與同事慶生篇

生日當天, 同事們係lunch時同我去左飲茶慶生...

 

因為第二日要放假, 所以小妹係下午時不斷埋首工作..... 係三至四點左右, 同事波記intercom我, 話design個邊影完相, 有野食益我地, 叫我入pantry食野 <<註: 因公司要整web-site, 所以之前designer個邊成日買好多美食, 佢地影完相後就會諦我地食>>....

 

小妹不虞有詐, 入到pantry時見到成班同事係哂入面, 仲多埋老闆係度..... 當時小妹仲見到有個蛋糕, 小妹當堂好開心咁大叫左出黎...... 嘩~~~ 嘩~~~ 多謝哂!! ((不斷重複咁講))

 

此時, 老細同我講happy birthday, 而我.... 亦毫不客氣咁同老闆講我要birthday kiss...... 哈哈~~~ 呢家野對鬼佬黎講一定唔會say no, 因為係禮貌黎吖嘛....  就係咁, 比我呃左老細兩個kiss, 左右面各一個, 哈哈~~ (mpp, 你唔好嬲呀, 我玩下gar咋, 哈哈!!)

 

之後, 同事仲有驚喜比我.... 佢地幾個女仔身後突然彈出一個人...... 噢............ 噢............ 噢............  我既舊assistant -- 細蘇突然出現............. 真係十萬個surprise呀~~~

 

太多驚喜發生.... 一時間實在太突然..... 小妹實在好感動, 開心既淚水就咁流出..... 眼紅紅咁切餅, 好樣衰呢~~

 

 

呢位就係我好鍚既"細蘇"喇, 雖然同佢一齊工作左唔夠一年, 萬想不到佢咁有心, 特登買埋生日蛋糕上黎公司同我慶祝......... 小妹真的好感動!!!  睇吓..... 我地d衫係無夾過之下勁襯呀!!! 大家當日都係著one-piece黑色裙, 配以紫色高跟鞋, 好match呢, 哈哈~~

 

呢個就係我而家既assistant -- "寶LING豬"喇... 唔好睇佢個子細細, 做野時好醒目同精靈呀~~

 

而呢位就係我係公司入面既老死 -- "波記", 一個勁好心地既女仔, 入黎呢間公司搵到錢既其次, 小妹最感恩就係可以識到佢!!!!

 

我地成team都係女仔, 不過, 大家都相處得好好..... 多謝哂大家送比我一個如此難忘既生日, THANK YOU AGAIN FOR ALL OF YOU!!!!