由買焗爐個日開始, 小妹已經好想焗雞, 講左差唔多成年幾兩年, mpp亦都聽過無數次, 擒晚小妹終於一償所願, 做左個烤雞出黎!!
呢個烤雞係參考"大少奶第二本書"既食譜, 係再前一晚已經要醃定! 春雞要洗淨抺乾... 炒香牛油, 香草, 鹽 (我加埋蒜茸), 然後掃上雞既內外, 醃一個晚上! 個LOOK都似模似樣, 好期待呀~~
擒晚放工後九秒九極速返屋企切蔬菜..... 雞內既stuffing有西芹, 紅蘿蔔同洋蔥.... 而貪心既我, 再加上南瓜, 薯仔同洋蔥放在雞既底下一齊焗!! 當時信心十足GAR~~
食譜教預熱焗爐後, 用錫紙將雞cover, 先焗15-20分鐘, 之後打開焗30-40分鐘就攪掂..... 小妹按足每一個step後既傑作!! 都唔錯吖.....
可惜........... 可惜既係隻雞唔夠熟, 而且部份蔬菜亦唔熟 (應該係我切得太大舊所致)............
小妹唯有嗱嗱聲又將佢入爐再焗, 焗完唔得又再焗........ 由7點開始攪..... 攪到九點半至食得!!! 可憐既mpp餓住個肚等我開飯..... 只怪自己自視過高, 下次都會改係星期日或者假期, 先試煮新食物..... 免得又再出醜!!
我想您不應該一入爐便放錫紙, 這樣擋住了熱力所以影響結果了. 鍚紙應該在臨尾15-20分鐘前加入好啲.
回覆刪除[版主回覆09/18/2009 14:29:00]多謝你既建議... 等我下次試吓先!!
好似啲顏色唔夠金黃。
回覆刪除[版主回覆09/18/2009 15:35:00]係啦.... 呢隻雞好失敗, 第一次出爐時唔夠熟, 而且顏色又唔掂...... ...... 唯有可取係味道確實唔錯!!
我下次會再試吓焗耐d, 希望顏色靚d之餘, 又夠熟啦!