上星期五同mpp一齊食lunch, 我地去左食日本野!!
我既咖喱吉列豬扒飯定食 (當日味道咸左少少, 不過都ok)
![](../images/sfVEumuXPt5r4Ktcr0mybw.jpg)
mpp既壽司定食, 配埋湯烏冬!! (可惜mpp唔食鳥冬, 最後要我食埋... 想肥死人咩!!)
![](../images/2psqbmrvhGqKZE2SMA1vhg.jpg)
今日, mpp媽咪又特登出黎同我地飲茶, auntie好好, 每次都一早起身煲定d老火湯比我地飲!!! 老人家一番心機, 小妹一定比面! 我..... 我竟然可以飲左三大碗湯, 好厲害!!!
另外, auntie真係唔話得, 每次佢都會一早去攞定位等我地.... 噢.... 小妹真係唔係咁好意思呢!! 話哂都係長輩嘛......
更慚愧係.... 每次auntie都爭比錢, 而我又唔夠佢爭........... O.............. 真係"O"哂咀.............
為左回敬返auntie, 我都好識做..... 同auntie打咁多次麻雀, 每次佢都嬴錢呀!!! 哈哈~~
mpp, 你即管錫我多d啦!!!!!!!! 你繼續錫我多d, 我又錫番你媽咪多d... 噢.... 而家係媽咪咁錫我..... 咁我又要錫你多d先得.... kiss kiss honey~~
唔使唔好意思, 第時輪到妳要煲湯, 搵位飲茶, 因為妳己經升級做: 〝媽咪〞
回覆刪除[版主回覆07/06/2009 17:47:00]如果你既話.... 我絕對願意做呀, 嘩哈哈哈哈~~
真係好sweet呀,有個錫你的anutie.
回覆刪除[版主回覆07/07/2009 09:53:00]係呀, 我會好好珍惜!!