特備晚餐

擒日臨放工時, mpp打比我話攞支紅酒返屋企飲......


小妹登時驚惶失措... 原因係小妹係星期日已經買定材料做星期一晚餐.... 無奶油食中式晚飯配紅酒貢奇怪......


放工時邊行邊諗煮嘜好... "叮"!!!!!  就黎個意粉餐啦


黑椒汁牛扒拼天婦羅炸蝦+意粉!!

擒晚簡簡單單用蒜茸+鹽去炒意粉, 好開心mpp讚好好味....

其實煮飯辛唔辛苦無嘜所謂, 就算放工要趕頭趕命返屋企煮飯都唔在所不計, 最緊要用心去煮, 更係有人識得欣賞就夠了

ZOZO好味串燒

上星期超忙, 因為有兩個客係歐洲來港, 黎緊呢幾個星期有好多野要follow up, 忙忙忙....


星期六day off, 好耐無煮野比老公食, 冷落左mpp一星期, 星期六整好野比佢作補償!



中午瞓醒後出動, 係JUSCO買左一大車食物, 成四百幾蚊!



買野期間好肚餓, 係JUSCO入面既餐廳醫醫肚先 :)





材料豐富!!

新鮮organic疏菜



鹿兒島和牛 (呢度成88蚊, 好貴呢~~)

 

準備左雞肉串 :)

仲有牛肉串 :)

ready to cook~~~


colorful~~~



呢樽燒肉汁超好味!

Done~~




very yummy~~

特快拿破崙肉醬意粉 之 變奏

呢幾日繼續做無飯主婦, 努力post番之前既傑作


上次係759, 除左買左樽拿破崙醬, 仲買左幾款唔同意粉!  意粉有幾種類, 有普通啦, 有粗麵條啦, 仲有蝴蝶粉等等...


呢日就用左蝴蝶粉煮, 加埋個罐頭忌廉磨菇湯, 簡直係快! 靚!  正呀!!! 

配上可愛既mini甘荀, 意粉上面灑上芝士碎, 成碟意粉活潑哂~~~

一人晚餐 @ "特快拿破崙肉醬意粉" (附食譜)

上星期mpp好忙, 有好幾晚小妹都係一個人食晚飯!

小妹對食其實無嘜所謂, 晚上食個出前一丁, 加個生果已經enough!!  不過, 雖則我係出前一丁粉絲, 但出前一丁點好食都好, 都無可能晚晚食!!

其中一晚煮左個"特快拿破崙肉醬意粉", 叫得做"特快"一d都唔講d笑, 由準備材料到上碟, 全程約20-25分鐘.. 見到電視上既廚神比賽, 參賽者要係15分鐘內煮兩餸一湯, 小妹都想試試, 哈~~

不過, 小妹自知未夠班, 都係留係屋企做mpp既廚房CEO把啦

材料及做法:

材料: 意粉 / 番茄2個 / 肉碎 / 茄汁 / 拿破崙意大利粉醬 / 芝士 (honeymoon時係荷蘭買既)

做法:
- 煮熱水後, 按意粉包裝袋上時間煮熟
- 煮意粉期間, 將瘦肉切碎及用豉油,老抽,糖,鹽,豆粉略醃, 及將兩個番茄洗淨後切粒粒
- 開鑊熱少許油炒熟肉碎, 加番茄粒粒炒香後, 再加入意粉同炒
- 加兩湯匙煮意粉既水, 以及兩湯匙意大利粉醬及少許茄汁及少許糖調味
- 熄火後加入芝士碎拌勻即成!

P.S.:
- 小妹用既係拿破崙意粉醬, 上星期係769買, 當日買滿100蚊有9折, 樽醬好似唔使$10, 好抵買!!
- 想個意粉再香d, 可以將意粉上碟後才加芝士碎, 再入焗爐焗香!

黑松露菌意大利粉

honeymoon係法國時買左包黑松露菌意大利粉, 放左係廚櫃成半年, 早前終於醒起攞出黎煮 (大家請放心, 呢包意粉出年先到期 ).


雪櫃有豬扒, 又有椰菜, 唔使走落街, yeah~~ 黑松露菌意大利粉用黑椒用香草炒香, 同mpp又一個二人世界既晚上

購於法國超市 :)

有營晚餐 - 香煎三文魚扒 配 黑椒意粉及蒜茸炒雜菇

為左mpp健康, 好早之前, 小妹已經改用純橄欖油煮食, 少油, 少鹽, 少糖係而家煮飯既要訣!!!  加上用食材作調味 (例如乾蔥, 薑, 蒜, 洋蔥, 番茄, 原粒黑椒粒, 香草), 小妹誓要做個有營主婦! 


上星期五晚餐 - 香煎三文魚扒 配 黑椒意粉及蒜茸炒雜菇!

話你知.......

三文魚是高蛋白 、低熱量的魚類食物 。含有多種維他命及礦物質。此外三文魚含有最多的Omega-3 、不飽和脂肪酸 。

Omega-3 能有效地降低膽固醇 ，保護心臟 。



菌類食品是當今世界上最為流行的一種高蛋白、低脂肪、富含天然維生素的食品，也是被世界公認的“安全食品”和“保健食品”。


 

橄欖油不僅美味可口，也是油類中很健康的一種，因橄欖油中含較高的單元不飽和脂肪酸，可使血脂肪不易增加，而減低心臟病變的機會。橄欖油含有豐富的維他命A、D、E、K，及內含的抗氧成分具有抗老化的作用。

食用橄欖油的好處不勝枚舉，它除了營養成分豐富，含單元不飽和脂肪酸、維生素A、D、E、K、葉綠素及磷脂酸外，同時也是調理美味佳餚不可或缺的要角之一，橄欖油可以說是一種健康食品，尤其是它的烹煮方式多採用低溫煮食法，符合自然清淡的健康飲食概念，大部分的義式沙拉都會使用橄欖油。

超簡單冷麵

早兩個星期, 同事K整左d日式冷麵返公司比我食...
d冷麵真係好好食,
一食難忘!!


同事好好人, 知我鐘意食,
 特登寫左個做法比我!!
小妹當然馬上買材料, 返屋企整比老公食啦~~
 



材料簡單:
 有蟹柳絲, 雞肉絲, 青瓜絲, 同埋蛋絲 !!
加上早前係點點綠買左既 有機綠荼麵!
醬汁用培煎醬 (同事K仲比埋樽醬比我 ^^)




小妹第一次整既日式冷麵麵算似模似樣,
可惜mpp唔係好好太多生冷野 (壽司除外)...
不過老公都算比面,
幫我食左兩碗咁多...

自學西廚 @ 吉列雞扒

小妹好鐘意睇飲食節目, 近日超鐘意睇明珠台既天才小廚神, d小朋友只得8-12歲, 小小年紀已經可以煮出好多美食, 勁過好多大人.

 

上星期有一集教煮吉列雞扒, 小妹見唔係好難, 擒晚試煮左... 簡單又yummy~~

 

材料超簡單, 唔使20分鐘就食得!!

- 雞胸一大塊 (斜切三至四片, 視乎雞胸大細)

- 蛋一隻

- 麵包糠

 

1) 用小鎚拍薄雞胸 (雞胸肉必須平均厚度)

2) 雞胸洗淨, 用鹽+糖+雞粉+胡椒粉略醃

3) 將雞胸兩邊拍上豆粉

4) 上蛋槳

5) 然後將雞胸兩邊拍上麵包糠

6) 燒熱oilver oil(多少少), 以煎既方法將雞胸兩邊煎香, 攪掂~~~

 

除夕美食

31/12/10, 一早起身準備除夕PARTY美食!

 

先整朱古力脆脆, 放上呢個咁靚既盤上面, 好有high tea feel 呀, 哈哈~~

(做法超簡單, 先熱溶朱古力, 然後mix埋脆脆入面, 雪凍就攪掂!)

 

香草焗雞槌

(早兩日已經醃定雞槌, 用牛油炒香香草同鹽, 然後平均咁掃勻雞槌

 預熱焗爐200度, 每邊焗15分鐘, 之後掃上蜜糖, 將每邊焗10分鐘, done!!

  用錫紙包好雞槌, 方便客人, 我真係好細心呀, 哈哈哈哈~~~)

 

韓式牛仔骨

(將大量薑粒, 蒜粒, 乾蔥粒, 另加豉油, 糖同燒酒略醃牛仔骨,

 先煎香兩邊牛仔骨, 然後放入所有醃料, 收乾汁就攪掂,

 唔使15分鐘做好, 超方便又好食!!)

 

 

海鮮焗扇貝

(做法都好簡單, 扇貝起肉, 將扇貝殼洗乾淨備用,

 炒香洋蔥粒, 然後加入扇貝肉粒, 蟹肉及磨菇粒, 加鹽調味!

 另打散一隻雞蛋, mix以上材料後放入扇貝殼內, 灑上麵包糠,

 放入180度焗爐, 焗15分鐘便可!)

 

招牌白汁大蝦意粉

(小妹既得意之作, 做法簡單又包好味道 ^__^

 先用少少鹽同胡椒粉醃好大蝦,

 炒香洋蔥粒, 煙肉同磨菇粒, 放入大蝦煮熟後, 加入淡忌廉, 加鹽調味後,

 放入意粉, 攪掂!!)

 

酥皮忌廉湯

(先煲好磨菇忌廉湯, 放入碗內 <6-7成滿>,

 碗邊掃上牛油溶液後, 放上酥皮, 輕輕按壓在碗邊上,

  酥皮面掃上蛋黃漿, 放入200度焗爐焗15分鐘, 又攪掂!)

 

以上美食雖然做法簡單, 不過足以令我花上一日時間去準備, 見屋企人同mpp食得開心, 嘜都值得啦, 哈哈~~

 

大食會上, 仲有靚靚二家姐準備既美食:

有勁豐富既雜果沙律!

 

有mpp喜愛既啫喱糖!

 

同埋有家姐第一次整既桂花糕!!

 

 

2009同2010年, 為mpp同屋企人做左兩年除夕大食會.... 2011年既除夕應該會暫停, 因為今年除夕係小妹同mpp新婚後既第一日除夕, 應該到時會同老公仔一齊過, 感覺應該會浪漫d, 嘻嘻~~

有煮意~~

好耐無煮野.. 上星期六晚mpp唔得閒陪我, 小妹買左材料煮一人晚餐!

 

登登~~~~~~ 香草蒜茸菠菜意粉!!

 

心目中煮出黎應該係西式既... 點解成個look都好似中式貢既呢??!!??

豐富意粉

mpp擒日唔係好舒服, 小妹驚佢無胃口, 所以特別整左個豐富意粉比佢食!

 

粟米斑塊伴鮮蝦帶子炒意粉   (mpp o個碟大好多, 唔舒服既佢都可以清碟... 唔! 證明我呢碟意粉真係超級好食喇, )

 

魚柳用少少鹽同胡椒略醃後, 上蛋漿及生粉落鑊炸... 香口又好味!!

 

意粉方面, 蝦同帶子都先用鹽同胡椒略醃...  爆香洋蔥, 煎香蝦同帶子後, 再落意粉加鹽調味, 攪掂!!! 簡直快! 靚!! 正!!!