《李察三世》

差唔多成半年無睇話劇, 擒晚mpp帶我去香港文化中心睇《李察三世》!!

呢套劇由鍾景輝同林保怡演出, 講述駝背的李察公爵(鍾景輝), 為了爭奪王位, 設計謀害兄弟, 剷除異己同有可能成為王位既繼承人..... 最後家破人亡, 連自己都戰敗沙場!

 

成套劇有好多角色, 而且全部都係讀白, 中間完全無歌舞..... 不幸既係..... 我前晚瞓得麻麻, 個人已經唔係好夠精神.... 睇頭個半part真係好有眼瞓感覺....

 

好在! 好在!! 小妹並無瞓著, 耐心d去睇, 套劇其實真係好豐富! 前半段交代哂d角色後(即係我既眼瞓位 ^__^), 中段開始劇情慢慢開始有d緊湊! 而結尾亦都唔錯!!!

 

主角鍾景輝可謂由頭到尾都擔正做主角, 除左佩服佢既演技之外, 仲要佩服佢d記性!!!!! 而另一主角林保怡, 可惜既係, 佢d戲份唔多, 而且, 佢個角色唔係好出, 可以發揮既機會亦唔多!! 如果一心係去睇林保怡既話, 可能會有d可惜!!