如果.... 又無左其中一條問題 -- "你需要一個怎樣的情人"...... 我唔知原來我需要一個常常和你/妳鬥嘴，但卻會處處着緊你的人你/妳是一個愛在不言中的人。記得不要太在意對方的瑕疵，因為你/妳的伴侶雖然會常常和你/妳吵嘴，但卻會對你/妳很着緊。雖然表面上對你/妳愛理不理的但他/她暗地裡會為你/妳打點一切。單身的人要留意了，如果你/妳身邊有一個常常和你/妳鬥嘴，但卻會從你/妳身邊的朋友得知你/妳的狀況的異性，而且他/她更會在小細節上為你/妳打點好，你/妳就要好好珍惜了。
2009年3月31日 星期二
如果....
如果.... 又無左其中一條問題 -- "你需要一個怎樣的情人"...... 我唔知原來我需要一個常常和你/妳鬥嘴，但卻會處處着緊你的人你/妳是一個愛在不言中的人。記得不要太在意對方的瑕疵，因為你/妳的伴侶雖然會常常和你/妳吵嘴，但卻會對你/妳很着緊。雖然表面上對你/妳愛理不理的但他/她暗地裡會為你/妳打點一切。單身的人要留意了，如果你/妳身邊有一個常常和你/妳鬥嘴，但卻會從你/妳身邊的朋友得知你/妳的狀況的異性，而且他/她更會在小細節上為你/妳打點好，你/妳就要好好珍惜了。
2009年3月30日 星期一
lost...?!?
星期日返主日祟拜時, 唱左一首好好聽既詩歌, 呢首歌既旋律好舒服, 感覺好peaceful!!
呢兩日心情唔好, 又瞓得好差, 奇妙地............ 兩晚係腦海中都唱出呢首歌!!! 或者是時候, 我需要靜一靜.....想一想.... |
2009年3月29日 星期日
Guilty or not guilty?
睇到新聞, 知道關楚耀係上星期獲無罪釋放而返港, 小妹都替佢開心!
關楚耀
--> 開始: 自己一人揹上身, 承認大麻係自己既, 如今獲釋返港!
--> 藝人反應: 雖然關楚耀做錯事, 但仍然有好多藝人大力支持!
衛詩
--> 開始: 扮無知.... 可惜頭兩次驗尿結果都衰左, 以及行李搜獲違禁藥品, 而家仍然係日本扣留所!!
--> 藝人反應: 除左家人外, 好似無嘜人撐..... 最嚴重係連公司都好似唔係好support!
就呢件事去睇, 到底邊個有罪?? 點解認罪既關楚耀, 反而仲有咁多人支持....
小妹以一個睇八掛新聞既小市民去睇, 我個人都支持關楚耀!! 雖然今次係日本斷正, 但佢即時認罪, 將件事攬上身, 無非都係去保護衛詩, 極盡男友責任!!! 而且, 關楚耀一向形象唔錯, 乖乖仔feel, 又得圈中人力撐.... 今次大麻事件, 一般人都覺得佢應該係比衛詩帶壞.... 不過真正既內情, 當然只有當時人知道!
話說: 小妹三月中去日本時, 係行李輸送帶等行李期間, 見到總共有三次毒品偵緝犬不斷聞我地 (包括人同行李), 明顯係日本因以上事件, 對華人入境加強巡邏! 期間有一隻狗更不斷係我地身旁既行李打圈後, 然後坐左係行李旁... 由於當時我仲等緊行李, 勁好奇咁望實隻狗.... 跟住個海關人員同隻狗講日文 (我當然唔知佢"up"嘜東東啦..), 隻狗又再打圈, 聞吓箱行李後坐左係度!! 之後, 個海關人員笑住口咁摸吓隻狗, 然後拎走左件行李.... 小妹估佢地應該係"放假狗"黎試吓隻緝毒犬, 呢個方法唔錯呢!!
Anyway, 小妹都希望呢兩個年青偶像無事, 可以繼續唱歌, 將功補過!!
2009年3月27日 星期五
笑吓啦!! ^0^
擒既約左d舊同事出黎聚一聚, 我地去左新世紀既Spaghetti House度食飯!
有人話三個女人一個墟...... 擒晚我地五個女人仔, 又成年無見, 大家應該可以想像吓我地有幾多個墟.... 哈哈~~
擒晚有單笑料想同大家分享吓..... 話說坐係我地隔離檯有個電視藝員, 但我"up"極都"up"唔到佢叫嘜名, 淨係記得佢係N年前, 嬴過無記既主持人比賽.... 又做過婦女生芝主持!
小妹同其中兩個面向佢既舊同事講, 佢地都唔記得佢個名.... 另外背住佢坐既兩個舊同事, 其中一個(叫高小小)轉頭望左一眼, 然後擰番過黎同我地講....."哦.... 佢咪係李錦聯囉!"
我地即時忍唔住爆笑到收唔到聲.....
形容一番下, mpp知道我指邊個, 但佢只記得個名有個"麟"字..... 之後再諗到佢叫 "X瑞麟"!!
當舊同事聽到我同mpp既對話後, 大家不約而同話... "吓... 謝瑞麟!!??!!!", 之後, 當然又喪笑啦...
諗左一大輪後, 終於記得佢叫"楊瑞麟"! 唔知係咪我地太大聲比佢聽到, 佢臨走時都有望一望我地張檯! 查實小妹對佢印象都唔錯, 感覺佢好有才華, 口齒伶俐, 主持同演戲都唔錯!
之所以做成擒日既爆笑場面, 我地並非對楊先生無禮.... 全因為我地呢幾個女仔, 有時思想仲停留係讀書年代, 我地嘜都可以笑一餐, 大家仍然保持住好純真既友誼! 真係好難得!! 好開心咁過左一個愉快既一晚!!
所以話呢.... 做人都係簡單d好!!! (突然諗起一首舊歌... 笑一笑, 世界更美妙~~~ 
為響應世界自然基金會舉辦既「地球一小時」活動, 希望大家會響應今晚既熄燈行動 8:30pm to 9:30pm, 試吓睇吓今晚天上係咪會多番d星星先!!
2009年3月26日 星期四
2009年3月25日 星期三
日本之旅 @ 回憶篇
今次之所以"反"得咁開心, 首先緊要要多謝mpp啦!! 仲要嗚謝以下兩位:
1) Lu Lu姐: 今次仗義借出兩本旅遊書 (呢兩本書比佢用到殘殘地, 不過好有用!! 而且lulu仲好細心咁整左個list比我, 又特別high light左一d有用資料...認真唔該哂!!!!) 呢個姊妹實在唔話得, 識佢咁多年, 只要佢做得到都會幫我手! 真係唔話得!!!
2) Blog友紙藝者: 因為佢上個月去完日本, 而且個團種仲同我完全一樣, 所以有好多update資料比我, thank you!
日本乾燥係人都知, 除左hand cream外, 我下次一定會帶多支BABY OIL去.... 因為對手乾到真係有想爆既感覺, 齋搽勁多hand cream都無用, 成個trip對手都超唔舒服!!
查實呢次旅程都算好smooth, 好開心!! 除左.........我同mpp隻手指外!!!
話說: 小妹係出發前搽左靚靚指甲, 但去程坐飛機時唔小心整斷左, 好左無流血, 感恩感恩!!! 之後輪到mpp, 佢係last個日不幸地比熱水滾親隻手指公! (佢到而家都仲未好番....好無陰公!)
另外, 仲有一d有趣既相想同大家分享吓:
<-- 係心齋橋某食店門口, 見到呢隻大長腳蟹, 個樣好恐怖!
- 唔想拎住本地圖, 影定幅JR線相, 包唔會搭錯車!
- 睇卡通片見得多, 現實第一次見呢個style既和尚, 仲要係落住雨個feel, 好難忘!
- 洗完頭去玩波子機, 我覺得自己個look好似去左salon一樣, 哈哈~~
- 一架勁細既電單車, 個size同單車一樣, 好cute!
- 備長炭1袋YEN400任裝, 好抵!! 可惜唔上得機返香港!
- 日本周街都見到電線杆, 小妹幾鐘意呢幅相!
- mpp好鐘意呢張相, 佢覺得舊雲好似係個燈柱度嘖出黎咁... 又幾可愛!
- 同mpp無聊下, 影呢幅名為 --- "二人四腳"相!! 哈哈... 好鬼低能!!
2009年3月24日 星期二
日本之旅 - Day 5 (16-3-2009) @ OSAKA 大阪
日本之旅 - Day 5 (16-3-2009) @ OSAKA 大阪
今朝set左6點鐘morning call, 足足等左成35分鐘先見到太陽伯伯, 好鬼眼瞓.... 不過, 睇番d相, 真係辛苦d都值得, 因為小妹都係第一次同mpp一齊睇日出, 感覺都幾浪漫....
睇吓我.... 今朝個樣腫口腫面咁食早餐, 好樣衰呢!! 哈哈!!
我地今朝又要坐長途車向大阪出發, 要同和歌山講Sayonara!! 又到中途休息站, 係便利店見到呢樽新鮮牧場牛奶, 小妹買左一枝黎試試, 味道都幾騷!! mpp個枝係咖啡味牛奶..... 噢.....咖啡味好飲好多!! mpp你真識貨!!!
同事"崖上的小波記"鐘意收藏唔同既可口可樂, 小妹出發前拍心口話買一樽日本板coca cola比佢.... 頭個兩日係汽水機都成日見到, 咁無奶油咁早買定, 咁鬼重......擒日開始諗住買定, 結果搵極都無, 嚇得我唔知點算好!!
今日係汽水機既coca cola只係普通版, 唔係我所鐘意既"得意版", 所以粗粗地買定PEPSI 先, 免得"小波記"失望!!
之後, 我地去左行關西outlet, 呢度好大, 我地有兩個鐘shopping.... 最後mpp係Adidas同Levis買左幾件衫, 而我..... 好可惜咁..... 只係一間日本牌子既鋪頭買左一件衫咁多..... (sorry.. 無影到相)
好喇, 等左好幾日既時間到喇!!! 我地lunch食鐵板燒呀, 之所以我咁興奮係因為我地另外order左一塊A4日本和牛!!
呢間餐廳另設有大量唔同雪榚任食 (起埋超過二十款, 好誇張!!), 其中既巨蜂雪芭真係超超超超好味.... 而家諗起都要吞吞口水!!
食飽飽後, 我地要走喇! 好唔捨得咁結束呢5日既trip.... 坦白講, 勁唔想返香港, 因為我同mpp都好鐘意日本!! 不過, 理性d講, 我地唔走唔得, 因為我地d YEN都用哂lu, 哈哈哈哈~~~
上飛機前, 感謝主比我係機場侯機室入面, 見到汽水機有coca cola賣, oh yeah!!! (小波記: 我真係好有heart咁買比你gar, 哈哈~~)
今晚既起飛機餐有雞飯 同 牛肉意粉, 味道都唔錯!!
快樂既5天旅程終於要劃上句號.... 期待同mpp下一個旅程!! yeah~~
--> post番擒日d戰利品先!!
訂閱：
文章 (Atom)