欠你的...

好想煮好多菜式, 五時花六時變既我, 成日都諗到嘜, 就話想煮嘜... 可惜, 大多菜式都係想多過做!

 

近日發現, 每當我同mpp講好想煮嘜嘜嘜時, mpp都好似無嘜反應咁, 無以前咁雀躍..... 可能佢真係聽得我太多流料.... @_@

 

根據小妹有限度既腦記憶顯示, 以下係小妹對mpp最嚴重既拖數項目!!!  (如有遺漏, 實屬正常, 因為我d記性真係.....

)

 

1) 咕嚕肉 --- 拖數期接近兩年!!!

- 由小妹知道mpp鐘意食開始, 好遺憾地我到而家都未煮過比mpp食.... 一直都話會煮, 但都因為種種藉口而仲未做到, 最大原因係因為我懶.... sorry honey!

 

2) 焗雞 --- 拖數期超過一年!!!

- 自從買左焗爐後, 小妹耐唔耐就會話好想焗成隻雞, 可惜又係"大隻講"....

 

3) 瑞士卷 --- 拖數期約半年!!

- 之前一早已經搵到合適食譜, 不過, 又係因為一個懶字, 小妹已經將佢擱置左唔知係邊度....

 

4) PIZZA --- 拖數期兩三個月!!

- 係blog上搵到d食譜, 睇黎好容易整咁, 查實我知道mpp對pizza麻麻地, 不過, 一向mpp都係我忠實粉絲, 就算佢唔太鐘意食, 佢都會好比面食d..... homemade pizza應該好快會整!!

 

5) 咖喱雞 --- 拖數期兩三個月!!

- 自從睇完呀蘇教煮"快咖喱"後, 小妹已經九秒九咁買左呀蘇介紹個隻咖喱醬... 可惜仍然未的起心肝去煮....  不過, 呢期小妹"雌"心壯志.....睇黎"MZZ咖喱雞"都不遠矣!!!