年紀大, 機械壞.....

擒日約左d同事, 同埋mpp一齊去太古"足君好"度按摩, 入到去覺得環境好ok! 我選擇同mpp係雙房度一齊按摩, 而兩個同事就選擇獨立房! 價錢一樣, 任君選擇!

 

唔知係咪我同mpp都勁倦, 我地都覺得個按摩師好重手, 個膊頭即時宣報certify...........>.<  

 

按完出黎後, 兩個同事都話very舒服, 力度適中...... (咦! mpp, 我同你係咪有問題呢???? 點解我同你都覺得太大力gar ??????

)

 

整體黎講, "足君好"地方乾淨企理, 而且做足45分鐘, $188係香港應該算係合理價錢!!  總好過山長水遠上深圳按摩, 時間車費都係度啦! 而且始終覺得香港比較乾淨, 安全又可靠!

 

自星期一跳完kick boxing後, 我對手腳已經日日都勁酸軟 

..... 今朝起身時仲慘, 除左對"腳瓜long"痛到爆之外, 我成個背脊+膊頭都好酸痛..... 可能平時真係小運動, 又加上年紀大, 機械有d壞, 唉.....

仲有十日, 就會出發去台灣玩喇! 到時又可以放吓假, 叉吓電!

   不過, 返黎後, 肯定又要加把勁去減肥, 因為台灣d野實在勁好味, 哈哈.....