新鮮出爐

擒日auntie又上黎小妹屋企打牌, 今次膽粗粗整蛋撻!

 

晨早八點幾開始整撻, 準備比中午黎既auntie食, 為免老貓燒鬚, 一早同mpp講好左, 萬一個撻失敗左, 一定唔可以比auntie知, 最壞打算係我地兩個食哂左....

 

食譜來源: http://www.christinesrecipes.com/2009/03/cantonese-egg-tarts.html

 

港式雞蛋撻【簡易秘方】 Cantonese Egg Tarts

約可做 10至 12個份量 (圓形蛋撻模 7cm x 3cm)

撻皮材料：麵粉（plain flour） 225克           牛油（奶油 butter）125克

                     糖霜（icing sugar）55克               雞蛋（打散成汁） 1隻

                     雲呢拿香油（vanilla extract）少許

 

蛋汁材料：雞蛋 3隻                                  幼砂糖（caster sugar）110克

                   熱水 225克                               花奶（evaporated milk）85克

                   雲呢拿香油（vanilla extract）1/2茶匙

 

撻皮做法：

1. 先把牛油置於室溫中待軟化。用電動打蛋器打爛，分兩次加入糖霜用慢速打勻，直至變淺色。


2. 分兩次加入打散的蛋汁，慢速打勻。然後加香油拌勻。分兩次篩入麵粉，搓勻成一粉團（見上圖）。


3. 將麵團用棍揉開壓平一塊，約半公分薄。用cookie cutter 割出比撻殼小一點的麵團。把皮放在撻殼內，用兩隻大拇指壓好撻皮備用。壓的方法：是由撻底開始，一邊壓扁，一邊轉撻殼。然後把麵團輕輕向周圍按壓成厚薄均勻的模樣（見下圖）。（這步驟很好玩呢！好像玩泥膠玩具一樣。所謂功多藝熟，做多幾次就會滿意囉！）

 

蛋汁做法：

1. 先把砂糖和熱水拌勻，糖完全溶解，備用。


2. 雞蛋和花奶打勻，加入糖水，搞至完全混和。


3. 用篩過濾蛋汁，隔去蛋汁中的粒粒和泡沫，便成為蛋汁。倒進鋪上撻皮的撻殼內。

 

焗蛋撻方法：

1. 把焗爐預熱至 200度C. 把倒滿蛋汁的撻殼小心放入焗爐的下層。焗約 10至 15分鐘，或直至見到撻皮邊轉金黃色。


2. 把焗爐溫度調低至約 180度C，焗至見蛋汁些微脹起，就立刻打開焗爐的門 2至 3吋。焗多 10至 15分鐘，直至熟為止。可以用牙簽插入蛋汁，牙簽可以自己竪立起來，即是熟透。

 

 

入爐前~~~

 

溫馨提示：

1. 把蛋撻放在焗爐下層，是要讓蛋撻的底部容易熟，但又不會令蛋汁太快和太受熱。（註：基絲汀的焗爐用 bake mode時，底下發熱線會開著的。至於大家自用的焗爐是如何設計，自己可以參考你家中所用焗爐的說明書吧！）


2. 要在蛋汁些微脹起時，就打開焗爐門，繼續焗蛋撻至熟為止。可以避免蛋汁上升太快太高。出爐時，蛋面就不會下陷，好看一些！


3. 留意：每個焗爐的設計，熱力不同。焗蛋撻的時間須自己調較。

 

出爐喇~~~~

 

見仲有材料剩低, 小妹今朝晨早起身, 整蛋撻比同事食, 小妹仲morning call同事們, 叫哂佢地唔好買太多早餐, 留定個肚食我d新鮮出爐蛋撻!!!

 

食後感:

mzz: 第一次整, 對自己期望唔會好大, 至少個look都似番個蛋撻吖.... 我收貨喎!!

 

mpp: 彈三彈四!! 第一彈係個撻底太實, 第二彈話個蛋漿甜, 第三彈佢將我個蛋撻同街外買個d相比! 我..... 我緊係輸成條街啦....... 人地第一次整之嘛, 咁高要求... 個衰佬仲好似只係食左一個撻咋..... 雖然mpp講個d全部都係事實, 但..... 比番d面好喎..... 嗚嗚嗚嗚.... mpp, 你傷左我個弱小心靈呀!!!

 

auntie: auntie話個撻甜左小小, 不過佢好好呀, 佢讚我好有心機, 我數住gar, auntie好似食左成三件撻呀, yeah!!!!!!

 

mpp妹妹: 妹妹都好比面, 佢都食左兩件, 嘻嘻~~~~

 

同事們: 個個都好比面, 讚我有心機, 而且都話我個蛋撻 ok, 不過就略嫌個蛋漿甜左小小!

 

 

P.S.:

唔知係食譜, 還是係我自己手工問題, 小妹對於呢個食譜有所保留:

- 撻底: 我覺得太實, 唔係好有質感!

- 蛋漿: 的而且確係甜左D, 下次可以輕輕減小小糖既份量!

- 焗爐: 不同焗爐真係有差異, 擒日按以上溫度及時間去焗, 覺現蛋底唔熟.... 我今朝改用210度焗10分鐘, 之後轉用190度焗多十分鐘, 然後一樣打開燼蓋2-3吋, 待15分鐘先攞出!

- 分量: 以上食譜註明可做10-12個蛋撻, 我個蛋模屬於中型size, total整左18個! 好抵食呀, 哈哈~~