關心....

小妹最近好關心....

關心.... 姐姐 ---> 今晚同靚靚姐姐食完buffet後, 佢就入院做檢查, 希望佢everything alright!!!! 小妹要為姐姐打打氣, 加油!! 願主保守姐姐身體健康!!!!!!!!!!!!!!

關心.... 運氣 ---> 今晚入馬場食buffet, 順便碰吓運氣.... 希望ok啦!  (聲明: 小妹絕對唔爛賭, 亦好憎人賭馬賭錢... 不過, 量力而為, 玩吓就無所謂, 哈哈!!)

關心.... 身體 ---> 呢幾日瞓得勁差, 成日都發惡夢... 又好似有d想作病咁.... 今朝已經part定感冒藥, 希望快d無事啦!

關心.... 星期日 --> mpp媽咪今個星期日又上黎小妹屋企, 今次會煲老火湯比佢飲....  哎呀...  好大壓力好緊張呀! 希望到時唔好失手啦!!

關心.... 時間 ---> 黎緊呢幾日好多野做咁, 又要去街街... 買左d傢俬下星期初送黎屋企, 又要執屋.... 又要執行李...... 有d擔心添....

關心.... 5號仔 ---> 雖然小妹只有好少好少貨(得個雞碎咁多多), 升跌幾多都唔會好傷...... 但有好多香港人都有大手係手, 希望5號仔你唔好再趺喇!

關心.... 關楚耀衛詩 ---> 小妹純粹八掛, 佢地涉嫌藏毒係日本被拘捕, 除左5號仔外, 我諗呢單新聞係擒日都一樣震驚成個香港... anyway, 都希望佢地係日本平安無事!