日本之旅 - Day 2 (13-3-2009) @ KYOTO 京都 + OSAKA 大阪
今朝要一早出發去京都, mpp先係6:45am起床梳洗, 然後我地落去酒店餐廳食早餐... 勁鐘意食日本d牛油, 好soft.... 好creamy..... 好好味!!
由名古屋去京都都幾長車程, 中途有個休息站, 我地落車鬆一鬆, 不過, 今日落足成日雨 (好在雨勢唔大).... 鬼死咁凍... 見到汽水機有我至愛既沙冰, 因為太凍都唔願飲.... "side"哂!!
我地終於到達京都喇!! 第一站去 "平安神宮".... 兩個字形容我既感覺 ~~ "勁凍", 小妹真係凍到彊......
平安神宮沿途有唔少櫻花樹, 可惜呢度d仲未開花....
之後, 我地去 "嵐山" 食lunch, 一餐勁地道既日式風味餐.... 個餐係咪好吸引呢??!!?? 不過真正味道真係麻麻地, 因為d飯餸都凍凍地... 只可以講, 好日式囉.....
我地今次黎日本都算lucky, 因為我地見到有小部份櫻花已經開花, 好靚呀!!!
聽日就係WHITE DAY (日本情人節), mpp係嵐山呢度送左條手鏈比我, 仲刻埋字添! Thank you my mpp!!!
呢度係 "渡月橋"!
食埋個勁好味既豆乳雪榚, yummy!!! 大杯裝 YEN300 (約 HKD24)
跟住去 "國寶清水寺", 仲同兩個著住和服既日本娃娃影相留念!
夜晚返大阪, 我地去 "心齋橋" 同 "難波" shopping! 食左個地道章魚燒!
晚餐食"烏冬焗仔御膳", 個烏冬幾彈口, 唔錯!! 唯一可惜係d天婦羅凍左d..... .>.<
之後, 我地去埋 "三宮" shopping.... 呢度d價錢同心齋橋差唔多, 但無心齋橋咁多人, 都幾多野睇!
呢兩晚會住神戶新大谷酒店 (http://www.newotani.co.jp/en/kobe/index.php), 我覺得呢間酒店very good, 又新又夠大!! 最重要係無論冷暖氣都夠, 再加上酒店旁就有商場同JR神戶站, 超方便, 我比四粒半星!!!
今日又大出血..... @_@
你張張相都V, 有冇第個POSE, BTW JAPAN IS VERY ATTRACTIVE
回覆刪除[版主回覆03/23/2009 09:44:00]係呀係呀, 我改唔到嘛, heehee
好sweet呀!刻名手鍊,
回覆刪除zoe好叻!!!為港爭光,靚過晒D架妹
[版主回覆03/23/2009 09:46:00]哎呀! 呢兩個日本娃娃又後生, 又靚女, 仲勁cute呀, 我拍馬都追唔上佢地啦.... 哈哈
好SWEET呀,MPP,真係有心思,手鏈係唔係綁住你個心心呢HAHA~
回覆刪除個定食好似好好味呀, 個個炸野,係豬扒?
你D相好靚呀,你好似著D衫好薄呀...
[版主回覆03/23/2009 09:49:00]以mpp黎講, 佢都算ok啦!
個定食一件係炸魚, 一件係炸雞, 亦係我成個餐最覺得好食既兩樣野, 因為我勁鐘意食炸物... 所以咪咁肥lor, 哈哈!
我查實都著左三件衫..... 不過日本都仲幾凍, 好在無凍親返黎!!
刻名手鍊 好sweet呀!
回覆刪除[版主回覆03/24/2009 09:55:00]嘻嘻... 個傻佬有時都幾sweet呀!