又係一年一度既釣墨魚時間, 係上星期六晚, 小妹就去左西貢釣墨魚!
今次小妹負責call人, 一心只想搵夠約廿二/三人就算, 點知一呼百應, 由最初只有6個人參與, 到最後多人到要截人, final我地有42人出席!
好難得個日天氣好正, 勁多船等埋岸接人上船!!
上船前同d friend影下相先...
今次book船好平, 每人只須$120, 包埋野食, 真係好抵........
呢兩姊妹係我多年好友, 數數手指我地識左成19年..... 嘩~~~~ 我地真係好耐無見, 今次難得聚一聚, 緊係要影相留念啦!!! 開心+ing!!
呢次釣墨魚又食白果........ 好down!!! 不過, 小妹呢次做左"明燈"!!
係你隔離釣, 你就釣到三隻墨魚............ (哼.... 好勁咩!! 
無墨魚釣, 咪轉下位咁啦........ 點知..... 企係呢位靚女隔離, 佢又釣到三隻..... OH NO!!!!! 我成晚做左人地既明燈呀!!!!
船家話自從上星期打風後, 都無嘜墨魚........... 當日d friend大多只有釣到d墨魚BB, 大少少既墨魚只有幾隻............. 不過, 集合咁多人既成績, 炒埋炒埋都有一碟, 都唔錯丫!!!
好開心既一次釣墨魚旅程, 希望每年都可以攪得成團啦!!!
夜晚釣墨魚未玩過喎!
回覆刪除[版主回覆07/31/2009 10:20:00]出年帶埋呀仔試吓玩啦, 呢個係每年7月既好節目呀!!
我也剛玩釣墨魚,成晚只釣到一條.
回覆刪除[版主回覆07/31/2009 10:19:00]你都好叻丫, 釣到一條.... 我就嘜都無.... >.<
下 ~~ 嘜我地識左咁耐啦 ~~~
回覆刪除我仍然覺得我地好似在學生時代喎 ( 依然咁後生 ) !!!!
我地的感情係不變的 ~~ 哈哈 ~~~~~
[版主回覆02/03/2010 17:54:00]哈哈, 眨吓眼就咁多年.... 唔覺唔覺, 你都生左兩件....
無錯, 好在我地感情深厚, 雖然唔係成日見面, 不過, 好多野都" 在心中 "!! COME ON, BABY..... hahahaha.....