心型蛋糕

上月底公司有同事生日,
 呢位菲藉同事平時對小妹好好,
今年佢已經60歲,
小妹為表心意,
為佢做左個心型蛋糕,
希望Fely你永遠開心,
永遠健康~~

 

士多啤梨芝士凍餅

偷懶左好耐, 皆因上個星期唔舒服, 咳左好耐, 好彩呢幾日好番d...



早前又去左好朋友間cake shop學整餅, 今次主要係陪人去, 自己無整!


兩位學員好比心機哦~~

  

兩個蛋糕同步處理~~

先做餅底

外邊圍上士多啤梨

打忌廉

掃平餅面

小妹覺得成個整餅最好玩既step, 就係用士啤梨醬畫花, 可以比自己發揮吓自己既創意~

點幾點.....


用牙簽拉幾下....

大家見到嘜??



哈哈, 朋友仔畫左朵玫瑰花出黎, 佢太太收到個蛋糕時不知幾咁歡喜!!! 

超水準chocolate mousse cake

好耐無見, 懶惰左好耐, 係時間開工了 :)

今日係正月十五, 係中國情人節, 仲係我個靚靚二家姐舊曆生日添~~

擒日係2月5日, 係我個可愛姨甥仔生日, 小妹特別為家姐兩仔乸做左個生日蛋糕, 小妹好滿意今次個蛋糕, 因為真係個超水準作品!!!


第一次用士多啤梨圍邊, 效果唔錯呢~~




好左好多藍莓同士多啤梨 , yummy~~

小妹好比心機去做呢個朱古力褲, 出黎效果very good!!

家姐同姨甥仔好鐘意呢個蛋糕, 屋企人勁讚好味道, 小妹真係好好好開心呀~~


祝大家中國情人節快樂, 人月兩團圓!! =]

又一朱古力慕斯凍餅 (8" chocolate mousse cake ) -- 附食譜

早兩日又做左個 朱古力慕斯凍餅, 今次已經係第三次整!

已經第三次做呢款蛋糕, 理應毫無難度!!  但幣就幣在... 今次係要做比mpp個舊同事... 仲要係for14人食....  唔想mpp無face... 又要將做開6吋改為8吋... 分量唔同, 加上自己比左好大壓力自己... 小妹確實唔係好滿意個蛋糕!!


個mousse唔夠滑.... 蛋糕甜左d.... 塊牌整得唔靚... 士多啤梨唔夠乾身, 上唔到糖廂..... 真係有d唔開心!!

好在... mpp d 舊同事好比面, 係小妹面前讚個蛋糕好味道...  anyways, 下次會加倍努力!!

係度再祝mpp個靚靚同事 happy birthday!!

特濃朱古力慕斯凍餅 8”

 

餅底: -

Oreo朱古力餅碎  140g

無鹽牛油    70g

 

慕斯: -

蛋黃     4隻

朱古力奶     100毫升

可可粉     10g

糖     20g

淡忌廉 400g

魚膠粉     12g

凍開水     100g

55%濃度朱古力 200g

 

裝飾: -

可可粉 適量

 

做法: -

1. 將牛油用熱水坐溶, 倒入Oreo朱古力餅碎攪拌, 平均放入餅模內, 用匙羹將餅碎壓實放入雪櫃備用.

2. 淡忌廉打至6成後放入雪櫃備用.

3. 55%濃度朱古力用熱水坐溶; 魚膠粉與水開勻後用熱水坐溶.

4. 朱古力奶加糖和可可粉慢火煮至溶解, 撞入已拂勻蛋黃中. (分2-3次加入, 拌勻).

5. 加入魚膠水 (分2-3次加入, 拌勻), 用篩將混合物過濾, 再加入朱古力漿拌勻.

6. 然後與淡忌廉拌勻.

7. 將慕斯漿倒入餅模中放入雪櫃雪最少6小時.  雪凍後用篩將可可粉平均篩在餅面上.

 Tips 貼士: -

1. 餅碎可用消化餅碎

2. 每加一樣材料, 要完全拌勻好後才加另一樣. 

3. 淡忌廉最好打至6成(有紋有軟勾), 慕斯才會細滑.

4. 熱朱古力奶撞入蛋黃中要不斷拌勻, 不要讓蛋黃受熱凝固起粒.

5. 要確保魚膠粉完全溶解入水中., 要確保魚膠水完全拌勻入慕斯糊中, 否則魚膠水會凝固出現魚膠粒.

6. 脫模時可用熱毛巾包圍模邊, 或用風筒沿模邊吹, 使外層慕斯略溶, 方便脫模.

改良版"特濃朱古力慕斯凍餅"

上次整既"特濃朱古力慕斯凍餅"餅底唔係好得 (太梗唔好食), 不過個mousse就勁勁勁勁好味!

 

見屋企有大部份材料剩底..... 又見9月我地個team有4個壽星仔女(包括我).... 又好想改良吓個餅底..... 種種原因底下, 小妹上星期又整左個chocolate mousse cake, 帶番公司同班同事分享下!

 

今次用正方型模, 個mousse cake好平實, 唔花巧, 因為著重內涵, 哈哈哈哈~~

 

特濃朱古力慕斯凍餅 6”

 

餅底: -

消化餅碎        70g  ---> 改60g

無鹽牛油        35g  ---> 改25g

 

慕斯: -

蛋黃                        2隻

朱古力奶                50毫升

可可粉                    5g (約一茶匙)

糖                            10g

淡忌廉                    200g

魚膠粉                    6g

凍開水                    50g (約3湯匙)

55%濃度朱古力     100g

 

裝飾: -

可可粉                     適量

 

做法: -

1. 將牛油用熱水坐溶, 倒入消化餅碎攪拌, 平均放入餅模內, 用匙羹將餅碎壓實放入雪櫃備用.

2. 淡忌廉打至6成後放入雪櫃備用.

3. 55%濃度朱古力用熱水坐溶; 魚膠粉與水開勻後用熱水坐溶.

4. 朱古力奶加糖和可可粉慢火煮至溶解, 撞入已拂勻蛋黃中. (分2-3次加入, 拌勻).

5. 加入魚膠水 (分2-3次加入, 拌勻), 用篩將混合物過濾, 再加入朱古力漿拌勻.

6. 然後與淡忌廉拌勻.

7. 將慕斯漿倒入餅模中放入雪櫃雪最少6小時.  雪凍後用篩將可可粉平均篩在餅面上.

 Tips 貼士: -

1. 餅碎可用Oreo朱古力餅碎, 配合朱古力慕斯顏色.

2. 每加一樣材料, 要完全拌勻好後才加另一樣.  3. 淡忌廉最好打至6成(有紋有軟勾), 慕斯才會細滑.

4. 熱朱古力奶撞入蛋黃中要不斷拌勻, 不要讓蛋黃受熱凝固起粒.

5. 要確保魚膠粉完全溶解入水中., 要確保魚膠水完全拌勻入慕斯糊中, 否則魚膠水會凝固出現魚膠粒.

6. 脫模時可用熱毛巾包圍模邊, 或用風筒沿模邊吹, 使外層慕斯略溶, 方便脫模.

 

 

 

呢個改良版好掂!! 同事食過都大比10個LIKE我

 

有個同事仲跟我呢個食譜整左個蛋糕添~~ 小妹好開心呢~~~

特濃朱古力慕斯凍餅 chocolate mousse cake (附食譜)

自小已經好錫可愛姨甥女, 唔經唔覺, 呢位小妹妹已經十歲女~~

 

可愛姨甥女好為食, 不過佢好得意, 佢唔鐘意食蛋糕... 上星期佢生日, 特別要小妹為佢做一個無蛋糕既生日蛋糕, 仲要指定要朱古力味!!

 

小妹未整過朱古力慕斯凍餅, 返到屋企即刻上網搵食譜, 幸運地, 小妹搵到一個簡單食譜!!  (嗚謝: http://hk.myblog.yahoo.com/jw!yHmn1peXFRsdqBRN6N8XUxs-/article?mid=1171)

 

 

特濃朱古力慕斯凍餅 6”

 

餅底: -

消化餅碎        70g

無鹽牛油        35g

 

慕斯: -

蛋黃                        2隻

朱古力奶                50毫升

可可粉                    5g (約一茶匙)

糖                            10g

淡忌廉                    200g

魚膠粉                    6g

凍開水                    50g (約3湯匙)

55%濃度朱古力     100g

 

裝飾: -

可可粉                     適量

 

做法: -

1. 將牛油用熱水坐溶, 倒入消化餅碎攪拌, 平均放入餅模內, 用匙羹將餅碎壓實放入雪櫃備用.

2. 淡忌廉打至6成後放入雪櫃備用.

3. 55%濃度朱古力用熱水坐溶; 魚膠粉與水開勻後用熱水坐溶.

4. 朱古力奶加糖和可可粉慢火煮至溶解, 撞入已拂勻蛋黃中. (分2-3次加入, 拌勻).

5. 加入魚膠水 (分2-3次加入, 拌勻), 用篩將混合物過濾, 再加入朱古力漿拌勻.

6. 然後與淡忌廉拌勻.

7. 將慕斯漿倒入餅模中放入雪櫃雪最少6小時.  雪凍後用篩將可可粉平均篩在餅面上.

 Tips 貼士: -

1. 餅碎可用Oreo朱古力餅碎, 配合朱古力慕斯顏色.

2. 每加一樣材料, 要完全拌勻好後才加另一樣.  3. 淡忌廉最好打至6成(有紋有軟勾), 慕斯才會細滑.

4. 熱朱古力奶撞入蛋黃中要不斷拌勻, 不要讓蛋黃受熱凝固起粒.

5. 要確保魚膠粉完全溶解入水中., 要確保魚膠水完全拌勻入慕斯糊中, 否則魚膠水會凝固出現魚膠粒.

6. 脫模時可用熱毛巾包圍模邊, 或用風筒沿模邊吹, 使外層慕斯略溶, 方便脫模.

 

 

個mousse cake好香濃朱古力味, mousse夠幼滑!! 我用左Oreo做餅底, 不過按呢個份量 (消化餅碎 70g, 無鹽牛油 35g) 做出黎既餅底太實, 一定要改善吓!!

 

睇吓, 可愛姨甥女見到呢個蛋糕幾開心, 見到咁, 我呢個呀姨都好開心呢~~ 再祝可愛姨甥女生日快樂, 永遠健健康康, 快快樂樂!!

 

 

 

 

430 之 木糠布甸

好同事波仔4月30日生日, 呢位同事好鐘意食野, 佢對小妹整既木糠布甸讚不絕口!!

 

見佢咁比識食, 小妹當然願意整木糠布甸比佢, 同佢慶生啦!! 可惜, 四月底/五月初出左差唔係香港, 直至五月中至得閒整比波仔食!

 

小妹一次過整左10小杯, 再加兩個大玻璃盒!!  呢次既木糠布甸分左比好多同事食, 同事們都比面話好味道!!  見同事食得開心, 咁我自己都會開心~~

 

 

健康特飲

上一篇blog講到減肥, 有唔少姊妹對我個極速減肥好有興趣!!

 

我唔自私, 不過由於我尚未完成, 又驚會反彈, 為免教錯人.... 所以等我達到我既目標磅數後, 就會詳細話比大家知我既詳細減肥計劃, 同大家分享吓!!

 

減肥期間, 實在太多太多引誘!! 好在, 過去一個星期mpp都好配合我, 同我出街食飯時, 見我order沙律時, 佢都好似有d surprise我今次既堅持, 仲讚我叻添,  哈哈~~! 小妹今次真係好有決心, 原因其實好簡單, 因為我唔會比自己做個肥新娘!!!

 

減肥時好容易覺得肚餓, 由於食少左野, 有時可能營養都會少左... 小妹好想健健康康咁去減肥, 所以而家日日都會整果汁飲, 既可吸收營養, 又可以飽肚!!

 

先同大家分享吓小妹自製既兩款特飲 (嘻嘻... 好似好PRO咁 )

 

1) 香蕉雪梨提子汁  -- 味道唔錯!!

 

2) 提子蘋果奶 -- 用脫脂奶, 咁就唔怕會好肥啦

 

提子同蘋果我係專登唔去皮, 飲個時有野可以咬吓, 仲可以飽肚添!!

 

唔知用嘜野水果配嘜野水果好??!!!?? EASY啦, 去果汁舖攞張外賣紙囉, 哈哈~

 

--> 提子蘋果奶  -- 有消除疲勞, 恢復體力既功效???!!!?? 勁呀!