呀蘇靚湯 - 木瓜雪耳湯

大家千其唔好誤會, 呀蘇靚湯個"呀蘇"唔係蘇絲黃, 係我 - 蘇兒 呀! 哈哈~~

星期六, 為左配合呢個濃情二月, 小妹特登煲左"木瓜雪耳湯", 呢個咁滋潤既湯水, 緊係煲比我個honey mpp飲啦!  (呢個湯水都幾特別, 用差唔多相同既材料, 煲成湯又得, 煲成糖水都得!!)

材料好簡單:

木瓜一個

雪耳 (小妹用左兩大朵, 因為我勁鐘意食雪耳)

西施骨

南北杏, 蜜棗適量 (小妹想甜少少, 所以加埋龍眼肉, so sweet!)

 

** 小貼士: 雪耳都幾污糟gar, 所以記得要浸洗多幾次, 之後去除個心硬個d部份......... 另外, 雪耳有兩種 - 硬雪耳 同 "林"雪耳, 隨個人歡喜...  小妹鐘意食"林"雪耳, 只需在最後大概半個鐘放入湯內煲就ok! 但如果用硬雪耳, 就要煲耐d喇!!

 

三個鐘後..... 老火靚湯出場 (由於個木瓜太生, 所以個木瓜顏色無咁橙色, 不過一樣咁好味呢.....哈哈~~ )

 

P.S.: 今次誤買左個勁生既木瓜, 初時都驚驚地會影響啖湯個味道, 最後當然 so good 啦, hee~~~

切粒後有d哈密瓜feel喎, 哈哈~~

 

同場加映, 係街市見到呢個菠蘿, 為食既我忍唔住買左兩個返屋企, 實行一味兩吃!!

第一吃, 當然係普通浸鹽水黎吃啦!

第二吃, 我將佢切片, 再用保鮮紙包好放入冰格, 嘩~ 爽呀!!