繼續出trip回憶錄.....
老闆安排左有一晚, 我地要同成班客人食飯, 同事們都無奈地, 要暫時放低哂d工作去陪客..... 我地真係好似變成"三陪小姐"咁....... 唉! 而家搵食真係艱難, 我地搵d錢, 真係有血有淚!!
老闆細心地安排左一部van, 由酒店出發去食晚飯, 但可惜我地太多人喇, 結果小妹果team既同事, 唯有另外打的!!
食飯途中, 愛玩既一班同事 (當然包括小妹在內呢, hehe....), 開始走去同d客仔, 逐一影相留念.... 當晚大家好開心, 小妹選擇飲啤酒, 老外就多數飲啤酒加紅酒!!
食完飯後, 另一team同事選擇打的返酒店 (但我估佢地可能去左蒲, 唔係返酒店, heee....), 整晚最最最最精彩既唔係食飯, 而係我地回程時, 係van仔內發生既事!!!!!!
可能大家都飲到high high地, 而且我地呢team人又鐘意喪玩!! 有個客無啦啦攞左張CD出黎, 叫我地比司機播出黎聽.........
當music響起, d客好似short左咁, 係度勁大聲唱歌!! van仔內突然變成disco一樣, music勁大聲, 更有同事係車內跳舞, 又有客係度唱歌, 我地又影相同拍video, 場面實在... 實在太高漲!!!!!!!!!!
最攪笑係, 當架車返到酒店時, 由於首歌未播完, 我地叫個司機, 係酒店度兜圈, 直至首歌播完為止......... 小妹睇住酒店外面既bellboy, 佢地戇居居咁等我地架車等, 想幫我地開門, 但我地又唔停車喎, 真係好攪笑!!!
最後終於差唔多成十二點至落車入酒店, 但大家果時既情緒仍然勁high!!! 我地係酒店lobby度, 仲黎一個大合照添.... 由於我地實在太嘈, 酒店經理都忍唔住, 一邊幫我地影相, 一邊"薯"我地, 叫我地唔好咁嘈!! 嘻嘻!!!
影完相後, 有客問我地仲繼唔繼續出去玩, 但老闆已經幫我地say左 NO....... 查實我地不知幾咁想去玩...... 不過, 唔使做咩??? 最後, 我地同事們都返房, 挨眼瞓繼續工作!!!!
沒有留言:
張貼留言