buffet @ 馬會 (part 1)

小妹又病倒了.... 今次又係發燒, 所以擒日攞左日sick leave... 唔知係咪瞓左成日關係, 今日個樣腫口腫面咁... 而且食完d藥好眼瞓... 成個人好"迷"!!! 好在, 而家已經退左燒!

講番星期三晚, 小妹好叻呀!! 我贏左錢呀, yeah!!!!! (小妹再強調, 我唔爛賭gar, 我只係用幾十蚊去考眼光, 以及同家人聯誼!!! 請勿誤會呀!!!! ^0^)

個晚, 二姐夫同個friend先車媽咪&爸爸入場, 而我同mpp&二家姐就自己去... 由於我地以會員身份入場, 所以要配帶一個掛牌! (yee~~ 我最愛既粉紅色, 好襯我呀, 哈哈~~) 當晚仲有郵票贈送!!

 

由於預計入到埸已經過七點 (即係應該跑完第一場), mpp好醒目地預先買定第一場馬..... 當行到去沙圈附近時, 真係剛好跑完第一場..... 我同mpp正好係大螢幕前見到派彩, yeah~~~ mpp中左第一埸馬呀, 小妹好興奮呢!!

 

我地隨即上五樓 - 會員廂房食buffet, 入去要貼上一個label係衣服當眼位置!

 

 

個日下午, 小妹已經有d微燒, 係入場呢個時侯, 小妹即刻開餐, 然後食藥!!!

--> 三文魚超好味!

燒味都唔錯!

牛肉粥唔夠味....

甜品個樣very good... 但味道太甜!

最後, 食埋兩杯Haggen dazs雪榚, 有至愛既士多啤梨味, 同咖啡味!!

整體上, 個buffet好小野食... 查實都可以估計到, d人入馬場志不在食野, 佢地大多都係入場買場為主!

今日好多野做, 聽日再講!! (待續....)