咀有office比我去pick up貨, 細妹主力賣牌子野, 小妹買左一次野都ok.


美國 -- 慧美站
-- 認識慧美站, 都係間接通過日本主婦FB, 店主係香港人但身在美國, 主力係outlet牌子野, 小妹買過2次野都ok. 
   此店屬剛剛起步, 小妹見店主好有heart, 所以都會盡自己小小綿力幫襯下.... COACH既item係美國買勁抵, 可以推介吓!



而家上網買野真係超方便, 不過網購全部都係100%prepaid形式, 小妹都好驚比人詭, 所以大家都要小心小心!!

平讓.... 100%全新正版日本制Canoe鞋 (更新)

(更新) -- 對鞋已經有人買了, 唔該哂日本主婦既幫手 :)


兩星期前, 小妹睇中而家日本勁流行既CANOE鞋, 所以叫左"日本主婦"係日本幫左買左, 然後寄返黎香港.

"日本主婦"好快手, 上星期五小好已經將對鞋攞到手, 對鞋好靚好潮, 小妹勁鐘意!!!  可惜自己著得唔係好好睇... 而家想放賣!!

同事話佢係旺角見過Canoe鞋成六百幾七百蚊...  而小妹仍上網做過research, 正式日本訂既日本Canoe鞋未包運費要成400蚊一對, 大家可以上樂天check check!!  香港賣既正版日本鞋(包運費)最平要$650!!  舖頭買會再貴小小!!

據"日本主婦"FD上既粉絲報導, 有部份人魚目混珠, 將大陸貨當日本貨賣, 價錢約三百幾蚊, 有人上當買左, 不過話d quality完全唔同 !!

anyways, 小妹幫襯左"日本主婦"好耐, 百份百信任佢!!!

100%全新正版日本制Canoe鞋, 有興趣既朋友可以e-mail比我 (hk_mzz@yahoo.com.hk), 平讓!! 

COLOR: PINK
SIZE: L

 

More information:

	Ｓ（22.0-22.5cm）	Ｍ（23.0-23.5cm）	Ｌ（24.0-25.0cm）	ＬＬ（25.5-26.5cm）	ＸＬ（27.0-28.0cm）
甲幅	約10.5cm	約12.0cm	約13.5cm	約15.0cm	約16.5cm
重量（片足）	約340g	約370g	約400g	約430g	約460g
ワイズ	３Ｅ相当		ヒール	約3.5cm
素材	アッパー部分：ポリエステル／アウトソール：ポリウレタン

買買買

女人好易氹, 唔開心時買吓野, 心情就會好好多!!  若果買到d又平又正既野時, 我會更開心!!

 

一月時, 呢對boot正價要$2099, 新年時陪家姐買時做緊半價$1099!!  當時小妹都好鐘意但唔捨得買.... 上個月初, 同mpp shopping時見到鞋舖做final sales, 今次因為斷碼, 所以一減再減.... 減到$699.... 咁啱有我碼, 小妹又點忍得手吖, 哈哈~~  對鞋超舒服呢~~

 

 

公司附近有間鞋舖專賣日本牌子既鞋, 大部份鞋都要四五百蚊一對... 三月份舖頭突然貼上搬遷大減價, 所有鞋三折起... 小妹當然唔執輸, 不過當時已經無嘜鞋款淨... 最終只係買左一對!  呢對鞋原價$699, 家下$199成交!

 

擒晚放工又shopping, 比左三對鞋錢, 但只得一對鞋拎走... 原因係有兩對無我既size, 所以要訂!   呢對鞋顏色好sharp, 今日著左返工, 對鞋又幾舒服~~

香噴噴

好幾個月前, 小妹行百貨公司時, 無意間見到呢個香水膏, 好奇之下買黎試下!

 

用後感: 激讚呢個香水膏, 原因係:

- 佢既香味唔太濃, 好啱我! 

- 用法方便, 隨時隨地都可以攞出黎用.... 特別係搭地鐵時, 如果不幸有個"臭男人"坐有身邊..... 哈~~ 呢個香水膏就大派用場喇~~~

- 而缺點後香水膏既香味, 無香水keep得咁耐!

 

 

單單係MADE IN JAPAN, $58一盒, 我就已經覺得好超值喇!!

 

同事試用過後, 佢都覺得唔錯, 擒日仲要我幫佢買左三盒!!  有興趣既朋友, 可以去"千X店"睇睇!!

 

掃平野

呢兩日又出動買買買!

 

先講擒日, 放工後約埋家姐去sogo, 因為又到半年一度掃"爸爸"既日子!! 雖然唔係新款, 不過大牌子好質料, 每次都人頭湧湧! 勁多人大量入貨, 排隊比錢條龍好鬼長, 真係幾誇張!

 

前日同mpp係APM食完飯後, 就入去Crabtree睇野! 佢地而家做緊promote, 不過只限Ocean味!  小妹又忍唔到手, 買左兩支hand cream!!

 

50ml hand cream原價$115一支, 家下$135兩支!! 雖則減價後既價錢, 同其他化妝品既shop差唔多, 不過係專門店買就唔怕係水貨!

無良!

唔知點解, 小妹好鐘意買鞋! 基本上, 平均每個月總會買一至兩對鞋!

 

7月頭入左呢兩對鞋, 記得買既時候每對約150蚊左右, 好鬼抵!!

 

啱啱同d同事食完lunch, 趁有時候又去睇吓衫, 睇吓鞋! 其中一間shop入面有上面橙色個對鞋賣........ 真係講都唔信, 間shop夠膽死賣呢對鞋$499! !!! !!!!!!! (百份百肯定係同款!!!) 

 

見過有d shop賣同一對鞋, 都會有唔同價錢! 最勁個次都只係相差100左右, 今次差成三舊水!!! 小妹當時睇完鞋底個價錢牌後, 即時吹雞叫班同事走人!!

 

出門口後, 小妹心入面係開心既, 因為我買左平野!! 另一方面, 我真係覺得間shop好無良囉! 真係當d客係水魚咁劏........ 咪使旨意我會幫襯!!!

 

各位姊妹們, 係天后想買野時, 真係要諗清諗楚至好買呀!!!

 

出手

擒日收工, 突然mood到想shopping.... 因為小妹每年新年都會著新衫, 再過多兩個星期就係新年, 真係時間無多!!

 

今年買衫真係好頭痛, 皆因小妹體重直線上升之餘, d肥膏多到慘不忍睹......

 

擒日係商場行左一陣, 就比我搵到一間shop, 佢地有好多one piece既裙, 全部係自己廠做, 唔會咁易同人撞衫... 平均價錢約$4xx 至 $6xx一條..... 最重要係d款好啱我style, 夠斯文呀,.... (哈哈, 又自己讚自己....)

 

揀左兩條裙去fitting room試, 好失望咁著出黎照鏡..... 小妹當時真係好唔開心呀, 因為小妹個肚腩太大喇, 突哂出黎咁, 超唔得!!!!! Super down!!

 

不過, 個sales好好人, 佢見我有心買野, 不停介紹其他款比我..... 小妹前前後後試左成十條裙, 試到我都唔係幾好意思, 換番衫出黎諗住求其揀兩件買左佢就算... 點知比我有新發現.....

 

就係呢條裙..... 唔好睇好似普普通通, 著上身後影得我勁瘦.... 有胸又有腰, 唔覺有肚腩, 又唔覺有背肌, 長度仲勁fit我添, 更更更更緊要係仲有discount!! YEAH~~

 

呢條裙有兩隻色, 紫色同黑色.... 其實黑色最suit我, 啱哂平時著.... 不過, 話哂條裙係買黎新年著, 黑媽媽咁好似唔係幾好.... 所以, 最後我買左兩條, 一紫一黑!!

 

買到啱心水既裙,, 好開心呢~~~ 下一個目標, 希望可買到一件斯文d既外套!!

 

 

 

 

 

真敗家....

小妹深信, 每個女人總有敗家/揮霍既時候.... 唔知點解, 我總是鐘情於"鞋", 一見到合眼既鞋款時, 就想去擁有佢地........ 一向知慳識儉既我, 卻敗係d鞋身上.....噢!! @__@

 

擒日又敗家買左兩對....

- 勁鐘意左邊個對, 個鞋款好elegant!!

- 右邊個對, 雖則個樣勁普通, 不過勝在夠舒服!!!

 

小妹在不經不覺間, 已經擁有好多對鞋... 上個月更要多買一個成個衣櫃咁大既鞋櫃去放鞋....

 

                     > 原有鞋櫃 <                                                  > 新鞋櫃 <

 

 

到底我有幾多對鞋呢???  點算下我都嚇左一跳...... 小妹總共有五十幾對鞋...... 好痴線!!!