紅雙喜

紅雙喜會諗起嘜?? 梗係喜慶事啦!!

 

表弟會係八月尾結婚, 我呢個大佢好多年既表姐, 呢期又成為呀爸呀媽催婚既目標..... 

 

靚女媽咪早係個多月前, 已經話我知表弟會結婚, 以往我都一定誓死唔跟佢地去飲, 因為好怕d親戚又問以上問題......

 

不過, 今次媽咪未出聲叫我去, 我已經舉手報名話要跟埋去..... 為嘜??  我可以話好耐無見表弟..... 我又可以話表弟同我地屋企關係好親密, 所以一定要出席............. 查實最主要原因係場地既吸引..... (我呢個表姐好衰添, 嘻嘻~~~).......

 

表弟呢個婚禮會係半島酒店舉行, 仲要係萬幾蚊一圍喎..... 嘩~~ ....... 黎姿結婚都係呢度..... 我................ 我梗係要去啦, 哈哈哈哈~~~~  小妹仲已經係七月底買定條靚靚飲裙..... 唔好失禮表弟嘛!!!

 

早兩日媽咪已經收到喜帖, 呢張帖真係又特別又有心思!!

 

喜帖係CD盒包裝, 用上"紅雙喜火柴盒design", 左面有喜帖, 而右面就有一隻情歌CD!

CD盒背用上歌名而成既愛的宣言................. 噢..... 真係好SWEET~~~

 

隨CD仲附送禮物添~~~ 係一對紅雙喜既鹽/胡椒樽呀!! 好有心思呢~

 

我呢個細表姐, 係呢度預早祝福我個傻傻表弟:

新婚快樂!!

永結同心!!

三年抱兩!!

傻有傻福啦!!!