焗豬扒飯 @ 第100篇blog

擒日落足成日雨無出到街街......

下晝係屋企睇Kelly演唱會, 睇到我同mpp都眼濕濕, 真係好感動!!!!! 好替Kelly開心, 好羨慕Kelly可以嫁人, 仲嫁得咁好添! 而且佢老公Alex個樣又老實, 又夠高大, 好襯Kelly呀!! 真係唔錯!! 唔錯!!!!!

 好唔開心錯過左睇Kelly既演唱會, 今年睇過楊千樺同容祖兒, 偏偏就錯過左Kelly!! 好後悔..... 希望Kelly快d生仔, 然後抱住BB開show, 我一定買貴飛支持!!!!!!

夜晚, 我同mpp又玩煮飯仔! 今次整<焗豬扒飯>, mpp負責煮飯 (嘻嘻...唔該哂!) 而我就負責其他部份! 味道先唔好講, 最重要係我地可以一齊入廚, 好溫馨, 好幸福呢~~~~

<-- 炒飯及煎豬扒上面, 鋪上洋蔥蕃茄汁

<-- 灑上碎芝士

<-- 新鮮出爐 , yeah!!!!!!!!!!

 

** 呢篇係小妹第100篇blog  ....... 寫blog就好似寫日記一樣, 可以記載小妹每一日既經歷, 以及小妹同mpp一齊既每一點, 每一滴!! 而呢個blog, 亦都可以比我d朋仔友, 知道我既近況.........

呢班隱形朋友, 大多唔會係我個blog度留言, 但佢地全部都好關心我, 有時仲會打電話比我, 係電話度都我分享我個blog d野添.........

朋友們, 你地放心啦, 兩年前既我, 同而家既我真係好唔同, 我而家開心左好多!! 好多!!!! 多謝哂你地呀 **