健康蛋糕賀國慶

十月一日國慶日, 對於我呢d正宗香港人黎講, 國慶日絕唔會有嘜野慶祝活動, 開心既只係又有一日假期!!

因為約左靚靚媽咪中午飲茶, 所以一早起做呀茂 ~~ 整蛋糕!!

對於整蛋糕屬新牌仔既我, 每一次都係新嘗試..... 今次係整既係一個看似簡單既蛋白蛋糕.

 

健康無牛油蛋白蛋糕: (參考: http://hk.myblog.yahoo.com/lizchung1020/article?mid=6913)

材料: (7吋蛋糕)

蛋白: 5隻

糖: 60g

低筋麵粉: 60g

檸檬汁: 1/2 湯匙

 

製作:

1) 將蛋白打發，糖分3次加入白蛋中，打至企身。 (雞蛋用雪凍左既，蛋白要打到有ｄ變白色至加糖，仲有要用手動打蛋器效果更好) --> 小妹用手動打蛋器, 打左成廿分鐘, 打到隻手差d斷..... 好辛苦!!!

2) 加入已篩麵粉拌勻，再加入檸檬汁。（用刮刀拌，唔係用打蛋器打，如果唔係，ｄ空氣俾你打走晒，個蛋糕焗出黎會升唔高）

3) 用1７0度焗50分鐘。

 

預備材料唔多, 啱哂我呢d懶人, 哈哈.....

混好材料喇, 咦~~ 好似有d太極陰陽feel喎~~ 哈哈.....

終於可以入爐!!

升起喇!! 升起喇!!! 心情有d興奮!!!!!

50分鐘後, 出爐喇!!!!

** 切開蛋糕後, 入面雪白既蛋糕非常鬆軟, 但可惜外皮略為"硬"左d.... 不過唔緊要, mpp同我d屋企人都話蛋糕好味!!!! 靚仔爸爸仲話"硬"小小仲有咬口添, 多謝你呀爸爸!!!!! 佢地個個都咁支持我.... 我一定會努力改善, 下次再做一個100分既蛋糕比佢地食!! This is my promise!!!!!!!!!!!!!

 

當晚, 小妹又下廚, 整左個<愛心焗肉醬意粉>比mpp食:

   

              入爐前 (放上碎芝士)                         出爐喇, 香噴噴, yummy!!!

 

--> 改善地方:

查實小妹好滿意, 覺得味道一流, 但mpp話茄汁d差小小, 要求下次要落多d茄汁, 當然無問題啦honey, 哈哈.....

另外, 下次一定唔會再貪方便買免治豬肉, 一定要自己"琢"豬肉先有口感!!