容易受傷的女人

擒晚同mpp去左理工睇<容易受傷的女人>, 呢套劇由焦媛 + 張違明主演!

 

故事以焦媛為藍本，講述佢由北京來香港生活的故事, 中間仲將廿幾首王菲既歌溶入故事入面.....  而張達明就飾演經理人既角色 (唔知係咪做緊高志森本人呢, 哈哈~~)

 

坦白講, 小妹本身對焦媛麻麻地, 因為梗係覺得佢以往太賣弄性感, 而且有些少姣姣地既感覺..... 但呢套劇完全令我改觀!!! 佢演技好好, 而且把聲仲勁得!!!!!! 加上佢本身既北京口音, 一出場唱出國語歌時, 好聽到我仲以為佢係"咪"緊咀......

 

而張違明呢, 小妹都係第一次睇佢既棟篤笑, 又幾ok, 劇中間仲加插而家好HIT既"靚模"話題做笑料!!

 

由於擒晚係首演, 係現場見到好多明人.... 係未正式入場前, 底層無開放, 只係比d記者同明星做訪問.... 小妹從二樓望落去, 比我見有白姐姐同呀Paul....

 

下面粉紅圈既就係當時白姐姐係度接受緊電視訪問, 而藍圈既就係呀Paul, 佢全程都係鏡頭後面等白姐姐..... 呢種應該叫做男人既風度!!

 

跟住見到有高志森 (男友嘛, 一定捧場啦, 哈哈~~), 又見到羅冠蘭, Joe Junior, 賈思樂, 蔡素玉(議員), 李麗娟(前民政事務局常任秘書長)..... 相信大家對呢個話劇都有同一個comment..... 就係GOOD SHOW喇!!