又係一年一度既釣墨魚時間, 係上星期六晚, 小妹就去左西貢釣墨魚!
今次小妹負責call人, 一心只想搵夠約廿二/三人就算, 點知一呼百應, 由最初只有6個人參與, 到最後多人到要截人, final我地有42人出席!
好難得個日天氣好正, 勁多船等埋岸接人上船!!
上船前同d friend影下相先...
今次book船好平, 每人只須$120, 包埋野食, 真係好抵........
呢兩姊妹係我多年好友, 數數手指我地識左成19年..... 嘩~~~~ 我地真係好耐無見, 今次難得聚一聚, 緊係要影相留念啦!!! 開心+ing!!
呢次釣墨魚又食白果........ 好down!!! 不過, 小妹呢次做左"明燈"!!
係你隔離釣, 你就釣到三隻墨魚............ (哼.... 好勁咩!! 
無墨魚釣, 咪轉下位咁啦........ 點知..... 企係呢位靚女隔離, 佢又釣到三隻..... OH NO!!!!! 我成晚做左人地既明燈呀!!!!
船家話自從上星期打風後, 都無嘜墨魚........... 當日d friend大多只有釣到d墨魚BB, 大少少既墨魚只有幾隻............. 不過, 集合咁多人既成績, 炒埋炒埋都有一碟, 都唔錯丫!!!
好開心既一次釣墨魚旅程, 希望每年都可以攪得成團啦!!!
28/7/09 (星期一), 今朝原本打算退房前同mpp去酒店泳池游水, 可惜成朝都落雨, 結果嘜都無做過.... "side"哂!!
check-out後, 我同mpp返左屋企飲下午茶, 唔使返工既生活真係好優閒!!
先黎一碟豉油王鮮魷炒麵
再order燒賣, 咸水角, 粉粿 同 叉燒包.... <<兩個人食唔哂咁多野, 結果要打包拎返屋企...>>
原本.... 又打算high完呢個Chinese tea後, 去club house游水.... 可惜飲完茶都成四點鐘, 但泳池5pm要清場, 6pm再開............ 結果, 又游唔到水!!!
呢兩日出街食得太多野, 夜晚決定煮飯, 要還債比mpp... 因為一直都話會煮咕嚕肉比佢食, 今日終於煮到!!
菠蘿咕嚕肉 (味道都ok好食gar ^0^)
仲有西芹雞柳添!
就係咁, 我地呢個兩日一夜既週年慶祝活動係好sweet sweet下完結左喇!!!
上年因為有人包場擺喜酒, 攪到我地只係食左個lunch buffet, 上次食lunch buffet時, 樣樣野都好好味, 所以都幾期待再黎食buffet.... 而今年, mpp好醒目地一早打電話去做booking, 免得掃慶!! mpp, 你真係抵讚!!!!!
個人黎講, lunch buffet同夜晚buffet既食物差唔多.... 呢度價錢都唔平, 加一後差唔多成$500一位.......... 坦白講, 呢度只有好少野食, (熱盤只有最多八個左右.... 可想而知啦~~), 不過, 個point係佢真係樣樣野都好好食!!!!!
mpp book左六點, 我地食到差唔多八點.... 真係由天光坐到天黑!! 開餐前影左靚相先..... 嘻嘻~~
餐廳環境唔錯, 最橋就係..... 我地又係坐番同一張檯...... 上年既感覺即刻出哂黎!!! 真係sweet sweet呀~~~
餐廳有分內外兩part, 而家d天氣熱屎辣辣咁, 我地緊係坐indoor啦... 不過睇睇, outdoor既環境都唔錯呀!!
我地仲開左支紅酒飲............. 最後... 我醉左!!!!!!!!!!!!!!!! 醉..... 並唔係因為酒精而醉, 而係因為我個mpp呀, 小妹好陶醉呀!!! 嘩哈哈哈哈~~~
Candle light dinner + Red wine........ wow~~~ ROMATIC!!!
個晚小妹真係食左好多野......
先有: 凍蝦, 凍蟹, 煙三文魚, 三文魚, 吞拿魚壽司, 黑蟹子配餅
再有: 煎蟹柳餅, Ribs, 魔鬼魚, 串燒牛柳, 蟹柳 同 螺肉!
之後: 牛油麵飽 + 凍響螺, 同埋有encore既黑蟹子配餅 !
甜品時間: 有燕窩燉蛋白, 葡撻, cream brulee, 窩夫, 士多啤梨puff !!
再有呢d....
最後食埋生果 同 雪榚後....... 小妹同mpp捧住個大肚腩埋單走人!!
MPP, 呢餐多謝哂, 真係賜給我飲飽食醉的一個浪漫晚上!!!
擒日放左一日假同mpp去疏乎, 好有偷得浮生半日閒既感覺! 而且呢幾日仲食左好多.... 好多野.... 真係有排減呀~~~
我地好似上年咁, 係星期日去左"數碼港酒店"住一晚!! 中午時先去銅鑼灣食日本野!!
我既和牛定食
mpp既魚生飯定食
仲order左幾碟壽司食, 埋單都係HK$120, 呢餐lunch真係好抵食!!
食飽飽後, 我地出發去數碼港!! 房間同上年同一個style! 有格調之餘又舒服!!
一入房門, 酒店已經一早準備好welcome我地..... 佢將mpp個名show左係電視上面, welcome ar, Mr. Pxxxx Lam, heehee
將床側邊有個透明玻璃牆, 可以完全睇到浴室..... 當然從浴室內亦可清楚望到出面將床.... 完全零私隱!!!............. 好在... 好在有個curtain, 沖涼時可以放個curtain落黎, 咁就沖得開心又放心喇!!!
之不過, 查實呢間酒店設計真係好open....
1) 盡管浴室玻璃牆有curtain, 但可惜個curtain安裝係外面... 即係話, 如果你沖涼時, 外邊既人只要揭開個curtain, 就可以睇哂你個full body....... >.<
2) 洗手間大門用上磨砂玻璃, 不過.... 係無鎖既!!
3) 一入房間, 近大門有一個大衣櫃, 呢個衣櫃有兩邊門... 一門係大門位置 (即係同普通酒店一樣)... 不過, 另一邊門就係洗手間入面..... 咁即係話, 就算洗手間大門有鎖都無用, 因為個衣櫃相等於多左一道門!!
好喇... 交換禮物時間又到喇~~~~~ 小妹送上我為mpp一早準備既禮物..... 佢收到好開心..... 而mpp亦送到佢份禮物比我!!
哈哈~~ 係一條頸鍊呀, 上面有個水晶心型鍊咀..... 拆開禮物個刻真係感覺好sweet呀.... mpp, 你係咪將個心交比我呀??!!?? 哈哈哈哈~~~
而我..... 其實仲有多一份禮物送比mpp, 準備呢份禮物時所經歷既過程好難忘.... 亦有好多激氣既地方.... 不過, 就係因為咁令我好難忘, 而mpp都好鐘意呢份禮物!!
擒晚mpp帶我去大會堂睇話劇, 今次睇《笑之大學》, 演員有我喜愛既陳文剛演出!!
我諗mpp一定知道我鐘意陳文剛, 所以佢買呢套劇! 今次mpp仲買左貴飛添, 我地坐第四行, 睇得好清楚, 好正!!!! << 多謝你呀mpp!! >>
睇過幾套陳文剛既話劇, 好欣賞佢係舞台上面既生鬼, 亦欣賞佢既演技, 每次都可以演活一個角色 (唔會感覺到好似做緊戲好假咁!).
套劇八點開演, 做到差唔多十點, 中間無休息時間... 呢套劇笑位多到數唔哂, 有劇情!! 有演技!!! 有笑位!!!! 時間真係過得太快, 小妹睇到完場都慒然不知..... 
擒晚係首演, 見到唔少名人.... 先見到有份做幕後既魏綺珊, 又見毛俊輝, 仲見到朱薰姨, 佢攞住男友仔添, heehee~~
舞台劇《笑の大學》在日本是長演不衰的劇目，曾奪得96年讀賣演劇最優秀作品獎，首度公演即引起熱烈的反響，要求再次上演的呼聲不斷，在民眾強烈要求下，98年再度在日本全國大規模公演，盛況空前。至99年更走出日本登上俄羅斯的舞台，後來更在加拿大、英國和韓國公演。糊塗戲班花極大努力，才獲三谷幸喜首肯，將此傑作於2009年7月在香港大會堂劇院上演，是全球首個中文演出版本。
故事講述昭和15年（公元1940年），日本正處於戰爭的非常時期。國民娛樂「演戲」也受到嚴格的限制，劇本在上演前要經過嚴格的審核。笑の大學劇團的編劇椿一，為了要讓自己的劇本可以通過審查而不斷的修改、抗爭、妥協。頑固的審查官向坂層出不窮的要求，竟然令椿一寫出前所未有的惹笑之作！ 而這個從未笑過的審查官，在審查劇本的一個星期內，卻一直與笑聲分不開……
香港大會堂劇院 （共6場）
24-26/ 7, 31/ 7-1/8 晚上8時正
2/8 下午3時正
