擒日同mpp返屋企, 探我個靚女媽咪同靚仔爸爸..... mpp仲請我地食飯, 認真乖仔....
我都好乖呀, 整左個牛油蛋糕比媽咪食.... 呢個食譜copy from我姐姐.......
今次比上個禮拜整既海綿蛋糕成功... 我比70分, 原因係蛋糕唔夠軟熟......但我已經好開心, 至少個蛋糕樣都呃得吓人丫....... 哈哈!!
入爐中斷, 蛋糕面已發起..... 不但發得有d核突....
中斷取出, 要係蛋糕面上界開, 幫助蛋糕再發起.... (食譜係咁教!!)
新鮮牛油蛋糕出爐喇.... 不過個蛋糕面唔係好靚仔....
脫左模.... um.... 唔係賣花讚花香..... 個蛋糕都幾ok架, 唔錯!!!! 唔錯!!!! 熱辣辣.... 香噴噴......
擒日心情欠佳, mpp就帶我去睇"爆粗BAND友", 佢話心情唔好, 睇吓d笑片會好d..... 多謝你呀honey, 你真體貼呀!! 
呢套戲超爆笑.... 男主角演得非常出色.... 由平時既一個磨茹頭, 有夢想要成為音樂人既一個"ON"男.... 變成一個備受注目的人氣樂隊DMC既主音, 以白臉邪魔形象大受年青人歡迎.....
成套戲環繞住男主角, 因台上台下兩個身分過日子而有內心掙扎, 而且戲中有大量笑料......
小妹好少睇呢類型既戲, 呢套戲真係好多笑位, 小妹特別鐘意男主角個跑步look, 超攪笑!!!!
小妹呢期好dry..............
DRY .... 天氣乾燥, 手腳都好dry!!
DRY .... 家住42樓既我, 成日都受到d烈風包圍, 夜晚d風聲"呼呼聲"好嘈, 瞓得唔好, 好dry!!
DRY .... 有同事走左, 小妹要跟埋佢d job, 好dry!!
DRY .... 差唔多每晚OT到十點, 就快死, 成個人好dry!!
DRY .... 差唔多一日三餐都係公司食, 遲早要係度瞓埋, 好dry!!
DRY .... 難得老闆放假, 但小妹忙到飛起, enjoy唔到老闆唔係公司個種free既感覺, 好dry!!
DRY .... 而家先開始忙, 一月個客又黎香港, 諗起都好dry!!
為左獎勵我個司機哥哥... (heehee), 當mpp揸車送我返屋企後, 小妹就入廚煮晚飯比佢食....
煎釀雞翼 / 蒜茸炒西蘭花+露荀
呢個雞翼做法, 係好耐好耐之前, 見過家姐做過一次........
首先要將雞翼去骨:... (呢個部份都用左我成半個鐘..... )
然後釀入豬肉碎同火腿粒
用生粉封口, 雞翼"漲book book", 好得意... ^0^
我用半煎炸去煮雞翼 (要make sure入面d豬肉要全熟)
係行山頂廣場期間, 小妹又用左極速既速度, 買左一對好靚既高踭鞋...... 不過係屋企睇番對鞋先發覺..... 原來個踭都幾高.......... 唔知我條腰骨仲頂唔頂得住呢????
小妹成日都同mpp講, 我想去呢度 !! 又想去個度玩 !!!
小妹入紙申請左都有一輪...... 係星期日, mpp就係一日內, 滿足我幾個慾望, 就好似送左一隻"出奇蛋"比我.... 哈哈~~
--> 遊車河
--> 上山頂
--> 行山
--> 放飛機 (我地有一架遙控直昇機, 可惜個日山頂太多人, 無玩到..... )
一早返完教會後, 我地就揸車向山頂出發!! yeah!!! 真係好耐無去過喇, 開心+ing !!!
泊好車後, mpp開始帶我去"觀光"............ 行左成十分鐘度我至知, 我地個時唔係觀光, 而係行山!!!! 嘩~~~ 好驚呀!!
小妹係一個正宗香港人..... 徹徹底底一個標準既香港懶人......我從來未行過山..... 可以講係"零運動"既人.......
聽到行山兩個字, 突然間幾十個question mark彈哂出黎........... (第一): 我唔知要行山, 好彩衣著尚算輕便..... (第二): 我著緊converse, 好擔心行得耐唔知掂唔掂..... (第三): 行山喎, 嘜唔使買定支大水咩??? (第四), 行山唔係應該帶定毛巾既咩, 我包tissue好似得番兩三張咋........... (最重要係), 我當時有少少急急地, 點解唔同我講聲先至行呀.................... =.= ""
不過, mpp話山頂呢條行山徑屬"零LEVEL", 好快就可以行完......... 結果, 我地用左起碼個半鐘先行完..... 行得都幾辛苦既我, 仲要比mpp話以呢個時間, 佢可以行兩轉.................. 哼!!!! 豈有此理吖!!!! 簡直傷害到我小小既心靈........
個日天氣唔錯, 唔太熱, 算有少少風..... 沿途風景一流, 可惜有小小煙霞, 睇得九龍個面唔係好清楚....
.
同埸加映: 係山頂見到吳文忻, 佢拖住隻toy poodle, 小妹係先見到佢隻可愛小狗, 然後至見到佢......... 佢真人個樣唔算好假, 不過個樣就一般 !
上星期六又做呀茂,
係網上搵到個好似好易整既recipe,
以為自己既經驗可以handle到.....
可惜.............
可惜最後失敗左.....
好失望!!!
成個過程都好順利,
甚至出爐個樣都好靚仔.....
點知...... 鳴鳴鳴鳴.....
不過, 唔緊要!!
我一定會再嘗試.........
正如我以往整蛋糕既經驗所得,
我每次係必須要整兩次先會成功.......
同場加映:
係公司附近見到呢個有意思既車牌,
以架車既顏色同車牌,
估計呢部車應該係租車公司....
如果真係租車公司擁有既話....
學mpp話齋,
點解會 +ED 呀 (= past tense).....
真係大吉利是, 哈哈!!
擒晚同mpp去左鑽石山睇戲 - 海角七號 (Cape No.7).
可能一開始時, 坐正一對勁嘈既couple前面, 小妹一開始已經投入唔到, 對呢戲既comment只屬一般......
講開個對couple..... 簡直痴線呀...... 先黎係咁係個袋度, 係咁搵野, d膠袋聲直頭係我耳邊一樣....... 之後又不停食野...... 不停互相講野.............. 噢............. 簡直令人頭痛!!!
呢套戲大量台語, 日文同國語, 要好留心要聽同睇, 咁樣比人滋擾, 我又點投入呢????!!!!??? 最後, 我真係頂唔順, 同mpp一齊走位, 避開個兩個唔識尊重人, 唔識尊重自己, 唔識尊重套戲既couple!!
返屋企前, 又去"聰嫂"度食甜品, 今次食薑汁柚子果凍, 而mpp就食龍眼荔枝冰..... 我地既comment係.....
-- > 薑汁柚子果凍 (comment係: 夠薑!!! 但真係too much ginger!!! 太重味, 唔掂!!!!!)
--> 龍眼荔枝冰 (comment係: 越食越甜.....甜甜..... 甜甜甜..... 甜甜甜甜............)
每時食完, 小妹都係個句..... 都係"滿記"好食好多 !!
