與mpp回鄉之旅 (Part 2)

第二日中午, mpp爸爸約左d親戚食中午飯...... 誰知所謂既飲中午飯原來係延開五席既小型喜宴!

 

呢餐午飯非常豐富, 魚 / 蝦 / 蟹不特止, 仲有乳豬 / 蒸扇貝等等等等.... 仲要飲埋VSOP.....  小妹當日無食早餐, 呢餐午飯等於我既早餐, 會唔會豐富左d呀??!!!??

 

食完呢餐後, 我地比較空閒, mpp爸爸帶我地去洗頭....  國內洗頭認真舒服, 比小小錢可以按摩成半個鐘, 香港真係採你都傻!

 

夜晚餐喜宴係呢個行程既重點! 而主人家都好講派頭....

1) 首先緊係佢地有幸請左我同mpp北上飲呢餐啦 (嘩哈哈~~ 自我笑死中.....)

 

2) 佢地係呢區最靚既酒店, 仲延開三十席, 係小小一個鄉下黎講, 都算勁有睇頭!!  呢餐一樣有魚 / 蝦 / 蟹, 仲有大大隻鮑魚同龍蝦.... 好食到停唔到口!!

 

3) 席間仲安排左一個MC, 呢條友仔除左做MC之外, 又拉二胡, 又唱歌, 仲玩埋魔術.... 大佬, 你樣樣都識哂, 點夠你撈呀!!

 

4) 唔單止咁, 主人家安排左一隊有九架車既排隊, 好有氣派!! 每架車既車牌唔係"百年好合", 就係"心心相印".... 又幾有心思!!

 

5) 最誇張係..... 主人家book左架"林肯特長版"做新娘車..... 呢架車小妹睇美國片同America next top model就見得多, 香港見都未見過.....估計國內都唔多! 一個字講哂 ~~~ "豪"!!!!

 

 

小妹同mpp有幸得到安排, 喜宴後坐呢架"林肯"返深圳.... 好興奮呢!!! 睇睇... 車廂內好寬敞呀!! 

 

呢架車可以坐十個人, 車內仲有一個mini bar, LCD電視同DVD卡拉OK機添!!

 

坐車沿途吸引左好多人既注目...... 不過, 咪以我地為好鬼正...... 我同mpp滿以為坐係全架車最好既車尾""向前""位 (車內仲有"倒頭位", 同埋mini bar對面一排"側位")..... 唔知係呢架車太長, 定係個避震唔掂, 我同mpp係兩個半鐘頭既車程內"登"到飛起.... mpp仲識講笑話如果有左BB, 一定唔會咁坐, 如果唔係, BB一定無硬!!!

 

就係咁, 完結左一個算係幾難忘既兩日一夜"與mpp回鄉之旅"喇!!