MPP牛一 @ Birthday cake

mpp今年既生日, 小妹真係勞心勞力咁去籌備, 係早兩個月前, 小妹已經不斷睇blog, 去搵合適既蛋糕食譜.....

一心要整個"心型蛋糕"比我深愛既mpp, 皇天不負有心人, 我終於搵到一個又簡單易明, 又靚既蛋糕................

低脂士多啤梨乳酪慕士蛋糕

(特別嗚謝幸福小女人Diana ~ http://hk.myblog.yahoo.com/diana-world/article?mid=6913 )

餅底 :

低脂消化餅碎 ..... 60g ; 無鹽牛油溶液 ......... 30g

低脂士多啤梨乳酪慕士 :

急凍士多啤梨茸 ........ 165g (預先放入微波爐加熱溶解) ; 蛋白霜 (蛋白... 44g ; sugar ..... 44g) ; 低脂原味乳酪 ..... 55g ; 淡忌廉 ..... 130g ; 魚膠粉 .... 10g

做法 :

首先, 先將消化餅碎薄薄均勻鋪在mould內, 然後放入雪櫃冷藏約半至一小時, 備用!

1) 將蛋白用電機以中速打拂至多泡, 分2-3次倒入砂糖, 繼續打至企身

2) 另將淡忌廉以中速打至企身

3) 將士多啤梨果茸倒入Step 1, 用膠刮攪拌

4) 用麵粉篩把低脂乳酪過濾, 然後加入step 3混合物中, 輕輕攪勻。最後加入已打起之淡忌廉拌勻

5) 將魚膠粉用室溫水溶解, 再預備一碗熱水將魚膠粉坐溶至完全溶解 (像水狀般)

6) 將已溶解之魚膠粉倒入step 4, 迅速及徹底攪勻。倒入已預備之餅底內, 放入雪櫃冷藏約1-2小時, 即可!

 

還記得上年, 第一次整生日蛋糕比mpp, 總共整左兩次............. 其中一次係practice!!  今年, 小妹竟然擺脫唔到呢個命運, 我又係要整左兩次蛋糕..................

係上星期六中午, 小妹好有信心去準備所有材料去整餅.................. 一路都非常順利, 但去到魚膠粉時就出事喇........!!!??!!!????!!!!  點解坐熱咁耐, d魚膠粉都未溶呢??????

好驚好迷網呀!!!!!  點好呢, 嘗試將魚膠粉轉碟, 又換上熱水, 都未能將魚膠粉溶解!!!!! 係完全攪唔掂既情況底下, 我只好打電話比同事"親愛的"求救!!!!

原來................ 原來................ 我眼大睇過龍.....................  魚膠粉係要用室溫水先溶解, 後坐溶!!!!! oooooooohhhhhhhh shit!!!!!

唉!! 總之衰開有條路..................... 解決左坐溶問題, 我又忘記左魚膠粉係好易凝固, 我竟然一早從熱水中取出, 令到底層部份凝固左....... 就係因為魚膠粉不足, 成個蛋糕"淋"哂!!!!!!!!!!!!!!!!!!!!!!!!!!!!

取出蛋糕已心知不妙, 灑上古古力粉又失敗時......... 極度失望既我, 一怒之下, 將錉就錯, 將成個蛋糕面灑上古古力粉............. 一心諗住雪耐d, 或者可以硬一d............. 係星期日中午比mpp食時, 一切就知出事, 真係勁"淋"呀.......................

 (後記: 呢個溶溶地既蛋糕, 放入冰箱雪凍黎食, 出奇地好美!!! 有d雪榚蛋糕feel, haahaa....真係錯有錯著)

 

 

唔想mpp生日無蛋糕食, 我決定即時再整一個!!!! 我好有信心, 今次一定成功!!!! yeah yeah yeah!!!! 第二次整既蛋糕, 真係成功左, 好靚又好味!!!  

MPP, HAPPY BIRTHDAY!!!!!