人在江湖

大家好呀, 小妹仍然未返香港,  要過多兩日先返, 攰..... 真係好攰呀!!   呢幾日發生左唔少事, 不過感謝主, 一切尚算順利!!

今日小妹心情勁好, 皆因今日有人讚我靚 (哈哈~~~~), 小妹唔理真心定假意, 我一一照單全收!!! (wahkakakaka~~~~)!!! 女人就係咁, 好鬼易dum!!

話說今朝有見個新既國內supplier (一個算高質素既後生靚女), 小妹同佢同埋個客一齊傾緊生意時, 佢突然話我知唔知邊個叫"楊怡"?? 我問佢係咪香港電視台個位, 佢答係!!!  我心諗: 你係咪盲呀, 呀楊怡小姐又靚又後生, 使唔使咁dum我呀!! 不過咁.... 小妹個時個心已經開心到不得了.........嘻嘻~  

之後不午時候, 小妹個客見到佢個friend, 呢位uncle係意大利人, 佢見到我時同我個客講我好靚女.... 哈哈~~~ 我當時面都紅哂...... 不過個心仍是開心的!!

跟住佢問我係邊個國家, 我答佢我係香港人之後, 佢話我唔似純正個隻... 咁我反問佢, 我係咪似日本人 (哈哈~~因為之前都有人咁講過).... 呀意大利伯伯即時點哂頭咁話我似mix, 哈哈~~ 等我返香港後問吓媽咪先!

由於今晚有meeting, 而家10:30pm我至可以食晚飯.....辛苦??? 真係唔知點答好...... 總之.... 小妹只可以講.......人在江湖, 身不由己!!