擒日如常上畫返教會, 之後急急腳走人, 因為趕住去廸廸尼玩!!
揸車入廸廸尼仲方便過搭車, 下畫差唔多兩點半至到達!!
<-- 擒日雖然係星期日, 但係入場人數唔多!
<-- 可愛姨甥女有備而來, 帶左又買左好多襟章, 呢個小朋友可愛之處係佢唔怕羞, 不斷咁問d姐姐同哥哥, 同人地交換!!
擒日天氣幾好, 唔太熱又有d風, 不過香港夏天硬係個身會"痴立立"咁..... 都係要買支老鼠雪條黎消吓暑!
對上一次黎香港廸廸尼已經係三年前既事, 今次再黎, 感覺差唔多, 仍然係有大量自由行..... 始終都覺得, 同日本既差好遠 !!
今次黎多左個新野 - 小小世界, 一開始時, 覺得好幼稚... 不過玩玩吓又覺得好靚, 好開心, 仲好有意思添!!
難得無嘜人, 我地連玩兩次"巴斯光年", 小妹成績都算ok, 有level 4!!
小妹個人認為, 巡遊可以唔睇, 但夜晚既煙花就不能不睇!!! 精彩既煙花配合經典既廸廸尼音樂, 今次要兩個字黎形容......................超正!!!!
今次去完廸廸尼, 最大既收穫係.......... 收集左好多貼紙!!! 好開心呢!!!
點解可以有貼紙既? 我都去過3次, 都未見過, 我本身有全年票, 但就 未用過, 希望下個月可以去找童真啦*.*
回覆刪除[版主回覆06/01/2009 17:18:00]我之前都唔知, 係今次我個姨甥教我至知, 好out呀~~
有兩個方法攞貼紙:
1) 只要你見到著制服既員工, 包括shop內外, 以及掃地個d (無老點你呀! ), 你都可以問佢地比將貼紙你, 佢地好鬼nice!!
2) 你亦可以去shop既counter位, 同職員講你想玩遊戲換貼紙, 咁就得gar喇!!
好想去小小世界呀,上次唔記得去.靚嗎?
回覆刪除[版主回覆06/10/2009 01:34:00]都幾靚呀, d童真返哂黎!! 哈哈~~