新年期間, 小妹mzz不停食食食.... 而mpp就不停打打打....
mpp牛年大發雄威, 停不了既麻雀戰, 停不了既財源滾滾來!!! 係星期五mpp又嬴大錢喇.... 好強勁!!! mpp係新年暫時嬴成起埋七千大元, 而個傻佬仲分左超過四千蚊比我, 真乖仔!! 唯一有dd可惜係佢擒日陪我屋企人賭馬時輸錢... (小妹都係第一次見mpp賭馬.... 男人賭馬個look一d都唔charm.... 不過佢陪我屋企人一齊玩就無所謂啦!) 統計mpp仍然係牛年大旺!!!!! yeah!!!!
星期六晚約埋家姐呀哥一齊去唱K, 哥哥係新年期間去左北京"反", 佢既手信居然係..... 北京填鴨一隻!! 無錯, 真係一隻鴨... 呢隻仲要係一隻雪藏鴨..... 哥哥話要放入冰箱, 食個時放入微波爐入面叮一叮就食得...... 小妹真係唔知呢隻duck究竟得唔得, 因為小妹對大陸食品有所保留...... >.<
星期日朝早同mpp一齊返教會後, 即刻趕返屋企, 因為屋企人黎我度拜年.... 由於靚女媽咪好鐘意食我樓下個間齋鋪, 小妹緊係盡地主之誼請食飯啦....
之後我地轉移陣地, 去埋家姐度拜年, 夜晚姐夫就車左我地去"三姐"度食飯! 菜式多, 但價錢平, 12個人只係食左千九蚊, 好抵食!! 值得一試!!
http://ol.mingpao.com/cfm/Archive1.cfm?File=20080125/prc01/waa1.txt
地 址 ： 將 軍 澳 田 下 灣 村 34 號 地 下
電 話 ： 27013136
營 業 時 間 ： 10:30am-12:30am
收 費 ： 只 收 現 金 ， 不 設 加 一 。
交 通 ： 坑 口 地 鐵 站 B1 出 口 ， 步 行 約 10 分 鐘 。 <<小妹覺得最好揸車或者搭的士入去會好d>>
泊 車 ： 村 內 有 免 費 公 眾 停 車 場 。
地方環境ok乾淨, 既似大排擋, 但又似私房菜... 小妹建議預早book定位同早一d去, 因為晏左會好多人!
小妹擒日無影相, 但攪笑地好多相片都係網上donwload到!!! 可以想像得到幾多人食過三姐d野..!!
鹵水雞腳 (呢碟送gar, 不過送完即止! 雞腳超入味, 小妹連食三隻, 哈哈...)
土伏岭牛大力湯 (ok好飲)
豉油雞 (雞肉好滑, 但略嫌唔夠入味)
清蒸海斑 (ok)
窩貼小棠菜 (好味, 不過個名有d取巧, 叫窩貼墨魚餅好似會貼切d喎!!)
魚湯腐皮卷 (好味!!)
帶子腐皮豆腐卷+西蘭花 (好味, d豆腐仲勁滑添!)
酥炸蠔 (小妹唔食蠔, 隻蠔勁大隻, 屋企人食完都好似無嘜投訴, 應該好味!)
黃金蝦 (d蝦夠大隻, 好味!)
南乳炒蓮藕片 (好味!)
酥皮牛腩 (好味!)
炸薯餅 (好味!)
糯米飯 (小妹太飽喇, 食唔到..... 不過碟飯既d色水好似麻麻地....)
壽包 (超超超好味..... 流沙奶皇飽, 小妹係勁飽之下仍然連食兩個....... 賣飛佛!!)
沒有留言:
張貼留言