與mpp慶生篇

小妹今年生日好開心, 今日特別攞左日假, 係屋企休息下...

 

擒日係公司, 同事們做出一件令我開心到喊既事, 好感動..... 詳情聽日先講!

 

夜晚放工即刻去會合我個honey mpp, 因為mpp book左位同我慶生, 呢間餐廳係中環, 係同事"親愛的"介紹既...

 

呢間餐廳本身有一個已經set好既menu, 你可以自己選擇換菜式, 又或者可以因為太飽而skip左部份菜式, 餐廳會係埋單時將價錢略為調整!

 

好喇, 睇下我地擒晚食左嘜先.... (因為未set好部新電話, 相片解象度太細而令相片質素麻麻, 唔好意思)

 

1) 頭盤有聖子... 新鮮聖子拖水五秒, 肉質好爽又鮮甜, 唔錯唔錯!!

 

2) 煎鵝肝 -- 件鵝肝煎得超正, 外面勁香脆, 裡面又夠幼滑... 星級制作~~ 10粒星!!

 

3a) mpp既南瓜湯

 

3b) 小妹既磨菇湯, 好味!!

 

3c) 配有牛油餐飽 -- 呢個一般貨仔!

 

main course出場喇~~

4a) 先有mpp既香煎白雪魚 -- 呢個勁好味, 同鵝肝一樣, d魚表面香脆到不得了, 但入面d肉仍然保持幼滑, 正!!

 

4b) 我既牛扒 -- order左七成熟, 不過塊牛扒好太熟, 硬左少少... 不過, 牛扒肉質唔錯!

 

此時, 小妹個肚飽到就快要爆, waiter走黎問不如上埋個dessert, 咁我地話好啦........ 點知...... 呢個時候播出生日歌~~~ 一個waitress送上一個甜品既生日dessert出黎....... 小妹真係開心到傻左....... 好surprise..... 好開心呢!!  吹完蠟燭同切完生日dessert後, waitress將佢拎走....

 

之後送上呢個雜錦dessert... 特別一讚, 個心太軟超超超超好味!!

 

最後, 送上我同mpp合照一張.... (因為mpp屬於小妹一級重要人物, 為左要私有化佢, 佢既真身不便公開, 哈哈~~ 換上superman個頭都幾襯mpp吖, 哈哈哈哈~~)

 

多謝mpp你為我安排既一切一切......... 小妹無以為報, 唯有...... 唯有煮多d好野比你食啦!!!