上星期日, 小妹跟左mpp同埋佢屋企人一齊返鄉下飲喜酒!
兩日一夜既行程好匆忙, 我地一行五人先去深圳會合佢d親戚, 小妹認真大鄉里, 第一次經落馬州過關, 嘜都唔識, 對每樣事都好好奇.... mpp就咁比我煩死左, 哈哈~~
mpp既親戚安排左車係落馬州接我地, 坐左成兩個半鐘頭車, 差唔多五點幾我地終於到達mpp鄉下!!
mpp爸爸先帶我地去左幾個親戚屋企, 同佢地見下面! 當地既親戚好好, 佢地一早已經幫我地check in左, 我地可以直接上酒店房放低行李, 梳洗下之後就去酒樓食飯!
第一次到mpp鄉下, 當地原來好出名食海鮮, 第一餐已經好豐富, 魚 / 蝦 / 蟹 / 鮑魚樣樣有, 樣樣野都好好食, 好新鮮!! 除左第一輪我主動夾餸比uncle之外, 我個碗未"吉"過, 因為mpp d 親戚不段咁夾餸比我, 好鬼客氣!! 而且, 佢地又不停倒酒比我, 雖然mpp幫我頂左唔少, 不過, 我都飲左有兩三小杯VSOP.....
晚飯後, 我地拜訪另一家親戚屋企, 嘩~~~ 佢屋企入面有個小花園, 一邊有小水池養烏龜!
另一邊有棵好大既楊桃樹! 仲有好多楊桃添!!!
mpp個親戚好客氣, 即場"澤"左幾個楊桃比我地食! 楊桃好鮮甜, 好正!!!
由於鄉下興早食飯, 我地九點幾已經完成哂當日既行程, 返到酒店.... 不過, 我地仲有節目gar, mpp爸爸帶我地去酒店按腳, 我地總共按左兩個鐘, 差唔多十一點返房, 完結左今日既行程!!
..... 待續!
沒有留言:
張貼留言