一個正在不斷遷拆不斷重建的城市，—處堅尼系數超標的貧困城中村，三個孤獨的三無宅男，擠在一個沒有過去沒有明天的劏房，他們從廁所的爭奪開始，掀起一場荒謬絕倫的精子保衛戰，各出奇謀，情節出人意表，笑出眼淚。
演技派男星王維、陳永泉、文傑聰從朋友變成敵人，南腔北調上演連場男人爭戰。還有神秘女郎助陣，《爆‧蛹》—觸即發。
本來擒日mpp有份出席太空人係洲際既午宴, 但mpp推左唔去, 因為佢一早買左話劇飛, 好開心我係mpp心中原來都幾重要!! 辛苦左mpp, 因為我而推左一個與太空人既約會, 仲要無得休息揸左成日車, 呢個老公真抵錫啊~~
中午出發去尖沙咀文化中心睇《一屋寶貝》! 小妹之前唔知劇情, 不過mpp講過話"怕我可能驚"... 所以小妹都有少少心理準備!!
故事內容:
父親（朝睛）最喜愛收集蝴蝶標本，為了捕捉象徵幸福的大鳳蝶而到遠方的森林去，但卻遲遲不歸。自小失去母親的女兒（小雨）在家中等候得心急如焚，非常寂寞；幸得鄰居（曉子）照料與關懷，日子一日一日的過著…… 失去聯絡多時的父親在雨夜突然回到家中；之後，鬼靈精怪事件接踵而來，朝晴卻不知如何應對！正當他們為小雨憂心忡忡…… 屋中幽靈紛至，在蛻變的時間和空間，在他們迷離而奇妙的故事背後，真正能為小雨帶來幸福生活的未來徐徐展開……
專業劇評肯定
「親切趣致，有笑有淚，曲詞出色，別具特色的靈氣之作。」石琪
「我傷感得眼眶都紅了，演戲家族是香港人的驕傲。」潘麗瓊
名人褒獎力撐
「《一屋寶貝》是我看過最感動的本地製作音樂劇，絕對值得一睇再睇」張學友
「港式音樂劇《一屋寶貝》非常感人，值得推薦！」汪明荃
「看到這樣的劇情能不感動嗎？誠意推薦：《一屋寶貝》」鄭丹瑞
「隨着劇情，觀眾流淚或沒流淚，都會進入對生命與人情的反省境界」。小思
主演
朱栢謙 l 溫卓妍 l 鄭欣宜 l 林曉峰 l 姚詠芝
特邀演員
鄭佩佩
演員
陳永泉 l 何浩源 l 何敏儀 l 彭珮嵐 l 林可嘉 l 謝瑞琼 l 施標信 l 宋本浩
小妹感想:
- 怪唔得可以4度公演都坐無虛席, 呢個劇真係超好睇!!!!!!!!!! 好睇唔係因為有明星做, 而係呢個劇有情節, 有好靚既歌聲, 有笑, 有淚, 絕無悶場!!
- 一屋寶貝所指既唔係老人家, 而係鬼魂!! 但小妹一d都無驚, 因為所有演員都做得好好, 所有既歌聲完全感動到台下既每一位觀眾! 就小妹所見, 小妹前後左右(包括林先生, 以及我旁邊兩個約10歲左右既ABC), 無一個唔抹眼淚, 實在太感人, 太令人更加明白我地真係要珍惜眼前人既道理!!!
- 呢個劇係文化中心大劇院做, mpp好重手買左貴飛, 我地坐第四行睇得好清楚!! 劇中歌聲太動聽, 林生仲買埋原聲CD添, 雖然全程用左成千蚊, 不過真係值得!!多謝honey :)
三位女主角馮蔚衡、潘壁雲和楊詩敏各有千秋，各具特色，各自各精彩！
馮蔚衡內歛，潘壁雲平實，相對地楊詩敏較突出，一口唔咸唔淡的廣東話果然妙絕，很大機會憑此劇勇奪「最佳女配角」吧！
故 事 講 述 四 位 來 自 不 同 背 景 的 屋 師 奶 ， 由 於 各 自 遇 上 煩 惱 ， 包 括 未 婚 生 子 、 丈 夫 有 外 遇 及 失 業 等 ， 最 後 竟 恰 巧 地 走 在 一 起 ， 齊 齊 學 跳 肚 皮 舞 ， 最 後 各 人 更 因 跳 舞 而 得 到 心 靈 上 的 滿 足 ， 釋 懷 內 心 的 死 結 。 雖 然 Elsie 覺 得 部 分 情 節 仍 有 商 榷 的 地 方 ， 刻 畫 師 奶 生 活 仍 未 夠 細 膩 ， 但 對 戲 中 幾 幕 子 女 喝 罵 母 親 的 片 段 ， 則 頗 有 共 鳴 。
小妹感想 :
呢個劇真係超超超好睇, 完全無悶場之餘, 笑位好多, 兼且包含感動位, ending 以band show演出更加係一大亮點!! 今時今日以錄像播出已經令我地全場好high, 如果係life演出, 小妹都不敢想像 --- 我諗我應該會企起身同台上既主角一齊high!!!
開始認得楊詩敏呢位主角應該係由詹sir既話劇開始, 一直覺得佢係好戲之人, 不過總覺得佢有時too much, 太多詹sir既影子... 但呢個劇佢真係做得好好, 飾演一個天水圍既師奶恰到好處, 值得一讚!!!
香港話劇團前任藝術總監陳尹瑩博士編導的《花近高樓》，是香港於港英政府過渡期的其中一個最重要的創作劇本，先後被收錄在【香港話劇選】(文化藝術出版社‧1994)和【破浪的舞台(香港劇本十年集：八十年代篇)】(國際演藝評論家協會[香港分會]‧2003)。
《花》劇共分三幕，分別以五十年代中期、七十年代初期和八十年代末的中秋節為背景，透過幾個主線人物的關係，從青年、成年至中年的不同經歷，交代香港幾十年的社會變化，以及如何在動盪的環境保持自我。
在1988年的香港舞台，編導藉著角色的語言「江子留：香港這個地方，使我們不能好像其他地方的人一樣樂天知命，安居樂業。因為我們在世界上任何政府眼中都不重要。」不單表現了香港人於回歸前的忐忑不安，更表達了香港人對無根的生活如何不滿。《花》劇由前市政局的公帑資助演出，亦可說是褒揚了香港一直推崇的藝術創作自由。
《花》劇除了由話劇團當年的精英演出，更有馮寶寶飾演江美蘭，她與林尚武飾演的丁豐，演活了急功近利的香港人形象。
此劇不單曾在港三度上演，更帶動了香港話劇團的首次美、加巡迴演出。
小妹感想:
呢個劇三個年代既故事, 小妹都睇得好有共嗚!!
50年代小妹未出世, 但正正反映到老一輩既人, 大部份人都係係國內黎香港, 佢地係香港既困難生活!!
70/80時代, 生活簡單但左鄰右里都好守望相助!
相比起現今社會, 人同人之間有好多隔膜, 欠缺信任!! 到底係人改變左呢個世界 ?? 定係呢個世界改變左人既想法呢 ???
香港話劇團於1997年春夏交替之際，演出了陳敢權的創作劇《一九四一》，連同該期間由香港演藝學院同期演出陳氏的舊作《一八四一》，可說是回歸前香港劇場以古喻今和借古諷今的舞台姊妹作品。
編劇說明《一》劇是「一齣惡作劇的創作劇」，副題是「如有雷同，實屬香港的不幸!」。誠然，《一》劇描寫二次大戰日軍侵華，香港淪陷前半個月的社會狀況，其時正是香港近代史上的一頁不幸篇章。然而，編劇透過那動盪不安的時代，目的是表揚相濡以沫的冷暖人情，並且諷刺那些貪圖苟安的混世心態。劇中爛賭樂師所說的「莊家論」，以及日本軍官謾罵港人欠缺家國觀念，同樣是編劇對香港人苦口婆心的告誡。
《一九四一》與《一八四一》雖說親如姊妹，但演出風格和形式截然不同。前者除了順時順序地說故事，並注入了粵劇的傳統表演元素。看著劇中的粵劇戲班如何以戲中戲《八仙過海》逃離日軍魔爪，不單令觀眾笑破肚皮，也說明了粵劇於香港的獨特文化地位。
小妹感想:
相比起《人間有情》同《一九四一》 , 小妹比較喜歡《人間有情》手法, 或多或少可能係小妹唔太喜歡粵劇....... 《一九四一》以一班粵劇人物為主題, 故事內容雖則吸引, 但粵劇既小生花旦唔係小妹杯荼... 所以小妹覺得呢個劇麻麻地, 有少少悶場, sorry >.<
| 一八四一 | 2012/05/19 19:30 | ||
| 城寨風情 | 2012/05/20 19:30 | ||
| 人間有情 | 2012/05/27 14:45 | ||
| 南海十三郎 | 2012/06/03 14:45 | ||
| 新傾城之戀 | 2012/06/10 14:45 | ||
| 一九四一 | 2012/06/17 14:45 | ||
| 花近高樓 | 2012/06/24 14:45 | ||
| 我和春天有個約會 | 2012/07/01 14:45 | ||
| 誰遣香茶挽夢回 | 2012/07/08 14:45 | ||
| 酸酸甜甜香港地 | 2012/07/15 14:45 | ||
| 愈笨愈開心 | 2012/07/22 14:45 |
上星期日, 同mpp去左葵芳睇話劇 -- 《在那遙遠的星球．一粒沙》.
故事內容:
http://paper.wenweipo.com/2011/09/09/OT1109090001.htm
小妹感想:
呢套劇由梁祖堯主演, 可惜成套劇梁祖堯既演出並唔多.... 另一主角邵美君既戲份就好重!
第一次睇邵美君既劇, 一睇就知邵美君係好戲之人..... 但可惜成套劇佢太多對白... 不斷講好多....好多....好多... 對白!! 實在令人有點兒悶既感覺!
好在尾段有d攪笑位, 令成套劇有番d色彩!!
星期日做左好多野....
早上, 先同mpp去左九龍灣處理事務 (詳情聽日再講)...
跟住就陪mpp媽咪飲茶!
之後, 就同mpp去左上環文娛中心, 我地去睇話劇 <<中女解毒>>!
話明 <<中女解毒>>, 好明顯就梗係講中女... 開頭都唔錯, 可惜每part所講既野都好似唔係幾連貫! 一part請現場男士上台玩..... 一part講感性...... 一part好低能....... 一part無端端播片, 講女性泰北長頸族, 非洲女性割陰, 中國女性紮腳.... 呢個劇到底係講中女..., 定係講女性呢? 劇情好唔鮮明, 對我個人黎講, 真係有d九唔搭八, sorry!!
擒日同mpp又去睇話劇, 今次我地去文化中心, 睇《波音情人》.
詳情
CHOK男以一敵三航空姐 瘋狂愛情大亂局
A2創作社 繼大受歡迎喜劇《爆肚王》後，全新改編經典法國獲獎喜劇《Boeing Boeing 波音情人》一齣令你睇住笑、笑住叫的瘋狂喜劇。由安信弟＋麥記型男，配上劇場三位索空姐，引爆一場擋不住的「瘋」情。
故事簡介:
以為掌握時間就掌握所有女朋友的Bernard，用他最殺食的外貌整古做怪，享盡男人夢寐以求的生活；直到遇上一個颱風，三女回歸，上天決意要令他的雄風不再……
主要演員:
陳仕文 安信 Brother搖身一變風流財子
（Actors’ Square (A2創作社)創辦人之一，香港小劇場獎最佳男主角提名，演出包括《莫札特之死》《點點隔世情》《爆肚王》等，憑「安信兄弟」廣告廣為香港人認識）
文傑聰 麥記型男試 Chok Seven 仔宅男
（Actors’ Square (A2創作社) 創辦人之一，演出包括《柯廸夫》《起碼拉阿爸》《四千金》等，積極參與廣告及影視製作，憑「McDonald (法式漢堡篇) 」廣為香港人認識）
馬沛詩 劇場 A Mui化身索爆坡妹
（香港戲劇協會「傑出年青演員獎」、香港舞台劇獎最佳女主角(悲/正劇) 提名，演出包括《點點隔世情》《我不要被你記住》《情話紫釵》等，以《壞女孩A. Mui Live》廣為香港人認識）
于曉君 正氣OL演盡 Pubbing港女
（憑《一拍兩散偷錯情》獲香港演藝學院「傑出演員獎」，積極參與電影製作，電影包括《家有喜事2009》《天水圍的夜與霧》《鎗王之王》等）
張紫琪 長腿姐姐大玩 Kawaii架妹
（年青新晉演員，演出包括《我的快樂時代》；香港演藝學院《魔方變奏》《我要高飛》等）
黃呈欣 爆Hot劇后玩轉騎呢管家
（香港舞台劇獎最佳女主角，演出包括《胖侶》《戀愛總是平靜地意外身亡》《小人國》系列《老婦還鄉》及《四千金》等）
小妹感想:
第一次睇A2創作社既劇, 一套完全令小妹, mpp以及全場觀眾可以笑足全場既一套爆笑話劇!! 加上mpp買左第一排正中既位, 位置真係超正呀!!
男主角一腳踏三船, 三個女友都係空中小姐, 分別來自三間航空公司! 男主角以為可以分配好時間, 享齊人之福, 但陰差陽錯下三位女友同一時間出現, 因而鬧出唔少笑位!
值得一讚既飾演管家既黃呈欣, 全套劇之所以咁好笑, 黃呈欣可算佔左大部份功勞!!! 呢套劇係小妹同mpp睇劇以來, 最最最最好笑既一套!!!! 激讚!!!!!!!!!!!!
呢幾日發生好多事....
星期六下午, 同mpp又去左我地成日出沒既地方 --- 大會堂, 今次我地睇 《辛辣人妻》!
詳情
Loft Stage x 梁榮忠 x 唐寧 x 王浩信
全新演繹經典浪漫溫情喜劇
Tony Award得獎舞台劇 New York首演達4年共1530場次 百老匯十大最長壽劇本
我叫你死佬,你叫我衰婆,咁先至叫做相愛?
小妹感想:
故事講述唐寧同王浩信相戀只有六日就結成夫婦, 可能因為夫婦欠缺了解, 因而引起誤解而鬧離婚... 而結局當然係happy ending啦!
呢套劇有梁榮忠做導演, 對白生鬼, 兩位主角仲做得好出色!
已經睇過好幾套唐寧所演出既話劇, 但第一次睇王浩信做話劇, 無諗過佢會做得咁好, 當中有至成三至四個位, 觀眾因為佢既好戲而為佢拍掌!!
多謝mpp帶我去睇, 呢套咁好睇既話劇!!!
(追卜中.....)
五月初, 出左差唔多十日trip後, 成個人都散哂....
mpp一早買左話劇飛, 雖然小妹真係好攰, 但..... 我呢個跟得好女友, 當時唔會錯過陪honey睇話劇啦~~~
8/5/2011 (星期日), 我地去左葵青劇場睇《斜路黃花》, 未入場時已經見到陳敏兒, 佢係黎撐老公廖啟智場!!
故事:
以 1903年「大明順天國」事件為經，以基督徒革命者及士紳儒商的人物關係為緯，以中、上環斜路為背景，重現百年前香港人在辛亥革命洪流中的血淚、掙扎與仁心，體現了「香港人、中國心」的可貴情操。
資深影劇評論人石琪﹕「主角是富商周家兩兄弟......矛盾關係比《十月圍城》富商父子更有代表性......涉及宗教，革命、鼠疫、慈善、戲曲、戀愛與婚姻、中西新舊之辯…重提了不應遺忘的香港歷史一頁。」
小妹感想:
今次mpp又買貴飛, 我地坐第三位... 近距離去欣賞話劇本應好有feel... 可惜....
可惜1: 小妹實在太攰太攰... 實在有力不從心既感覺... 無奈地開劇無耐, 有部份時段瞓左覺.... >.<
可惜2: 小妹旁邊坐左一名其女子!! 呢個女人好難頂, 佢係咪都笑一餐!! 尤其係當女主角廖安麗講d類似新加坡英文時, 呢個女人直頭係度喪笑... 嚴重騷擾他人!!!!! 好討厭!!!
好一套話劇, 小妹就係咁既情況下浪費左去好好欣賞...
星期日同mpp去左上環文娛中心睇《再見別離時》!
呢個劇由歐錦棠兩公婆擔正演出, 亦係歐錦棠成立既劇團第一套劇!
故事簡介﹕
“是甜是苦是經歷 是福是禍是人生”
歐錦棠繼《死佬日記》笑撼過萬人，再以真情撼動人心。
現代人，一句緣盡了便分手，「性格不合」更成為離婚的最好理由；同居比結婚更方便處理感情的離散，比財務公司更易借易還。Alex與Sarah同樣走到愛情的終點，二人一同回首過去，作最後一次對質，才驚覺往事並不如煙，儘管無法掌握未來，卻興幸共同擁有過去。緣來緣去，原是人生！
小妹感想﹕
前半部份有d悶, 不過前面所有伏線係為左帶出下半部份... 一個傷感既結局! 唔少人都眼濕濕離場!
每個人既命運都唔一樣, 有人先苦後甜, 有人先甜後苦....
我屬前者, 苦盡甘來! 感恩小妹而家生命中有mpp, 再一次要警醒自己係一個好幸福既人!! 珍惜現在, 珍惜將來!!!
上星期五同mpp去左上環文娛中心, 因為mpp又買左話劇飛, 今次睇香港話劇團既 《全城熱爆搞大佢》!
故事:
熟女演員 潘璧雲黑箱作業
令你夢想成真添丁夢工場
一對抑鬱詩人及前舉重冠軍夫婦
一對遠古天神教忠實信徒
一對寵物迷夫妻
一名神秘單身艷女郎
齊齊走進「二十天令你夢想成真添丁夢工場」為成功造人而奮戰!
小妹感想:
呢個劇都幾特別, 我地一入場時, 演員都已經出左黎, 成個佈局好似去左家計會聽生仔d野咁... 例如點解d人不育呀, 精子卵子點樣結合呀, 等等..... 攪笑得黎 又幾啱我同mpp喎, 哈哈~~~
香港人有好多唔同既問題而不育, 呢個劇就引用呢樣野而帶出唔少大家既設身問題, 而且當中仲有好多笑位!!
特別一提, 劇中既有一part鋼管舞, 呢part睇到mpp眼都唔貶.... 女演員跳得非常野火, 但我見mpp係咁望住個女演員時我仲火呀!! 哈哈~~ 不過呢個女演員又真係跳得幾出危... 睇番佢d資料, 原來佢都有d來頭:
陳雅珊
| 畢業於香港演藝學院舞蹈學院高級文憑，主修音樂劇舞系。並考獲英國皇家舞蹈教師協會踢躂舞高級證書。曾演出音樂劇作品包括《最佳百老匯》、《相約啡音棧》、《危情遊戲》、《Leaving》、《霓賞派對》、《雌雄莫辨》選段及《時刻》。並為葉氏兒童音樂劇《Jungle Book》、《潘迪華演唱會》擔任編舞。現為舞蹈員、編舞、演員及舞蹈教師。 |
引述【明報專訊】
生理時鐘使然，生仔不生仔，是很多30多歲女人男人反覆思考的人生問題。坊間流傳千奇百怪的生仔秘方，由拍膊頭叫好姊妹預留頭啖薑醋，到在所不惜入實驗室製造試管嬰兒，不少人望生仔望到發癲是不爭的事實。雖說傳宗接代是女人的天職，但在這個時代，能否成為媽媽，其實更要看天意。
藉生仔自我發現
「現代人愈來愈遲婚，婚後又擔心不育，男男女女因此四出尋方問藥。他們苦惱過也努力過，無論結果是得是失，那段求子過程經歷的心理起伏，不足為外人道。」被稱為香港話劇團熟女演員的潘璧雲坦言，自己也曾親身經歷。「可是，這樣子搞來搞去，老實說，這班人可有認真想過為何生仔？人生中我們不斷追求，但這些那些，是否皆是我們的真正需要？」
對於某些人，結生仔組織一個幸福美滿的家庭，等於擁有一個童話般的美滿人生。然而在潘璧雲眼中，現代人生育，經歷最多的是沒完沒了的檢查，心理生理甚至感情生活遭徹底起底，說穿了，其實是一次藉生仔的自我大發現。
於是，她借生仔過橋，創作了9個背景性格迥異，但同樣異常執著的孤寂男女，既有宗教狂熱者，也有神秘單身艷女，為求產子進入「夢想成真添丁夢工場」，在煮下飯仔傾下偈的工作坊中，有意無意挑出了許多個人與伴侶的問題，打開那道塵封的心窗。「劇中很多問題，其實也是向觀眾提問，他們認識自己嗎？」
潘璧雲演戲20多年，執筆寫劇本是近兩年的事。她表示，自己不是一個容易開心的人，因此之前寫的幾個作品，氣氛總是沉重得令觀眾窒息。這次180度轉變寫起喜劇來，似乎有意突破自己。「也沒有怎樣想過，但生小朋友嘛，應該是一件開心事。說到新嘗試，當導演倒真的是第一次。」潘璧雲找了同樣是第一次為話劇做布景與服裝設計的伍宇烈幫手，處女處男結伴下海，幾尺厚的履歷幸好沒成為包袱。
童心砌起積木家
「雖然同樣是舞台，但舞蹈與話劇的要求，可以是南轅北轍。為了方便舞動，舞者服飾統統要輕，但話劇演員的扮相，則要幫助營造性格。」伍宇烈這次越界，就是要嘗試了解並滿足一個話劇導演的要求。他抓住了全劇的最中心——小朋友為出發點，然後以積木搭建出一個童心洋溢的布景，並且用現成的玩具，如煮飯仔和磁石貼，左砌右砌組合成不同的道具。「成年人執住玩具，不是貪玩，而是他們的確相信，煮飯仔真的可以煮飯。這班人思想單純，希望生孩子，只因相信有了孩子就有一個完美的家。所以，他們也砌積木，只要最後在積木堆放上一個三角屋頂，就建立到心目中的家了。」
《全城熱爆搞大佢》安排在實驗性偏強的黑盒劇場上演，儘管初試啼聲，他們都說沒甚壓力。畢竟「搞大佢」由此至終只是噱頭，細細地搞好佢，讓看與被看的都感動，這才是真。
上星期五同mpp去左演藝學院, 睇劉雅麗演出既《背叛》!
《背叛》Betrayal
最傷的，不是背叛，是要當作沒有背叛這回事。
原著：哈洛‧品特 Harold Pinter
導演：鄧偉傑 翻譯：莊梅岩
主演：鄧偉傑、劉雅麗、李鎮洲
Emma背叛丈夫Robert，對方正是Robert的好友Jerry；
同時，Jerry與Robert也背叛了他們妻子；
三個關係親密的人，在不知情下互相背叛。
全劇以倒序手法交代一段婚外情中的男女關係；由兩人分手後的會面開始，最後回到多年前，兩人相愛的起點，亦是背叛的開始。
《背叛》一劇中，愛瑪背叛丈夫羅拔，愛瑪的情人正是羅拔的好友佐利；而佐利也背叛了妻子祖迪；但原來羅拔也有數次外遇，劇中三人互相背叛。戲的第一場是1977年，一對偷情七年卻已分手兩年的戀人，愛瑪與佐利的會面。全劇九場以倒序的形式進行，直至最後一場是1968年，一切的開始，愛瑪與佐利開始相戀。
在翻譯的過程裡，將非常講究用字，目的在於保留原劇本的威脅性與荒謬性，但亦要配合廣東話的特性，以引起觀眾共鳴。
mpp今次又買貴飛, 我地坐第二行位!!
或者... 可能.... 應該係.... 自己睇劇唔夠深度, 呢套劇我完全覺得好悶!
套劇八點十分開始, 一路做到九點四十分左右, 主角們就走出黎謝幕.... 嘩~~~ 我當時仲以為係中場休息, 估唔到係做完, 感覺有d無厘頭!!
呢套劇$300一張飛..... 我真係覺得唔值呀!!!!!!!!!!!!!!!
上星期五同mpp又去左灣仔art center睇話劇, 今次睇《情人眼裡出壽司》!
故事內容:
飢男鬥餓女．戀愛大放題
世紀情愛Open Rice，男男女女，
尋尋覓覓，開開心心，任玩任食！
在迴轉式愛情輸送帶上，
邊碟新鮮？邊碟冧？
兩大求受覓食專家
「萬零」與「屈神's」，
豪情肉博，赤裸示範，
教你識揀識食，
唔駛尋尋覓覓！
小妹感想:
今次由翟凱泰、楊詩敏兩位擔正演出, 成個故事都係由佢地兩位編出黎!
論演技 -- 佢地兩位自編自導自演, 跟得詹瑞文, 演出巧力有番咁上下!
論故事 -- 上半part好ok, 故事講述現代男女愛情心態, 有feel有笑位, 中斷略嫌悶左小小!!
論驚喜 -- 尾斷有楊詩敏彈結他solo唱"Lover's Concerto", 估唔到係好好聽!!
論感想 -- 成套劇唔算好突出, 只想講而家好多話劇越黎越多粗口對白.... 無錯, 有d劇情的而且確加左粗口後, 會生動好笑好多... 不過, 就好似呢套劇咁, 我覺得唔多須要!
論讚賞 -- 除左兩位主角外, 仲有特別配角, 佢就係"向佐"喇!!! 今次係佢第一次演出舞台劇, 睇佢係電視演出時, 佢講對白咬字好唔清楚, 今次舞台劇咬字明顯有改善, 值得讚賞!! 六舊腹肌既佢一出場, 仲引黎觀眾一陣陣嘩嘩聲添!
最深刻聽Lover's Concerto, 就係陳慧琳唱既版本, 佢唱得好soft好好聽!
＊How gentle is the rain
That falls softly on the meadow
Birds high up on the trees
Serenade the clouds with their melodies＊
REPEAT＊
Oh! See there beyond the hill
The bright colors of the rainbow
Some magic from above
Made this day for us
Just to fall in love
You'll hold me in your arms
And say once again you'll love me
And that your love is true
Everything will be just as wounderful
Now I belong to you
>From this day until forever
Just love me tenderly
And I'll give to you every part of me
Oh! Don't ever make me cry
Through long lonely nights without us
Be always true to me
Keep this day in your heart eternally
You hold me in your arms
And say once again you love me
And that your love is true
Everything will be just as wonderful
三號風球, 有咩做??
擒晚同mpp又去左灣仔art center, 因為mpp買左飛睇 -- 愛情‧音樂劇場《戀愛輕飄飄 回歸版》
故事內容
經典再現六度公演!!
《戀愛輕飄飄》以首首膾炙人口的港台愛情流行曲為起點，配以幽默扺死的對白和精彩互動的現場演出，訴說一段尋尋覓覓的愛情故事。
自零二年起，《戀愛輕飄飄》從麥高利起步一直演到大劇院，由香港跨度上海再踏進廣州，演員有殿堂明星、唱作才子及舞台劇獎最佳演員；是演戲家族難得游走於主流與小劇場的經典戲碼。
小妹感想
有幸同mpp係07睇過另一版本《阿森與莎莉的花far世界》，當年由殿堂級歌后歌王陳潔靈和倫永亮，夥拍樂壇唱作才子張繼聰，以細膩動人的完美歌聲談情說愛，細說阿森與莎莉的愛情長跑故事。
《阿森與莎莉的花far世界》內容比較清晰明確, 演出者演出投入, 小妹完全被打動!! ----------- 兩個愛情新丁，決以純潔心靈，拼出如曇花乍現般燦爛的花花世界，尋找長青樹下的諾言；一對神經俠侶，愛到無以為計，決意攜手步進漫天花火的戀愛舞台，用歌聲尋找永恆的幸福。
如果要比較《阿森與莎莉的花far世界》同 《戀愛輕飄飄 回歸版》, 小妹一定選擇前者!
《戀愛輕飄飄 回歸版》三位演出者演技太幼嫰, 而且呢套劇標明係 ""音樂劇 "", 只可惜三位既歌唱技巧真係好麻麻, 感覺好似壓唔到個場咁.....
整體黎講, 小妹對呢個劇係失望既!!! 比左$160買一張飛, 但就好似去左中學睇學生表演咁... 失望!!
** 以上全屬善意言論, 如有得罪, 多多包涵! 
