八月生辰

小妹既超級靚仔姪仔 + 姨甥女 本身係同月同日生 (好有緣份, amazing!!!)..... 今年靚女媽咪舊曆生日撞啱同一日, 所以今年八月好特別, 家中有三個成員係同一日生日!!

 

超級靚仔姪仔已經大個仔, 今年生日佢會同女朋友飛去韓國過生日, 所以唔使預佢!

 

所以今次會同靚女媽咪 + 姨甥女一齊食飯慶祝, 小妹打算整個生日蛋糕比佢地... 不過要視乎到時有無時間去整!!

 

小妹都幾偏錫呢位姨甥女, 可能同佢相處時間比較多 (死喇... 呢篇blog千其唔好比二家姐見到, 如果唔係, 一定比佢嬲死我...... 點解成日都講大家姐個女, 而唔講佢個仔.....@__@)

 

姨甥女今年踏入8歲, 家下d女仔真係好早熟, 幾個月前見佢已經亭亭玉立, 好有少女feel!!

 

之前好幾年都有同姨甥女一齊慶祝生日, 小妹送出既幾份生日禮物, 姨甥女都好鐘意, 到而家都會成日攞出黎玩! 睇佢攬住我d禮物幾開心就知啦, 哈哈~~

 

呢個呀Pool應該係兩歲生日禮物!

 

跟住到呢個bear bear!

 

再有呢個音樂龜龜! (呢個龜龜好得意呀, 上面個小龜係音樂轉盤, 轉完後, 小龜會自轉同播出音樂!)

 

呢個係上年生日禮物....  姨甥女本來要我買上面個隻綠色蝴蝶bear bear, 佢話想要一隻黃色.... 不過, 店員話個款bear bear已經停產, 所以當時我改買左呢款!!

 

姨甥女已經大個女, 我呢個呀姨今年應該唔會再買公仔比佢..... 而家頭痛中, 究竟買嘜比佢好呢??? 大家有無suggestion呀!!