buffet @ 馬會 (part 2)

係馬會食buffet, 每六位送一支紅酒or白酒, 我地要左支紅酒, 支紅酒雖然係送, 但係味道唔錯, 好易入喉!

另外, 係馬會食飯, 真係方便到.....唔到你唔買馬.... (馬會真係想得周到!!)

1) 每將檯都有馬飛, 有心水時可以即刻填飛!

 

2a) 呢邊攞野食..... (嘻嘻~ 咁啱影到我個靚靚家姐行過....)

2b) 呢邊就有一排投注counter, 方便到咁, 唔賭先奇!

 

3) buffet內四圍都有電視睇到賽馬, 如果想睇現場, no problem, 會員廂房外面就可以睇到, 仲要啱啱好睇到終點位, so good~~

 

呢個時候, 睇吓我中彩既一刻啦~~ 超開心呀!!!!!

 

話說:

- 小妹因為好肚餓, 所以一入場已經係咁食.....

- 食飽飽已經係第四場... 由於mpp一早已經打定本比我玩, 所以小妹係呢個時候開始精心挑選馬名 (查實我唔係好識gar咋, 嘻嘻~~)

- 買左第五場 $30, 噢.... 輸左.... >.<

- 之後係第六場, 得到"紅館之父"呀耀榮哥既tips, 哈哈~~~ 我終於嬴左第一場, yeah!!!

- 由於眼見身邊既媽咪好悶咁... 我就叫佢幫我選馬名買第七場馬, 因為媽咪完全唔識賭馬, 所以佢只係單睇個馬名, 咁我就買左佢既心水 $30.

- 與此同時, 我地又得到呀耀榮哥既tips, 小妹當然唔理三七二十一, 即刻叫mpp幫我買..... 點知原來呢d係"山埃貼士"... 輸左!!

- 但好笑係, 媽咪選個d馬, 爆冷臝左!! 雖然中唔係好多錢, 但小妹已經開心到飛起, 哈哈~~ 

- 以下就係我當日中左兩場既馬飛! 

 

  

 

當晚我地六個人, 但只有我同mpp嬴錢, honey, we are so lucky!!!

 

備註:

小妹都係個句: 小賭怡情, 大賭亂性!!! 大家切記! 切記!

仲有, 不論男女攞住份馬報個look, 真係一d都唔charm! >.<