日本之旅 - Day 4 (15-3-2009) @ WAKAYAMA 和歌山

日本之旅 - Day 4 (15-3-2009) @ WAKAYAMA 和歌山

今日又要一早出起, 因為今日有好多行程!

今日又有長車程, 所以中途有個休息站比我地鬆一鬆, 係便利店買左呢支幾得意既飲品 (味道類似益力多, 不過係蕃石榴味)! 唔使YEN100, 係日本黎講, 算係超抵!!!

 

今日天氣勁好, 無聊下影左呢將我覺得幾靚既相!

 

首站去參觀梅廠, 呢度有好多試食..... 又有3d短片睇, 不過全日文, 唔知佢講嘜??!!

 

之後, 我地去漁市場食lunch, 呢餐勁唔好食, 好在我地另外一早order左個魚生, 呢碟咁巨大既魚生只須 YEN8,000 (約 HKD640), d魚生, 甜蝦, 帶子, 海膽.... 全部都勁新鮮, 勁好味!!! 你睇吓我地清哂碟就知有幾好味啦! 哈哈~~

 

呢餐飽得好緊要..... 不過, 我地一樣無忍口, 買左一pack勁鮮甜既士多啤梨.... 日本d士多啤梨可以唔使洗即食... 超新鮮又超甜! YEN450 (約 HKD36), 好抵食!!

 

之後, 我地再食埋個好味既綠茶雪榚(YEN250, 約 HKD20), 呢個下午...... 超滿足呀!!

 

今日以觀光為主, 我地先去參觀"千疊敷", 呢度d石同成個海景好靚, 而且今日d天氣勁正, 感覺好feel!!

 

同mpp傻更更地做左呢個post, 諗番起黎, 都好sweet sweet..... ^0^

 

跟住去埋"三段璧展望台", 呢度d風景都好靚... 不過, 呢度係正懸崖邊, 所以小妹都唔係好敢行咁出, 免得樂極生悲!

 

再去埋"橋杭岩", 呢度好勁凍, 小妹為左貪靚, 無著褸落車.... 結果凍到我縮埋一舊...... 不過, 呢度d岩石真係好奇形怪狀, 但係好特別!!

 

係呢度又影左一張, 我超鐘意既相, 你地覺得靚唔靚呀??

 

last一晚住和歌山既"串本蒲島HARBOUR溫泉酒店" (http://www.urashimachain.co.jp/ha-ba-/index3.htm), 呢度間間房都有海景, 望到一望無際既太平洋景色...... 好正!!

 

酒店位於全日本本州最南既地方, 小妹踏足呢度, 緊係要影相留念啦!!

 

睇睇我個和服look!!  << 哎呀, 唔記得除錶添..... @__@ >>

 

酒店有日式打年榚表演, 小妹當然大膽地試吓參與!!

 

另外, 酒店每日都會有資料通知客人, 每日日出既時間... 聽日日出時間係6:07am, 等我聽朝set定morning call同mpp一齊睇日出先!

 

今日太多相, 所以戰利品聽日再post出黎!!