Happy Birthday to ME ^0^

9月1日 -- 即係今日係小妹生日, mpp係前兩日送左呢份禮物比我, 我超鐘意, 多謝你呀honey!!

 

 

一直以黎生日不外乎幾個願望, 多謝我身邊既mpp, 佢已經實現左我唔少願望, 餘下既願望, mpp亦會同我完成..... 今年生日除左覺得好開心之外.... 仲多左一份幸福既感覺!!!

 

多謝哂各位朋友仔係我生日既祝賀, 小妹一一照單全收, THANK YOU ALL OF YOU!!!!

"喜喜"

上星期六, 係細表弟既大喜日子, 小妹一家動員13人出席...

 

由於喜宴設於半島酒店, 我地緊係要盛裝出席, 小妹早於一個多月前已經買定呢件飲衫...

 

當晚小妹博命影相, 先同大家姐係坐車途中影相~~~

 

再同二家姐影....

 

之後有細表妹, 當晚仲有好多青春少艾~~ << 無我份.... @__@ >>

 

小妹個靚靚媽咪係新郎既姑姐, 媽咪對表弟一家好照顧, 所以媽咪同爸爸當晚坐主家席.....

 

呢張就係我地呢班老表坐既...

 

半島不愧為半島... 酒店內四周裝飾好有氣派!  佈置一絲不苟!!

 

呢對Micky同Minnie係對新人既車頭公仔, 好cute呢~~

 

喜宴內除左請左一名MC之外, 仲有小丑吹氣球比d小朋友... 主人家好細心呢!!

 

席間更播出一對新人既卡通movie, 講述佢地相識同相戀經過..... 好sweet呀!!

 

 

當晚表弟仲特別上台多謝兩個人, 呢兩個人就係小妹個媽咪同爸爸..... 小妹不時見到媽咪同爸爸當晚開心到流眼淚, 場面好感人...... 而一向眼淺既我, 其實一早已經被一對新人所感動而落淚.....

 

再次祝福表弟, 希望佢地新婚快樂, 白頭到老, 三年抱兩啦!!

Nail art @ 藍白

小妹一般會選用比較"女仔d"既甲油顏色, 好似紅色, 粉紅色, 紫色呀咁.... 

 

係網上見到有人畫呢個花好靚, 又走去學人買支藍色甲油玩下.... 呢個design簡單又易畫, 啱哂我呢個初學者..... 而且出黎效果都唔錯....

 

● Base coat: 掃上護甲底油

● Base color: (藍色甲油)做底色

● Pattern: 用掃(白色甲油)畫上花瓣

● Top coat: 最後油上一層光油, 靚哂!!

 

 

呢隻藍色越睇越唔錯, 都幾特別!!

玩物喪志

"無獎"問答遊戲開始...... 呢個盒係嘜東東呢???!!???

 

上一篇blog有提到, 小妹呢期鐘情於nail art..... 呢個盒就係我既美甲箱..... 裝滿左我既美甲用品!!

 

唔同mpp去街街既日子, 小妹呢期大多係"莎記"同"卓記"出沒... 為既係買d新甲油同埋美甲用品... 例如brush, stickers, glitters, etc.... 早幾日又喪買左一堆.....

 

越畫得多指甲, 至知道原來自己現有既工具唔足夠......  睇怕黎緊仲會大手買入一d工具同唔同顏色既甲油, 方便畫花!!

 

nail art...... 小妹真的被"你"迷上了!!!

Nail Art

小妹呢個"新屎坑", 越黎越對畫花甲有興趣...... 仲特登係分類度開多一欄叫"NAIL ART", 希望可以多作嘗試!

 

以下係小妹早兩日既傑作... 同事們對呢個款有好多好評, 更有同事以為我D花花係貼sticker.... 嘻嘻~~  好開心呢, 不枉我係屋企一筆一筆咁畫上去!!

- 先油上護甲底油

- (紫色甲油)做base

- 用油掃畫上(粉紅色甲油)花瓣 + 點上(銀色甲油)花蕊

- 另手指公再畫上(啡色甲色)花瓣 + 點上(白色甲油)花蕊

- 最後油上一層光油, 靚哂!!

 

 

呢幾日小妹睇緊好多唔同nail art既設計, 睇黎呢個新玩意.... 我可以有排玩呀, 哈哈~~

 

 

唧唧古古力

上星期六除左係屋企整海綿蛋糕外, 小妹亦係屋企玩"唧唧"朱古力!

 

小妹之所以有興趣, 主要係要多謝同事M, 佢借左本書比我睇, 我見人地唧朱古力好似好得意咁, 所以自己又試下....唧出自己鐘意既字同圖案咁..... 又真係幾好"反"!!

 

做法好簡單, 先將牛油紕卷成咁樣....

 

熔左D朱古力佢.....

 

倒入牛油紙內, 剪開小小尖咀位就攪掂, 可以開工!!

 

小妹雖然唧得唔錯 (又自己讚自己添......), 不過, 一直放涼都凝固唔到..... ............... 返公司問同事M先知, 原來溶朱古力時, 朱古力既熱度要係32至35度, 咁d朱古力就可以係放涼時凝固.......oh..... i see.... i see..... 整甜品呢家野真係好多學問, 小妹真係有排學!!

 

成功既海綿蛋糕

上星期六, 小妹成功做出一個海綿蛋糕!! 對好多高手黎講, 呢個蛋糕超易整....... 但對於小妹黎講, 能夠成功做出呢個蛋糕, 實在好有成功感, 好開心!!

 

 

<<呢個食譜係參考YY CAKE, 但做法就按韋太>> 

 

海綿蛋糕-全蛋法  

材料: (份量不用刻意記的，應該係記住個比例)  蛋的總重量(100%) = 糖(40%) + 低筋粉(40%) + 牛油(20%)

6”蛋糕的份量：蛋 100g (2隻)；糖 40g；低筋粉 40g；牛油 20g)

 

 

 

準備工夫：(充足既準備都好重要啊)

1) 低筋粉過篩3次

2) 熱溶牛油 (一定要保持微溫，如果冷卻了，就會令到蛋醬泡泡流走了。)

 

 

 

 

開始:

1)      預熱焗爐

2)      糖加蛋用高速打1min。 (用室溫雞蛋)

2)      將盆傾斜，繼續用高速打2-3mins至蛋糊有9成起。(打蛋器不要碰到盆邊)

3)      盆放平，用中速打約1min，邊打邊轉盆，再到打蛋糊至十成起。(其實9成跟10成起差不多，總之打到蛋糊稠身和不再流動就可以)。

3)      低粉分3次加入，每次粉類fold勻後才加入第2次。

4)      用少許蛋糊拌勻熱溶牛油，再倒回fold蛋糊，再fold勻。(此時蛋糊會變得有光澤)

5)      入爐焗至熟 ( 6" ―170度焗23-25分鐘)用牙籤測試，沒有黏物就可以。

6)      記得蛋糕出爐後要倒扣啊！(6" 成品約有4.5cm高)

 

打好既蛋醬放入已圍上牛油紙既蛋糕模內, 方便脫模!

入爐約五分鐘, 蛋糕已微微升起......

 

約15分鐘後, 蛋糕升高左好多, 超期待呀~~~~

 

出爐喇, 係咪似模似樣呢, 嘻嘻~~

 

記住蛋糕要倒扣呀!!

 

之後放涼一陣.....

 

wow~~~ 好味又軟熟既海綿蛋糕整成喇!!! yeah!!!