日本之旅 - Day 4 (15-3-2009) @ WAKAYAMA 和歌山
今日又要一早出起, 因為今日有好多行程!
今日又有長車程, 所以中途有個休息站比我地鬆一鬆, 係便利店買左呢支幾得意既飲品 (味道類似益力多, 不過係蕃石榴味)! 唔使YEN100, 係日本黎講, 算係超抵!!!
![](../images/s_d.T.yfk3uR8jmwUhLQlA.jpg)
今日天氣勁好, 無聊下影左呢將我覺得幾靚既相!
![](../images/WjiblnwtuR1jMKsQ5mw_aA.jpg)
首站去參觀梅廠, 呢度有好多試食..... 又有3d短片睇, 不過全日文, 唔知佢講嘜??!!
![](../images/dk6p9mgfnskGBiuhL95yYg.jpg)
之後, 我地去漁市場食lunch, 呢餐勁唔好食, 好在我地另外一早order左個魚生, 呢碟咁巨大既魚生只須 YEN8,000 (約 HKD640), d魚生, 甜蝦, 帶子, 海膽.... 全部都勁新鮮, 勁好味!!! 你睇吓我地清哂碟就知有幾好味啦! 哈哈~~
![](../images/cZxYeu7cF2nee6sRzwWg.Q.jpg)
![](../images/.4mxqUQbYc1OrDtzl76jhw.jpg)
![](../images/50mH5LlnCLrx.lRm7AeFHA.jpg)
呢餐飽得好緊要..... 不過, 我地一樣無忍口, 買左一pack勁鮮甜既士多啤梨.... 日本d士多啤梨可以唔使洗即食... 超新鮮又超甜! YEN450 (約 HKD36), 好抵食!!
![](../images/X8tU9U1jX9EuvBiePPPVUw.jpg)
之後, 我地再食埋個好味既綠茶雪榚(YEN250, 約 HKD20), 呢個下午...... 超滿足呀!!
![](../images/blPAcSTo8Oz1Ms76b8UQmQ.jpg)
今日以觀光為主, 我地先去參觀"千疊敷", 呢度d石同成個海景好靚, 而且今日d天氣勁正, 感覺好feel!!
![](../images/spQnSO9B5gtGMI6Q.KzxfQ.jpg)
![](../images/Basj8s1sRrfvSiiiIuSxxA.jpg)
同mpp傻更更地做左呢個post, 諗番起黎, 都好sweet sweet..... ^0^
![](../images/2ZWRfgxBE6HwKEq5SzwPYw.jpg)
跟住去埋"三段璧展望台", 呢度d風景都好靚... 不過, 呢度係正懸崖邊, 所以小妹都唔係好敢行咁出, 免得樂極生悲!
![](../images/NviODzWkTS_UkdkkIvxvpw.jpg)
再去埋"橋杭岩", 呢度好勁凍, 小妹為左貪靚, 無著褸落車.... 結果凍到我縮埋一舊...... 不過, 呢度d岩石真係好奇形怪狀, 但係好特別!!
![](../images/CI4.8YKJdh541HzsV1Jh4Q.jpg)
係呢度又影左一張, 我超鐘意既相, 你地覺得靚唔靚呀??
![](../images/Q27eXeMUquxCBdt71l2VgQ.jpg)
last一晚住和歌山既"串本蒲島HARBOUR溫泉酒店" (http://www.urashimachain.co.jp/ha-ba-/index3.htm), 呢度間間房都有海景, 望到一望無際既太平洋景色...... 好正!!
![](../images/PNQEZvjn1ZHkKCTubh4.pw.jpg)
![](../images/9LnbMNgcUzWVuklXUF8r9A.jpg)
酒店位於全日本本州最南既地方, 小妹踏足呢度, 緊係要影相留念啦!!
![](../images/9gGqEMjO7pW_1_iPDnm39w.jpg)
睇睇我個和服look!! << 哎呀, 唔記得除錶添..... @__@ >>
![](../images/TZzvHyif.ha66WbtZE3odw.jpg)
酒店有日式打年榚表演, 小妹當然大膽地試吓參與!!
![](../images/xuk125G8hyCsBy_aBhnpZA.jpg)
另外, 酒店每日都會有資料通知客人, 每日日出既時間... 聽日日出時間係6:07am, 等我聽朝set定morning call同mpp一齊睇日出先!
![](../images/rj44LJD4If_U8CH3o4JfSw.jpg)
今日太多相, 所以戰利品聽日再post出黎!!
好多野食呀,個個白雲好靚呀,好似KEY上去咁~
回覆刪除[版主回覆03/28/2009 11:23:00]外國既天空真係靚d呀.....