小妹好快番黎喇!!! yeah yeah yeah!!!!!!
而家雖然成十二點幾, 但小妹仍然工作緊, 第一part既trip好快完成, 聽日小妹就會搭早機番香港喇, 真係十萬個勁勁勁勁勁期待呀!!!!!!!!!!!!!!!!!!!!!!!!!! (因為mpp話聽晚同我食飯, kekeke......)
出trip工作, 真係幾辛苦.......... 小妹可能真係年紀大咯.... 第一日同客行左一日後, 隻腳已經出現酸痛情況............. 仲要買d鎮痛貼黎止痛.... 唉!!!!!
好在!! 好在!!! 呢幾日有我個可愛小助手同我一齊!!! 當然, 最重要仲有我個"艾忍"支持, 我地有成八日無見到面, 但我地日日都keep住傾電話, 雖然見唔到, 但至少可以聽吓佢把聲, 都好!!!!!
聽日番黎後, 小妹會係香港留兩日, 之後又要再出trip.... 不過, 非常感恩既係, 小妹同兩個新客合作非常愉快, 出trip期間, 都有幾多趣事發生, 而且仲影左好多相添!!!
好喇, 我又要繼續工作喇!!!
擒晚mpp趁小妹出trip前, 佢話要同我食好d....... 可能佢知道小妹既艱苦旅程即將展開, 而且可能無啖好食掛, 哈哈哈哈.........
我地去左食日本野, 好味道!!!!
一心諗住影d美食, 已經放好電話係檯面, 打算d食物一到, 即刻可以影相.... 但一早患有少年痴呆既我, 成日都唔記得影...... 唉.... 真係好唔掂..... d腦記憶體不斷下降!!
--> 先黎玉子壽司 & 劍魚腩壽司 (但唔記得影相......
--> 珍寶三文魚刺身 (勁厚切, 又超大塊...... )
--> 天婦羅蟹條壽司 (可以食到一梳梳既蟹肉, 好有食長腳蟹feel, 真係超好味!!
<-- 再黎一個鰻魚飯定食..... (yummy...............
<-- 輪到我既至愛喇.... 鹽燒三文魚鮫.... 不過今次燒得麻麻.... (食左兩啖至記得影相........ 嘻嘻.......
<-- 最後, mpp再食左一碟腐皮壽司..... (真係飽飽lu......)
係上星期日, 我又為我個mpp入廚, 仲廚足一日三餐添!!
查實入廚真係幾辛苦, 又要吸油煙, 又要洗碗碟, 更要冒住比人彈既壓力............. 不過, 當見到心愛既人, 不論好味與否, 佢都將d食物掃哂入咀裡既時間........ 噢!!! 答案係值得既!!!! (不過, 最好呀M生你下次幫幫手洗吓碗, 我會仲開心gar, 哈哈哈哈...... 
(1) 美味豐富既早餐............(伙記, 唔該兩份"早餐A"丫, 哈哈......
--> 早餐A: 魚柳腸仔蛋配烘焗熱狗飽!!! 好味唔失禮!!!!!
(2) 差唔多十二點至食上面個豐富早餐, 所以skip左個午餐.......... 到下畫三點幾, 小妹又整個好味下午茶比mpp食...
--> 下午茶: 芝士烘焗熱狗飽!!! 不過, mpp對片裝芝士麻麻地, 下次會改用碎芝士比佢食!
入爐前 出爐喇!!! 香脆可口!!!
(3) 到晚餐喇!!!! 簡簡單單兩個餸.........叉燒醬焗金沙骨 + 蒜蓉鮑魚菇炒西蘭花
--> 金沙骨係第一次整, 個樣好似好得, 但查實失敗左....... 有機會會再鑽研一吓.........
就係咁.... mpp係上星期日比我包左成日, 哈哈哈哈................
星期六, 小妹靚湯又出動喇!!! 今次煲左"發菜花生眉豆煲雞腳湯".
mpp好欣賞我呢個湯, 仲飲左兩大碗添, 真好!!!
材料簡單:
(a) 雞腳: 12隻 (記得去指甲, 衛生d嘛... )
(a) 豬尾骨: $22
(b) 花生/眉豆/蜜棗/紅棗(去核)/圓肉: 各適量
(c) 發菜: 少許
製作:
- 先將(a)材料飛水, 及將(b)材料洗淨
- 水滾後先將(b)材料放入煲內,
- 待水再大滾後, 將(a)材料放入, 大火煲十五分鐘後, 轉細火煲個半小時
- 然後, 可將(c)發菜放入, 再煲一個鐘
- 最後, 開大火煲十五分鐘, 熄火落鹽調味, "呀一老火靚湯"即成!!!! yeah!!!!
備註:
千其唔好問小妹, 點解要加紅棗圓肉等材料, 因為呢d都係學小妹個靚靚媽咪, 我地煲湯係好隨意放d材料做湯底...嘻嘻....
星期六, 約左一個係blog度認識既女仔, 買左一套六隻既潘若迪funky dance DVD, 價值$190. (http://hk.myblog.yahoo.com/ronwin88)
查實呢個潘若迪, 睇大少奶個blog時, 已聽過佢個名大名, 大少奶好似每日都跳成1hr., 佢d blog友都讚佢fit左.... 我至有信心買!!
星期六同星期日, 小妹各跳左15min., 已經令一向好少出汗既我, 汗流浹背!! It seems work!!!!
每隻碟各有唔同既level, 小妹當然係first level啦..... 好想日日都keep住跳, 不過好快就要出trip..... 唯有返黎時再努力!!
$190六隻碟, 貴唔貴真係見仁見智............ 不過小妹就諗, 之前我出去跳kick boxing都起埋要$70 - $100一堂, 而家比$190, 隨時隨地可以跳之餘, 又可以同mpp或者朋友一齊跳, 計落梗係抵d啦!!!!!!!
擒晚買左blog界紅人"大少奶"既書 -- > 自悠煮意生活.
漏夜睇哂成本書, 發現呢本唔單止係一本食譜咁簡單, 當中仲有大少奶既背景, 以及同老公相處之道.... 最重要係好多食譜既材料非常簡單, 易明, 簡直啱哂我地呢d懶人同初哥!! 大少奶不慚為大少奶!!!!!
好多blog友都仲未買到呢本書, 可能真係好暢銷..... 幸運地, 小妹一搵就買到.... 喜歡睇書既mpp, 自然提出話送比我, 多謝你呀baby..... hehehe...
粉紅色既書 (我既至愛顏色), 係芸芸既刊物中勁特出, 包你一眼就見到!!
今日食晏, 特別覺得sweet sweet, 因為mpp今日特登過黎陪我食lunch.....
我同佢去左天后間"順"食日本野, 係"順"食lunch起碼要$70一位, 但食品非常新鮮!! 而且味道一流!!!!! 小妹同班同事會耐唔耐幫襯, 值得推介!!! (TEL: 2234 6691 <--- 記得先book位, 因為好快爆滿)
mpp既牛肉鍋定食!
小妹既鹽燒鯖魚定食, 好味呀!!!!!!!!!!!!!!!!!!!!!!!!!!
同場加映 -- 因為遲左book位, 只好坐壽司bar.... bar檯上有一缸mini蟹仔對正我地, 勁cute呀!!! 不過, 小妹有d衝動, 想偷一隻放入mpp個牛肉鍋入面....... 好變態呀..... 哈哈.............
最近睇過一d blog, 發現好多人都向一個日本主婦買日本貨......... http://hk.myblog.yahoo.com/japanhousewifeshop
睇左主婦個blog一排, 小妹決定一試, 叫左佢幫我買d日本衫, 以下就係其中兩件:
雖然仲未收到貨, 但真係幾期待........
主婦成日都會搜羅唔同既日本產品, 如果有需要, 佢仲可以特登幫你代買日本野, 不過要先過帳, 後買貨, 仲有少少手續費!! 雖然係咁, 但起碼隨時隨地都可以買到日本貨, 唔使飛去日本買.......
建議:
- 每次先check清楚所有費用 (包括運費), 因為如果運費要比minimum, 我寧願多買一兩樣野(咁樣好似感覺抵d... ^0^), 因為個運費都幾貴!!
- 另外, 日本衫有d好細件, 要check清楚size!!!
係新公司跟第一個客人時, 同事同我講, 呢個客都幾麻煩, 成日唔覆野, 又來無影去無跡, 叫我小心follow!
第一次就同呢個客單獨出trip, 初初都幾驚, 因為要去一個我未去過既地方, 而且仲要孤男寡女添..... 可能就係因為幾日裡面, 只有我同佢一齊, 我地變得幾close, 嘜都傾, 而且佢仲好take care我! 自此之後, 佢覆我d e-mail, 快到好似同佢玩MSN咁..... 而且佢有時仲低B到, 會係e-mail既上款叫我miss hong kong, 而下款會署名your china man, 又有時會話比我知, 而且佢個國家天氣好好..... 點點點咁..... 好鬼攪笑!!! He's funny but short short地!!!
之後, 我又跟過一個客, 我地可以講係一見如故, 佢仲叫我做little sister! 出trip時好照顧我!! 佢曾經係個trip last個日, 突然叫我過去, 送左支唇彩比我!! 非常感動係佢係褲袋, 拎出支一模一樣既唇彩, 仲話雖然我地係唔同國家, 但我地個咀會有一樣既色彩!! oh............... my elder sister, you are so sweet !!!!
後來, 小妹又跟另外一個客, 呢個客向來都好nice, 但係女性中, 佢算係好tough個種!! 同佢part左差唔多兩年, 我地真係夾到無倫..... 我地同age, 同樣有五個耳洞..... 同樣有個新男友..... 工作時好夾.... 玩個時仲夾.... (可以話好顛)..... 佢黎香港時, 仲會買佢地國家駐名既古古力比我.... 可惜既係, 佢最近係公司轉左department, 應該唔會再黎HK, 真係好掛住佢....
今次, 將會follow兩個新人, 希望佢地都係work hard play hard個種.... 最緊要係唔該d英文咬字清晰d, 好鬼驚有d鬼佬, 佢地講d英文好似鬼食泥咁, 聽死人!!!
同唔同客出trip時, 成日都有好多好funny同難忘既事發生, 第日有機會再講!
下星期就要出trip喇, 今日開始陸續有客黎香港, 而部份同事亦會陸續出發, 剎那間覺得有d迫切感......
今次出trip會係小妹工作以黎, 最長既一次, (肯定會好掛住某人......
突然諗番一d同客人一齊工作既情景...... 查實小妹真係幾lucky, touch wood講句, 跟咁多個客以黎, 個個客對我都好好.....
好似有個舊客英國仔, 雖然係舊公司客人, 但到而家佢都仲記得我, 有時碰到面都會傾吓計..... 呢個客人勁靚仔!!! 心地又好!!! 佢都幾攪笑gar, 因為佢曾經send e-mail同我講, 如果我係呢間公司做得唔開心, 佢可以介紹份工比我..... 嘩~~~~ thank you囉.... 但係都唔使send去我公司丫..... 一陣比我老闆見到, 仲以為我做得唔開心添呀....
係舊公司, 我又有一個英國藉既南非女客仔, 佢個人好有性格, 佢連我老闆同manager都唔會比面, 一樣勁cool, 串到爆!!! 仲記得小妹第一次follow佢時, 初初都係串串貢, 但後來, 我居然可以將冰山擘開.... 到而家又係有機會見到面時, 佢都會走埋黎同我say hi同攬吓我, 好親切!!!!....... 我真係老懷安慰......
不經不覺, 係新公司都做左成三年, 除左有班好同事外, 小妹亦有一班好客人......
睇住靚相先...........而家食lunch先, 聽日再講!
