香橙雪芳蛋糕

擒晚好開心, 小妹係屋企整左一個偉大既傑作.... (查實係一樣低能野, 但小妹好有滿足感... 超開心!!!!!).... 究竟係嘜東東?? SORRY.... 而家唔講得住, 遲D話比大家知!

先兩日我又開爐, 今次試整"香橙雪芳蛋糕", 網上真係有好多勁人, 簡直係高手! 小妹真係要好好學習!! (鳴謝: http://hk.myblog.yahoo.com/chichi-kitchen/article?mid=94)

材料 (約3X8吋長方型模,切開有8件)
蛋白	2隻
蛋黃	2隻
糖	20克+20克
沙拉油 ( Vegetable Oil)	20克
水	5克
麵粉	50克
泡打粉	1/3茶匙
鹽	少少(約1/8tsp)
鮮橙汁	35克
橙皮茸	3/4個大橙或1個小橙

** 原食譜係長方模, 但我用左6"圓形模做, 分量一樣OK **

製作
1.	預熱焗爐　１６０C。
2.	蛋黃+20克糖打至淡黃色。
3.	沙拉油l+水入microwave叮20秒 。
4.	加(3)入蛋黃 。
5.	再加橙汁及橙皮茸 。
6.	加篩過的麵粉，泡打粉及鹽，攪勻。
7.	蛋白+20克糖打至企身(分兩次加糖) 。
8.	加蛋白霜入蛋黃麵糊 。
9.	倒入蛋糕模入焗以150C焗30mins 。
10.	出爐倒扣放涼便可享用 。

** 叮菜油個時, 個微波爐爆左一聲..... 嚇死我...... ..... 原來同事話煩係叮油 (包括牛油), 都會好易爆... 所以要包微波爐保鮮紙!! 嘻嘻~~ 對於新手既我, 又學多一樣野!!

** 另外, 唔知係咪我個爐火力問題, 我焗30min.蛋糕仲有少少唔熟, 所以我要多焗 10min.

 

(入爐前)

 

 (出爐喇)

 (正面) - 表面原本好平滑, 但小妹唔覺意插左隻手係蛋糕面, 攪到個面有d凹陷... >.<

(底部) - 好多橙皮茸係底部

 

 (side shot)

 

個蛋糕原本出爐時漲book book... 不過, 當我切佢時, 個蛋糕就好似收縮左咁.... 個樣有d衰衰咁.....

 

 

小妹自知個蛋糕有濕濕地咁, 有d唔妥!!  同事話可能係我打蛋白時未夠企身所致...... Ummmmm..... 查實蛋糕真係唔易整, 不過, 我一定會努力!! 要從錯誤中學習!!! yeah~~~

第二日帶左幾件比同事食, 同事們都話好味, 蛋糕好軟熟, 唔太甜又帶有好香既新奇士橙味, 小妹好開心呢!!