人間有愛

我信神.... 我信我的父神 -- 慈愛既天父! 我信祂會垂聽我們所有禱告!!

 

曾經, 經歷人生黑暗期, 不敢說現在很好, 但至少.... 今天我心裡感到平安! 因為, 我信主耶穌基督!!! 我知道今天所行的, 正是天父為我安排的路! 

 

前一篇blog已講過, 看過陪著你走後, 知道霖霖爸爸Anthony希望讀完他們的blog後, 可以為他太太Carmen祈禱!

 

同男友分別作出祈禱後, 我亦在自己facebook內向朋友們呼籲, 希望他們知道後, 亦為Anthony一家禱告!

 

但..... 無形的推動力一直停留我身...... 我斗膽在未得到Anthony同意下, 我在facebook內開了一個group! << ** 在此真的要向Anthony道歉, 請原諒!! ** >>

Carmen Yuen --- 病危年輕母 牽動網友心!

http://www.facebook.com/group.php?gid=143166984142&ref=search&sid=1481220703.3547031450..1

 

好開心在開group後, 不斷有人加入....  此舉不是在宣傳, 不是羊群心理, 更不是博出位.... 大家只是希望可以為Carmen, 為Anthony, 亦為霖霖禱告!!! 為他們一家打氣, 送上無限的祝福同支持! 

 

感動.... 實在非常感動加入人數不斷增加!!  此刻, 我深深體會到"人間有愛"!!!!

 

盼望神蹟馬上出現, 讓Carmen可以早日康復, 可讓他們可以早日一家團聚!! 

 

羅馬書 10:13
因為 [凡求告主名的, 就必得救.]

 

路加福音 8:50:

耶穌聽見就對他說, 不要怕, 只要信, 你的女兒就必得救.

點點力量

不知是巧合? 還是有神既安排?? 擒日睇到一篇好touching既blog -- 

陪著你走! (原來幸福家庭係不可强求，你以為你可以一手創造，偏偏就會失去。其實幸福係點定義，似乎唔係由得我。平凡一生，不作强求，其實係一種幸福。 『諾霖』，是承諾媽媽同女兒的印記。)

 

女人..... 一生不外乎希望可以嫁個好男人, 有自己既小寶寶, 有一個溫暖家庭,... 雖然我唔知其他女人係咪咁諗, 但至少我呢個女人仔係!  相信Carmen都係!!!!

 

新生命既誕生理應會為一家人帶來無限既喜悅, 可惜偏偏事與願遺!!! 小寶寶既來臨, 既令呢個家庭360度改變哂!

 

小妹擒日一口氣將呢個blog全部睇哂, 打從第一篇blog開始, 忍不住既眼淚不斷流出.....心心體會到Anthony既痛!!!!!    想生一個BB啫..... 點解會搞成咁????  是天意弄人嗎???? 十萬個唔明白... 千億萬個唔開心..... !!!

 

希望.... 我真係好希望可以幫到呢家人..... 雖然小妹實際上完全幫唔到Carmen, 但正如Anthony在blog內所講, 我地可以為Carmen禱告!!!  擒日, 我同mpp已為為Carmen一家作出祈禱......  希望全能既天父可以治癒Carmen... 相信Carmen呢件事已經令佢地一家人飽受不少煎熬..... 希望天父可以賜平安, 賜褔比呢一家人!!!

 

雖然小妹所識既朋友唔算多, anyway, 我好希望借用自己點點力量, 係facebook又好, 係blog都也好...... 希望將Carmen所發生既不幸事宣揚出去, 讓更多人知道, 讓更多人可以為佢地一家禱告.....

 

大家, 希望你地拿出短短一分鐘時間, 為佢地一家禱告..... 為佢地送上祝福!!!!

 

預祝所有人中秋快樂!!!

 

後記: 感謝主!!! 感謝主讓我呢個電腦白痴可以誤打誤撞咁, 成功係facebook內開左個GROUP!!! 希望, 真的好希望藉著我小小既力量, 可以讓更多既人為CARMEN一家祈禱!!! (多謝Bowling, 多謝Sara既支持!)

http://www.facebook.com/home.php?ref=home#/group.php?gid=143166984142&ref=nf

Carmen Yuen --- 病危年輕母 牽動網友心!

《相聚21克》

星期日, 搵左舊同事"細蘇"陪我去文化中心睇話劇 《相聚21克》!!  我地睇下午三點場, 亦係呢套劇最後既一場.... 全院滿座係有原因, 因為實在太好睇, 太令人感動!!!

 

mpp今次買左貴飛, 坐第二行!! 雖然今次個台係正中間, 觀眾席係兩旁... 不過, d主角大部份時間都望過黎我地呢面講野, 所以個位認真正!!

 

故事內容:

據說靈魂只重21克，21克也就是生命的重量，也代表著靈魂的分離。

故事發生在三年前… 「佩雯的男友不幸因車禍去世，在這三年間，佩雯卻一直深信他並沒有離開自己。縱然身邊所有人都看不見她口中的這位「同居男友」，但佩雯仍自覺幸福無比。

精神科醫生浩然與女友阿思同居多年，十年如一日的生活早已把二人的愛情磨滅殆盡。一次偶然的機會下，浩然重遇闊別多年的舊同學佩雯。由起初將佩雯視為病人，到漸漸走進她的世界，浩然最終甚至還看得見佩雯口中那個不存在的「他」。

 

 

感想:

 

睇到最尾時, 小妹既眼淚實在忍唔住流左出黎..... 令人好感動!!

 

人與人之間既感情, 好多時都會隨住時間而流走或者沖淡! 戀愛前既曖昧關係令人不知所措..... 戀愛初期既甜蜜可以令人沖昏頭腦..... 呢種感覺, 大家還記得嗎???

 

時間確實可以改變很多事, 不懂得珍惜只會換來失去!!  還望大家珍惜身邊的一個他/她吧!!

甜酸苦辣

甜酸苦辣人人有, 要係一日內發生, 可稱得上係不幸, 黑仔, 樣衰通通習於一身!!! 而不幸既事, 既然發生係我身上....

 

話說所有事發生係上星期六....

 

甜

上星期六放工後, 小妹左超市購物, 當日買左好多水果, 包括有應節既蜜柚, 仲有布冧同香蕉... 加埋為屋企入貨, 結果係超市內逗留左大半個鐘後, 滿心歡喜咁拎住兩大袋戰利品返屋企!!

 

苦

返到屋企後, 小妹將戰利品逐一歸位... 當我打算將冷藏食品放入冰格時, 打開冷箱門時, 突然有東西跌落地下, 小妹自然反應梗係"烏"低身去執..... 不幸既事情就此發生, 當我執完野伸番直個身時, "呯"的一聲... 我個頭撞到個冷箱門呀...... 嘩))))))))))))))))))))))))))))))) 好痛呀!!!!!!!!!!!!!!!!!!!!!!!!!!!!!!!!!!

當時, 小妹以為好似細路仔咁, 撞到頭只會"起樓".... 好自然咁用手去"卒"個頭.... 點知, 我發現隻手指染有血........ 小妹即刻由廚房沖出去廳度, 一路喊, 一路用紙巾掩住仍然流緊血既頭.... 嗚嗚嗚嗚.... 當時個心好驚又好痛.... 好驚真係撞穿左個頭...

 

酸

坐係梳化, 流住兩行眼淚既我, 好想打電話比mpp...... 但係我坐係梳化度居然係度豫疑..... 到底好唔好打比佢!

果刻個心好難受, 一方面好想打電話比mpp, 但另一方面, 我知mpp當日有事, 所以我驚會打擾佢....  豫疑左一陣, 最後仍然打左比mpp....

可惜只係傾左短短十句左右就收線... 雖然mpp夜晚再有打電話比我, 但係... 整件事令我感到酸溜溜的....

anyway, 個頭最後只係流左半張紙巾既血, 而我喊過後, 瞓完一個晏畫覺後已經好好多!

 

辣

撞到個頭後, 以為最辣手係洗唔到頭... 原來並唔係!!  最辣手.... 最辛苦原來係瞓覺個時!!! 個傷口撞到會好痛, 所以呢兩晚只可以側向一邊瞓, 亦因為咁, 夜晚有時唔覺意轉身碰到傷口而痛醒... 哎.... 真係好黑仔呀!!

儘管...

mpp weekend要出差,

所以呢兩日唔得閒陪我.....

儘管呢個星期我地差唔多日日都見面,

但係weekend無佢同我一齊,

始終覺得lonely..........

*

*

由於mpp上星期至知道呢個weekend要出trip,

而佢之前又一早買左聽日話劇既門票,

儘管我已經搵到人陪我去睇,

但係我仍然好想佢陪我......

*

*

儘管mpp已經比左好多承諾我,

但係我仍然會胡思亂想.....

*

*

咦.....

心煩, 氣悶等等既症狀突然出哂黎...

唔通....

我係時候要飲番支"太太好大力"....

 

 

應節水果

下星期就到中秋,

早兩日mpp攞左d應節水果比我!

有奇異果,

蘋果同提子!!

 

 

提子係"巨峰提子"...

正!!!!

 

 

蘋果係"青森縣蘋果"....

不過, 味道好似同普通蘋果差唔多咋喎.....

 

 

一諗起下星期有幾日假就開心....

中秋! 中秋!

你快d到啦啦啦啦!!

哈哈!!

又一buffet夜

呢度係擒晚食buffet既地方....

我地張檯可以坐八個人....  同唔識既人坐埋一齊..... 感覺有點怪怪的!

 

前面盡有頭有LIVE BAND表演!

 

尾後盡頭攞野食!

 

有維港夜景睇, 又有「幻彩詠香江」睇.....

 

此處何在..... ""洋紫荊維港遊""是也!!

 

 

我同mpp係北角碼頭上船, 係等船期間有d不安.... 因為不少國內團不段湧現.... 我同mpp比d"國語人"包圍住........ 感覺有如置身係深圳一樣..... @__@

 

開船後, 隻船駛往紅磡碼頭上第二批人, 好在呢批好多外國人同日本人.... 隻船入面即時變得比較 international !!!

 

上船後, 可以開始攞野食....

 

八點正有15分鐘「幻彩詠香江」睇..... 我地無上甲板睇, 只係留係船內一邊食野, 一邊隔窗睇「幻彩詠香江」.....

 

食飽飽後, 我同mpp至施施然上甲板坐..... 擒晚天氣好好, 唔熱又有涼涼地既海風, 感覺好舒服寫意!! 香港既夜景真係靚!!!

 

七點半上船, 九點半落船.... 由於mpp之前join左個澳門package, 附送呢個""洋紫荊維港遊"", 我地都算叫做唔使比錢.... 如果唔係, 以呢度既食物質素, 要我比HK$330+10%, 相信我未必會再黎! 

 

不過咁, 只要同mpp一齊, 邊度我都會同佢去既..... 嘩哈哈哈哈~~~

又牛一喇

小妹今日舊曆生日,

查實我地呢一代人,

大部份都應該會係新曆慶祝生日...

 

舊曆生日呢家咁傳統既野....

就只有媽咪同mpp會記得!

 

mpp打中文SMS好鬼慢.....

不過, 個傻佬今朝一早都send左一個中文SMS比我,

我知道佢一定花左唔少時間去打,

辛苦你喇honey!!!

我會一一記係心裡!!

 

至於媽咪呢,

佢都好有心!

今朝打左電話比我,

同我講生日快樂!!

媽咪, 你永遠都係世上最鍚我既一個,

我都鍚哂你! 

 

今晚, 小妹會同mpp去食buffet....

無錯!!!

又係buffet.....

 

同mpp一齊咁耐,

我地既感情,

就好似我地既身型咁....

有增無減!

 

生日願望,

自己都已經三字頭,

查實好多許過既願望已經成真,

剩番既願望,

希望兩年內可以逐一達成啦!

求婚的惡魔 (The Proposal)

上星期五放工後, 同mpp去左鑽石山睇戲 -- 求婚的惡魔 (The Proposal)!

 

小妹最鐘意睇西片, 愛情片更係我既至愛!! 呢套"求婚的惡魔"係一套愛情喜劇, 完全係my cup of tea!!!

 

女主角珊迪娜布洛Sandra Bullock飾演大出版社既女強人編輯.... 而男主角賴恩雷諾士 Ryan Reynolds就係佢既assistant.

 

女主角來自加拿大, 因為面臨「非法移民」危機, 於是緊急安排假結婚, 以造就她可以繼續留居於美國, 不用遣返加拿大..... 因事出突然, 女主角用上司壓力, 迫男主角接受假結婚, 因而產生不少鬥氣鬥法既好笑場面... 話明愛情喜劇, 結局當然係happy ending啦, 假結婚變為真結婚!!

 

我覺得套戲好睇在於當中有不少新橋段, 夠sweet之餘, 又夠好笑, 男主角傻更更得黎, 又幾靚仔討人歡喜...... 鐘意睇愛情喜劇既朋友, 真係要快d去睇!!  不過, 唯一有d可惜係女主角Sandra Bullock個樣真係老得好緊要....

 

一償所願 --- 烤雞失敗篇

由買焗爐個日開始, 小妹已經好想焗雞, 講左差唔多成年幾兩年, mpp亦都聽過無數次, 擒晚小妹終於一償所願, 做左個烤雞出黎!!

 

 

呢個烤雞係參考"大少奶第二本書"既食譜, 係再前一晚已經要醃定!  春雞要洗淨抺乾... 炒香牛油, 香草, 鹽 (我加埋蒜茸), 然後掃上雞既內外, 醃一個晚上!  個LOOK都似模似樣, 好期待呀~~

 

 

擒晚放工後九秒九極速返屋企切蔬菜..... 雞內既stuffing有西芹, 紅蘿蔔同洋蔥.... 而貪心既我, 再加上南瓜, 薯仔同洋蔥放在雞既底下一齊焗!! 當時信心十足GAR~~

 

 

食譜教預熱焗爐後, 用錫紙將雞cover, 先焗15-20分鐘, 之後打開焗30-40分鐘就攪掂..... 小妹按足每一個step後既傑作!! 都唔錯吖.....

 

 

可惜........... 可惜既係隻雞唔夠熟, 而且部份蔬菜亦唔熟 (應該係我切得太大舊所致)............

 

小妹唯有嗱嗱聲又將佢入爐再焗, 焗完唔得又再焗........ 由7點開始攪..... 攪到九點半至食得!!! 可憐既mpp餓住個肚等我開飯..... 只怪自己自視過高, 下次都會改係星期日或者假期, 先試煮新食物..... 免得又再出醜!!

 

o靚模

早前可愛姨甥女上左小妹屋企, 第一次幫呢位小妹妹油指甲, 亦因為咁, 小妹多左呢位正宗"o靚模", 哈哈~~

 

幫佢簡簡單單油上指甲同埋加上星星, 就已經氹到呢位妹妹仔不知幾歡喜, 連我呢個呀姨都開心埋~~

 

肥嘟嘟既小手仔, 好得意呀~~

 

可愛姨甥女自小就好鐘意跟我, 我講嘜佢就學嘜 .... 家下我鐘意油拍甲, 佢又鐘意埋一份..... 幫佢油完指甲第二日, 佢就要佢媽咪帶佢去買指甲用品.... 結果, 年紀輕輕只有八歲既姨甥女, 用左二百幾蚊零用錢去買.... 唔知係咪我呢個呀姨中毒太深, 仲將d毒傳埋比佢呢..........

新玩具

小妹對整指甲越來越有興趣, 除左成日上YOU TUBE睇吓nail art之外, 仲比得睇到原來可以係指甲上做印花!!

 

好開心可以係QQ NAIL買到呢d印花用品, 呢個blog友好快手, 比錢後唔使兩日就幫我寄出, 上星期到手後, 第一時候返屋企玩呢個新玩具!!

 

睇人印花好easy, 自己整就有d倒瀉蘿蟹咁, 好鬼"炆".... .... 攪左成個鐘後.... 嘻嘻~~  出黎效果又幾靚, 成個人即刻開心哂!!

福

個風打得成, 我地呢d打工仔終於可以享有少少好處, 今朝落風球後, 慢慢姿姿整整咁出門口返工!

 

香港真係一個福地, 比起好多國家, 香港打風算唔多..... 加上打風既TIMING又好, 成日都係半夜掛八號, 晨早又落波....  而且最重要係香港無嘜因為打風而做成嚴重傷亡.... 真係感恩!! 感恩!!!

 

而MPP, 查實你都好有福, 因為你有我呢個好女友... 成日煮野比你食之餘, 又對你好喎...... (又自己讚自己添...)..............

 

上星期五, 小妹煮左"三文魚扒配鮮茄火腿意粉"比mpp食.... 我明知mpp對三文魚扒麻麻, 佢只愛食銀雪魚, 貪佢夠滑........... 不過, mpp身體一般, 三文魚對佢好有益... 所以我唔會理佢照做衰人, 之後我一樣會照煮比佢食... 有益吖嘛!! 煮左出黎, 你無理由唔比面同我食哂佢既, 哈哈~~