擒日如常上畫返教會, 之後急急腳走人, 因為趕住去廸廸尼玩!!
揸車入廸廸尼仲方便過搭車, 下畫差唔多兩點半至到達!!
<-- 擒日雖然係星期日, 但係入場人數唔多!
<-- 可愛姨甥女有備而來, 帶左又買左好多襟章, 呢個小朋友可愛之處係佢唔怕羞, 不斷咁問d姐姐同哥哥, 同人地交換!!
擒日天氣幾好, 唔太熱又有d風, 不過香港夏天硬係個身會"痴立立"咁..... 都係要買支老鼠雪條黎消吓暑!
對上一次黎香港廸廸尼已經係三年前既事, 今次再黎, 感覺差唔多, 仍然係有大量自由行..... 始終都覺得, 同日本既差好遠 !!
今次黎多左個新野 - 小小世界, 一開始時, 覺得好幼稚... 不過玩玩吓又覺得好靚, 好開心, 仲好有意思添!!
難得無嘜人, 我地連玩兩次"巴斯光年", 小妹成績都算ok, 有level 4!!
小妹個人認為, 巡遊可以唔睇, 但夜晚既煙花就不能不睇!!! 精彩既煙花配合經典既廸廸尼音樂, 今次要兩個字黎形容......................超正!!!!
今次去完廸廸尼, 最大既收穫係.......... 收集左好多貼紙!!! 好開心呢!!!
擒晚放工, 我同mpp急急腳買野返屋企食, 因為趕住睇四奶奶!!
係咁急趕之際, mpp都同我走一轉書局, 因為"大少奶"第二本新書已經出左!
愛看書既mpp, 好鼓勵身邊既人睇書..... 所以mpp二話不說就自掏腰包, 送左呢本書比我! 真係多謝哂!!!
歌壇有情歌王子, 小妹就有"情書王子"!!! 此人正是我既愛人 ---- mpp是也!!!!
何解mpp突然化身"情書王子"??? 皆因小妹發現mpp收藏左好多情書囉, 哈哈~~
早前mpp買左個大書櫃放係我家, 小妹發現mpp原來都有幾多情書...... 外表cool cool地既mpp, 我真係估你唔到呢..... 哈哈哈哈~~
<-- 呢個書櫃大過我個大鞋櫃!!
<-- mpp本身家中收藏有好多書, 而家正逐步將d書搬黎我屋企住, 所以家吓暫時只得咁多書係書櫃內!
<-- over over mpp!!! 我睇得唔係好清楚, 呢本書叫 <"說一聲...嘜嘜話">???? 哈哈哈哈~~
<-- <冧到爆 - 冧爆情人必讀手冊> mpp, 睇左本書未呀? 等你出招喎.... 哈哈~~
<-- <101個小小的愛情提示>??? mpp你追我個時, 好似唔係好多愛情提示比我咋喎....
<-- 知識廣博既mpp (係小妹心目中...), 又點會只係睇情書吖... 小妹無聊地係家中研究佢d書時, 發現mpp真係嘜野類型既書都有興趣睇..... <<你會問問題嗎?>>.... 有趣有趣!!
上星期六晚, 我同mpp做boss, 請小妹家人去食buffet!!
小妹屋企人都有d咀刁, 好在好在, 佢地都ok滿意Cafe One既食品, 美中不足既係無生蠔供應!!
呢度成日都好full, mpp成個月前已經book定! 好細心呀你~
當日小妹顧住食, 唔記得影相..... 記得影個時已經係甜品時間......@__@
好開心既一個 Family gathering!!! buffet後大顆兒去小妹家... 嘻嘻... 我地又開檯呀! 大戰四個鐘後........... mpp又做boss!!
擒日端午節正日, 小妹好想去睇龍舟, 可惜打牌打得太夜, 所以取消左睇龍舟!! 夜晚小妹屋企人請食飯, 好玩既小妹, 當然一早到場, 我地又開始作戰, 今次我同mpp好厲害, 反敗為勝!!!!! yeah~ yeah~~~
吖.... 家吓除左行街, 睇戲, 食飯, BBQ, 打牌同卡拉ok外..... 放假時, 如果有成班人一齊, 仲有嘜好節目可以做呢??!!??
*
*
每次出trip後,
似乎同事們都同樣有出trip後遺症...
呢個病既症狀係發左癲咁買野.....
無法啦....
因為出trip真係令人好dry!
好辛苦!!!!
*
*
每當同事們一齊出去食lunch,
幾個女仔食完飯後就會直迫公司附近既商場,
大家都會好熟練及有計劃地進行掃場......
結果.............
lunch後咪一人一袋咁返公司囉.....
*
*
單係五月既頭半個月,
小妹已經買左四對鞋同埋N件衫.............
Shit !!!!
*
*
小妹有一個重大計劃,
我好有信心明年一定可以實行!!!!
mpp你放心啦~~~~
我一定會戎"luck"買野呢鋪癮 !!!!!!
<< mpp, 我知你實話已經聽左我講左N咁多次,
比多D信心我啦, 我今次一定戎得"luck",
你睇住黎啦! 哼!!! >>
*
*
(期待+ing!!)
小妹雖然同mpp拍左拖都有一段時間, 不過, 小妹到而家都會成日掛住個傻佬.... 
除左出trip同夜晚瞓唔著時, 小妹係每個星期六就特別掛住mpp... !!!!!
小妹名乎其實係一名懶人, 如果星期六係short week, 如非必要, 我一定留守家中, 足不出戶...... 可惜既係, mpp偏偏每個星期六都有""特別工作""在身, 我地每個星期六都要夜晚先可以見到! 由朝到晚咁等...... 掛"死"我!!!!
上星期六, 小妹返<娘家>食飯 (哈哈, 我仲未嫁gar, 哈哈~~), 當晚我比mpp夜返屋企, 估唔到聽到mpp一句, 原來佢見我仲未返屋企都會掛住我既.... (大男人既mpp一向好少講呢d肉麻野, 小妹聽到後真係有d甜絲絲感覺.....嘻嘻~
好似好耐無整意粉, 見屋企仲有包忌廉, 擒夜就整左個白汁意粉比mpp食, 今次加入帶子同熟蛋, 成為呢個白汁鮮蝦帶子意粉!! 你個look同味道都咁好.....唔怪得我成日都掛住你啦啦啦啦啦啦啦, 哈哈!!
擒晚同mpp去左APM睇<<翻生侏羅館2>>!
還記得第一集, 小妹係2007年年三十晚睇既, 除左 Forrest Gump 之外, 小妹自我評定, 呢套就係我最喜愛既電影第二位!! 一套好笑好睇有故事既好戲, 小妹好深印象!!!!
當知道出第二集時, 我即時叫mpp陪我去睇.... 唔知係咪期望過高, 我覺得今集有d搵戲黎做!
上集好笑原因, 可能係觀眾唔清楚各博物館內展品既人品及其性格, 所以當每個角色出場時, 觀眾都會比佢地弄到笑不停! 就好似一件只會講"DUM DUM" 同 "GUM GUM"既展品, 已經超爆笑..... (有睇第一集既朋友應該知我講嘜 ^0^)
反之, 今集雖然添加多好多新角, 不過D角色好似唔係幾出, 而且當中都有幾多悶場.... 就好似法老王件袍定係裙既爛gag, 似乎有d拖長黎做!
不過... 唔作任何比較下, 呢套仍然係一套不俗既笑片, 工作辛苦左一星期, 睇一套喜劇去relax吓自己, why not!!!
小妹呢期又有新玩意, 今次名正言順係玩"花"臣!!
三月同mpp去日本時買左d種子,
星期日開始種, 係星期三已經發芽,
超期待呀!!
20/5/2009 (播種第三日)
21/5/2009 (播種第四日)
幾時先可以生到咁樣呢?????
擒晚又去左CEO唱K, 自問自己已經無以前咁熱衷唱K, 所以而家出去唱K, 大多只係唱幾首, 然後主力當然係開大餐 同 飲酒啦~~啦~~啦~~!!
唱k前, 同同事Winnie影番張相先... (用手機影, 黑左少少添...
而家唱K好抵玩, 食埋buffet, 飲埋酒, 埋單唔使二百蚊, 認真化算!!
擒晚小妹攪唱k, 主要係要答謝Irene姐..... Irene係小妹既supplier, 我同佢都可謂一見如故, 難得大家都傻更更咁, 又玩得埋..... 咁就friend左..... 哈哈~~
Irene姐, 仲記得"兩個四"的故事嘛, 或者呢個可以係我地以後既暗號喎.... 嘩哈哈哈哈~~
