休閒的一天

9月2日無返工, 小妹過左一日勁有"呀太feel"既日子...

 

個朝差唔多成十一點至瞓醒, 係屋企食左個飽後, 攪下呢樣..... 攪下個樣後已經成兩點幾....  之後換衫落街食下午茶....

 

食下午茶期間, 突然心血來潮, send左個SMS比mpp, 叫佢放工過黎食晚飯!!

 

食完下午茶後, 小妹走去行街街, 最後行用左個幾鐘, 買左好多野, 真係好開心....

 

跟住小妹又好悠閒咁去行超級廣場買餸... 返到屋企時已經成四點半, 慢慢煮餸, set定mpp返到黎既時間, 啱啱好比佢坐一陣就開飯...... 呢種生活真係"爽"呀!!

 

今餐食嘜餸呢......

 

有冬菇炆雞翼

 

仲有勝瓜蝦米炒肉片... (小妹從未煮過勝瓜, 今次係一個好既開始, 味道都唔錯, 嘻嘻~~)

 

仲有呢冬瓜去濕湯... (係前一晚睇呀蘇介紹而整, 不過, 小妹唔係咁鐘意呢種味道, 所以只有飲左好少.... 不過, mpp就飲左兩碗, 相信佢個晚一定去左好多次廁所喇, 哈哈~~)