喜氣洋洋

呢期blog界喜氣洋洋, 先有呔媽公佈再度有喜後, 而家又輪到幸福小女人有喜, 真係值得恭喜!!!!

 

幸福小女人係小妹第一個開始睇既blog, 從佢既blog內可以感受到佢係一個傻大姐, 佢仲陪埋個男友仔"大少"一齊去杜拜生活, 兩小口子好鬼甜蜜!  而且, 幸福小女人成日整野比大少食, 小妹係佢個blog內都偷過唔少師呢!!!

 

擒晚手痕又油指甲, 心情大靚既我見呢期咁多喜慶事, 今次黎個喜氣洋洋style...... 掃上有閃粉既光油後......... 點解咁新年逗利是feel既.....  今朝返公司比同事睇過後, 有d同事話顏色好"娘"  ............. 不過, 亦有d同事話靚 ............... 唉...... 各有喜好..... 是但啦!!!

 

今次先油上紅色指甲油, 然後油上三條金色線, 用牙簽係金色線上畫幾下, 最後掃上閃粉光油完成!!  我諗新年油呢款指甲, 一定可以逗多d利是呀..... 不過..... 家下timing真係有d唔啱..... 哈哈哈哈~~