牛一

YAHOO BLOG 12月要停辨了, 無奈地呢篇係最後一卜, 寫左6年, 呢度記錄左我自己一路以黎既喜怒哀樂..... 家下先黎個告別.... 而家努力地搵緊地方再寫!!



擒日小妹牛一(9月1日), 每年有mpp係身邊, 生日總覺得自己好幸福


星期六晚 (31/8), 同往年一樣去左Excelsior住一晚, 由於小妹生日, 酒店又一樣upgrade左我地間房, 仲有sea-view

今年禮物, 多謝mpp, 老婆好鐘意呢~~

晚上係酒店食buffet

林生林太

晼上酒店送上生日蛋糕一個 ^^

第二日 (即生日正日), 中午check-out後又去食食食....

呢餐飽到想嘔... 先黎魚生 ....

再黎壽司......

跟住熱鍋.... 牛

開波!

豬.....

雞.....

雜菜.....

再黎多round牛.....

飽到震下... last 綠茶雪榚!!

多謝mpp為我準備呢個既開心又飽到震既birthday

喜 與 悲

上星期有一件唔開心既事發生左... 不過, 向來有阿Q精神既我, 已經自我安慰, 自我化解左呢年唔開心既事!!   好多時候好想去得到更多, 不過小妹明白上天已一早為我安排左我既命運, 所以我接受事實, 會以神為我安排既路而行!


今早有一件好開心既事, 一位親人係今日公報既香港中學文憑放榜得到好成績, 佢唔係最TOP個9位狀元, 不過佢既成績足以入讀HKU!!!  見佢父親係放榜前既壓力樣子, 今日真的替佢以及佢既女兒驕傲呀!! 

話時話, 香港入大學名額真係好少, 學生以及其父母既壓大真係好大好大.... 不過不論入唔入到大學, 人唔係只得一條出路, 正所謂行行出狀元, 希望所有學生都正面咁可以面對啦 !!

心事

呢排公司好多野攪,
老細又唔體諒,
不斷摧, 不斷摧,
 壓力好大呢!!



加上近日小妹有心事......
所以呢兩個星期心情都唔係幾好....

心痛 >.<

有人因為工作關係, 耐唔耐就去出席公司晚宴 !!


身為工作高高高層, 理應可以拒絕好多野..... 但有人成人話 "身不由己".... 


呢個因為呢個所謂既宗旨....   有人係晚宴上不停飲酒 !!!!  


大大大老細敬酒比佢, 要飲 !!!  


其他伙記敬酒比佢... 又要飲, 仲要杯杯干 !!!


公司六百幾個伙記, 一半人都已經300個人啦, 人人敬酒比你, 咁係咪要飲300杯丫 ??!!!??


人多關係, 公司春茗要分3星期攪, 每個星期不停飲...   本身個胃又唔係幾好, 膽固醇又高....  你話係咪擔心死人丫 !!!


身為太太, 見你咁飲實在心痛, 又幫唔你嘜野, 只能做到沖蔘茶你飲! 


但身為丈夫既你, 請唔好再令太太擔心吧!!!

 

R.I.P.

埃及發生既熱氣球意外,
小妹擒晚祈禱時都有為死難者禱告!



今早睇到熱氣球著火爆炸同墜落片段,
個心好唔舒服......



願死難者安息!
R.I.P.

回來了

小妹上星期六晚已平安返港!!  韓國天氣好凍, 今次旅途好開心!!



未寫遊記前, 想寫下最近心情.......


生老病死係每個人必經既階段, 最近身邊人都有唔同既轉變, 而呢d轉變好似轉得太快.... 小妹一下子實在有點難適應....


-- 上年旅行時認識既一對新婚夫婦, 最近有喜了!!  小妹好替佢地開心 !

-- 同事爸爸星期一走了..... 眼見同事落哂型既面孔, 每天通紅既眼睛實好令人擔心.......

-- 小妹家姐上星期五入院做左個小型手術, 感恩一切順利 !

-- 親人剛證實患上癌症..... 希望上天保守, 伸手醫治!!!!



小妹要無時無刻要警剔自己, 珍惜家人, 珍惜身邊所有人!!!

黑色星期天

mpp係新工作project底下,  壓力好大... 好大!!   小妹見佢為工作日煩夜煩, 真係好心痛!!


呢幾個星期, 小妹盡量都唔煩住mpp, 好好照顧自己, 好好打理屋企, 等佢可以返到屋企舒舒服服!  擒日出街時發生左一單事, 不幸地為mpp再添煩惱... 小妹好自責... 好果我唔係硬要mpp出街就唔會出事...  雖然mpp無怪我, 仲反過黎安慰我, 但小妹真係好內疚!!!!!!!!!!!!!!!!!!!!!!!!!  希望事件可以化險為夷, 大事化小, 小事化無!!!!!!!!!!!!!!!!!!!!!!!!


早兩日同mpp係屋企傾計, 佢問我知唔知佢最大心願係嘜?  我答: << 我開心, 你就開心囉!!>>  呢個答案唔係mpp心目中原有答案, 但呢個答案絕對有小妹心中既model answer!   老公只要你開心, 老婆我都會開心ga, 知無!!! 


擒日返屋企後, 小妹盡自己努力, 煮左一餐兩餸一老火湯比mpp食!!  希望mpp煩惱盡失!!!

桑枝野葛湯

成份：老桑枝、乾葛片、赤小豆、熟薏、米南豆、蜜棗

功效：生津解渴、清熱除煩、祛風通絡之功效。

慶生 @ 舊同學 (part 1)

小妹開呢個blog係想記低同mpp既每一點每一滴, 但點都估唔到係呢度可以搵番失去聯絡已久既舊同學 :)


呢位舊同學好幸福, 佢而家係家庭主婦, 有個錫佢既老公, 仲有兩個可愛既囡囡, 好幸福呢~~


舊同學好有小妹心, 大家已經無聯絡十幾年, 佢居然仲記得小妹生日!! 八月底時已經買定禮物比我, 真係好感動! 


3/9/2012星期一, 小妹當日休息一天, 朝早約左呢位幸福媽媽食早餐, 收到我至愛既Moncchichi, thank you~~~


舊同學知小妹比較注重健康, 佢仲好細心買左樽岩鹽比我, 能夠重遇番你, 我地真係好有緣呢~~~ 

慶生 @ 老公篇 (Part 2)

1/9/2012 晚上係酒店食完蛋糕後, 約11點多, mpp又準備左餘慶節目比我.... 就係去誠品視察!


當晚係星期六, 時間已經接近12點, 但仍然人頭湧湧, 好恐怖!!!  相比台北誠品, 香港完全無左寧靜既閱讀環境, 行左差唔多一個鐘, mpp呢個書痴一本書都無買, 原因係實在太多人, 佢完全無mood!!

2/9/2012, mpp book左左酒店既lunch buffet!!  我地坐窗口位, 天氣同我心情一樣, 超好呀, 哈哈~~



準備開大餐~~

呢間酒店食過N咁多次夜晚buffet, 反而lunch buffet就未食過!!  大部份食物無嘜分別, lunch buffet無生蠔食, 不過就多左弼食, 個弼好綿好好食呢~~

甜品時間, looks good but not very yummy *__*

好在有至愛補償!!

最後黎杯熱檸蜜, sweet !!




食飽後就check-out, 酒店職員最後一句係 " 多謝哂林生林太, byebye~~", 小妹甜在心呢~~


林太好開心林太既細心安排,  多謝老公!!!!

慶生 @ 老公篇 (Part 1)

結婚已經9個月了, 好多朋友包括外國客人都問小妹婚後生活點樣....


大家請放心, 小妹婚後好開心!!  但相對mpp而言, 婚前婚後最大既變化應該係佢走唔"luck", 日日夜夜都要對住我, 成日比我煩住, 哈哈~~


今年生日, mpp幫我安排左"兩日一夜慶生之旅", 多謝honey!!


1/9/2012(星期六)下午, 我地左去Excelsior Hotel 住一晚!  酒店知道我生日, 特別upgrade左我地間房, 房間闊落!

有sea view!!

仲有小禮物!, 呢個鐵罐可以做錢罌!

鐵罐入面裝滿candy, SWEET~~

晚上mpp book左檯食吉列豬扒~~



某次同mpp去日本, 食"吉列豬扒"時有個極深印美好回憶, 所以再時食"吉列豬扒"時, 自然會同日本比較!   呢間餐廳專食"吉列豬扒", 個look同味道都好ok~~

食後感: 吉豬同日本既和幸有得flight, 一d唔油膩, 白飯係珍珠米!  而椰菜同飯都可以refill, 同日本一樣!   另外醬油都好正宗, good!!



多謝老公~~

回酒店後, 酒店送上生日蛋糕一個, 好細心呢~~

 



最最最開心係蛋糕附上生日卡一張, 將卡係比"MRS. LAM"的!!!! 

honey, 呢個生日我好開心呢~
 



(待續.....)