日本之旅 - Day 2 (13-3-2009) @ KYOTO 京都 + OSAKA 大阪
今朝要一早出發去京都, mpp先係6:45am起床梳洗, 然後我地落去酒店餐廳食早餐... 勁鐘意食日本d牛油, 好soft.... 好creamy..... 好好味!!
![](../images/d4xqNopryesXt38uMdSSOg.jpg)
由名古屋去京都都幾長車程, 中途有個休息站, 我地落車鬆一鬆, 不過, 今日落足成日雨 (好在雨勢唔大).... 鬼死咁凍... 見到汽水機有我至愛既沙冰, 因為太凍都唔願飲.... "side"哂!!
![](../images/l8vpalBOIwm9Yowho9wtCQ.jpg)
![](../images/pR.nUZ9HyuqmM0f4qqyMrA.jpg)
我地終於到達京都喇!! 第一站去 "平安神宮".... 兩個字形容我既感覺 ~~ "勁凍", 小妹真係凍到彊......
![](../images/ED29f5QWmxFQCUiXRVh37Q.jpg)
![](../images/g1XkdZlqoSk78WE9UC3ESQ.jpg)
平安神宮沿途有唔少櫻花樹, 可惜呢度d仲未開花....
![](../images/wgU24BU55ka4mtFM.VT7sg.jpg)
![](../images/YeW1vZI6UBq93OM5FXYOjQ.jpg)
之後, 我地去 "嵐山" 食lunch, 一餐勁地道既日式風味餐.... 個餐係咪好吸引呢??!!?? 不過真正味道真係麻麻地, 因為d飯餸都凍凍地... 只可以講, 好日式囉.....
![](../images/cDAYUV33Z7ooNWvupnFj7A.jpg)
![](../images/wXcc5Kw2vGAb5wGHLOCsYA.jpg)
我地今次黎日本都算lucky, 因為我地見到有小部份櫻花已經開花, 好靚呀!!!
![](../images/.LKg6CSbmE4b.55ivwh3UQ.jpg)
聽日就係WHITE DAY (日本情人節), mpp係嵐山呢度送左條手鏈比我, 仲刻埋字添! Thank you my mpp!!!
![](../images/kSeGcrET5GM84T1T02SU1w.jpg)
![](../images/lVhiT116MaU4NRHMXhZiUQ.jpg)
呢度係 "渡月橋"!
![](../images/9_OLITTOhoJGVq91h6RfWQ.jpg)
![](../images/A8Khy9y62iwT_JQkjLDWXw.jpg)
食埋個勁好味既豆乳雪榚, yummy!!! 大杯裝 YEN300 (約 HKD24)
![](../images/BujlQqD1PR9DMlYjRPE0uA.jpg)
跟住去 "國寶清水寺", 仲同兩個著住和服既日本娃娃影相留念!
![](../images/nDld45Wd0DOWooLpKy_dYg.jpg)
![](../images/o3ZaZV9fhOD5LAwb9EUhPg.jpg)
夜晚返大阪, 我地去 "心齋橋" 同 "難波" shopping! 食左個地道章魚燒!
![](../images/IlZGxZGk2SPQAIocLSvShA.jpg)
![](../images/8eU7G2aoxbHdxARpI60cYQ.jpg)
晚餐食"烏冬焗仔御膳", 個烏冬幾彈口, 唔錯!! 唯一可惜係d天婦羅凍左d..... .>.<
![](../images/RdG3A34pSclWhT1u1f2d3g.jpg)
之後, 我地去埋 "三宮" shopping.... 呢度d價錢同心齋橋差唔多, 但無心齋橋咁多人, 都幾多野睇!
![](../images/cI6rhz0LGn9RmXvvePgXeg.jpg)
呢兩晚會住神戶新大谷酒店 (http://www.newotani.co.jp/en/kobe/index.php), 我覺得呢間酒店very good, 又新又夠大!! 最重要係無論冷暖氣都夠, 再加上酒店旁就有商場同JR神戶站, 超方便, 我比四粒半星!!!
今日又大出血..... @_@
![](../images/on6RS_DPkquuHkcixleA0A.jpg)
你張張相都V, 有冇第個POSE, BTW JAPAN IS VERY ATTRACTIVE
回覆刪除[版主回覆03/23/2009 09:44:00]係呀係呀, 我改唔到嘛, heehee
好sweet呀!刻名手鍊,
回覆刪除zoe好叻!!!為港爭光,靚過晒D架妹
[版主回覆03/23/2009 09:46:00]哎呀! 呢兩個日本娃娃又後生, 又靚女, 仲勁cute呀, 我拍馬都追唔上佢地啦.... 哈哈
好SWEET呀,MPP,真係有心思,手鏈係唔係綁住你個心心呢HAHA~
回覆刪除個定食好似好好味呀, 個個炸野,係豬扒?
你D相好靚呀,你好似著D衫好薄呀...
[版主回覆03/23/2009 09:49:00]以mpp黎講, 佢都算ok啦!
個定食一件係炸魚, 一件係炸雞, 亦係我成個餐最覺得好食既兩樣野, 因為我勁鐘意食炸物... 所以咪咁肥lor, 哈哈!
我查實都著左三件衫..... 不過日本都仲幾凍, 好在無凍親返黎!!
刻名手鍊 好sweet呀!
回覆刪除[版主回覆03/24/2009 09:55:00]嘻嘻... 個傻佬有時都幾sweet呀!