玩不停的一天

之前都有提過, 係公司入面, 我地個team有七個女仔, 我地呢七姊妹都幾啱玩, 直情係work hard, PLAY仲hard個隻, 哈哈~~

 

我個可愛助手"小保齡"呢期心情麻麻, 皆因佢個honey最近做完手術, 而佢又係早幾日剝左智慧牙, 兩公婆除左有血光之外, 荷包仲係呢兩個月嚴重出血, 好傷!!!

 

小妹之前幫另一同事油指甲, 見"小保齡"都幾鐘意呢款design, 擒日就係lunch時幫佢扮靚靚.... see~~~

 

近期睇得"烈火雄心"多, 突然間大家d爛GAG, 爛IQ題全部出哂黎... 呢幾日都不停爆笑....  不論食lunch也好, 開緊工時也好, 總之就好鬼好笑!!!

 

由於笑話有不同既爆笑程度, 我地就好似美女廚房咁比分, 勁好笑或者勁(火羅)既可以比十分, 完全唔掂既可以比負分.....

 

貪玩既我, 擒日係公司, 用左有限度既資源做左D小玩意...........

 

材料有.... 一堆國旗, 一PACK膠碟 同 STICKY NOTE!!  究竟係嘜東東?? 

 

 

我既製成品......  "比分牌"呀!!!!

 

我總共做左7個, 而家我地每個女仔檯底都有呢個比分牌, 每當又有人講爛GAG時, 我地就可以舉牌比分...........哈哈............. 我真係喪呀, 嘩哈哈哈哈~~~