小妹今日牛一呀, 擒晚瞓得異常既好, 連夜晚收到幾個sms都唔知 
擒日mpp帶左我去期待已久既深井食燒鵝, 我地當然去老字號既裕記啦... mpp知道一入夜就要勁排長龍, 所以我地差唔多六點就入去, 果然即刻就有位 (mpp, 你真醒呀!!)
我地當然order出名既燒鵝, 嘩, 真係皮脆肉滑喎....
再黎一個椒鹽豆腐, yummy....
最後黎一個京都肉排, 真係勁飽!!!
食完出黎時, 嘩)))) 真係勁多人係外面等位, 天時暑熱, 企係街度真係汗流夾背!! 奉勸大家如果入去深井食野, 一定要早小小!
返屋企途中, mpp不斷唱"邊個話我傻! 我請你食燒鵝!!!" 哈哈..... 我有時真係會叫佢傻仔, 唔怪得佢請我食燒鵝啦, 哈哈哈哈...... (出blog無耐, mpp就打電話黎, 佢澄清話唱呢首歌時, 係代我唱.... 咁即係話我係傻婆.... 豈有此理丫! 呀姐我今日牛一, 你仲串我...... 哼!! 
今晚, 個傻佬會同我去食buffet, 查實佢早兩日已經送左份禮物去我屋企, 但又唔比我打開, 哎呀! 好心急呀!!!! 究竟係嘜東東黎gar???
上回講到隻鹽蛇突然由牆上跌左落地下, 由於事太突然, 我..... 我..... 我情急之下............... 我竟然.............
因為小妹舊居既廁所實在太小,
而隻鹽蛇跌係地下既位置, 剛好係坑渠邊,
小妹眼見坑渠口應該夠闊....
生死關頭, 小妹當時只有想到, 用水將條鹽蛇沖走........
我馬下開大花灑沖向條鹽蛇, 佢亦乖乖地落坑,
但不幸既事發生左.....
條鹽蛇只有尾巴落坑, 佢用強勁既前腿爪緊兩邊渠邊,
正正係"十字懸錘"咁, 掛係個坑渠度.....
可憐既我, 當時只有不斷既大叫, 好驚!! 好驚呀!!!!!.
無其他選擇下, 我只有繼續用水射佢,
希望可以將佢沖走......
沖左應該都有成十幾二十分鐘, 條鹽蛇終於bye bye,
好開心佢比我沖左落坑喇, yeah!!! yeah!!!!!
(我知可能咁樣好殘忍, 但我當時真係無其他更好既選擇)
滿以為條鹽蛇從此bye bye時, 突然佢又從坑渠又爬番出黎...
GO MY GOD!!!!!!!!!!!!!!!!!!!
@_@
=.=""
*---*
想知我最後點對付呢條頑強既鹽蛇,
請看下集大結局!
(如以上內容已令閤下不安, 請勿觀看下集大結局,
因內容會更血腥....
唔好睇小妹好似斯斯文文, 查實小妹可以殺"人"唔貶眼.....
哈哈.... 大家唔使驚, 膽小既我, 又點會剎人丫.... 查實小妹只係殺死過一條鹽蛇.... 但請大家見諒, 因為小妹絕對唔係有心殺死佢gar....
小妹本身好怕d蛇蟲鼠蟻, 但不幸係小妹既舊居就有好多呢d朋友.... 大則有鹽蛇, 中則有大蜘蛛, 小則有大螞蟻.....
話說我既殺"人"係咁既......
話說, 有一個晚上, 小妹如常去洗白白,
當小妹想除衫既一刻, 小妹嚇見面前有一條大鹽蛇....
嘩))))))))))) 好驚呀..... 我極速地跑出廁所, 好驚! 好驚!! 好想喊, 嗚嗚....
小妹諗住等一陣條鹽蛇一定會走, 咁我就可以去沖涼,
但條鹽蛇郁都唔郁, 原地不動....
可憐既我當時候勁急 (唔知係咪驚得滯)...
因為條鹽蛇條窗口附近,
咁我咪唯先打開窗, 然後用地拖掍係條鹽蛇旁邊d磚度打幾聲,
希望佢聽到d聲後會走出窗外....
但點知佢依然郁都唔郁..........
OK... FINE!!! 我決定採取下一個行動...
就係用地拖掍直接掂一掂佢,
(當時係屋企一個人已經"V"嘩大叫, 真係好驚...) 希望可以激發佢行吓,
一心想掂吓佢之嘛, 但我d力度可能大左小小,
不幸地條鹽蛇居然跌左落地下度.......
OH.... 我死得喇))))) 驚到我就怏賴尿.....
(time up, 放工喇, 詳情明天下回分解)
好快又大一歲喇.....
細個時, 好想快d生日,
希望可以收媽咪封利是,
又可以借d意出夜街!
出黎做野後,
生日總會同男友或成班friend一齊玩,
瘋狂咁飲飲食食黎慶祝!!
家下人大左,
生日當然一樣咁開心,
不過, 另一方面又老一歲..... 有d驚!!
因為歲月不留人呀..... 幣!! 幣!!! 幣!!!!!
不過, 呢兩年可以同mpp一齊過生日,
成個人真係開心左好多... ^__^
哈哈.. 話說小妹係好耐之前,
同mpp講我好想去一個地方食野,
但mp總會話遲d實有機會去,
小妹心諗 "算啦, 可能呢個地方都幾遠....."
.
入左紙申請要去呢個地方足足成年喇.....
估唔到早兩日, mpp突然話不如呢個星期日去"XX",
哈哈哈哈~~~~~ 好開心lor,
我仲以為個傻佬已經唔記得左tim, 哈哈!!
快樂原來好簡單, 在乎你是否懂得珍惜! 是否知足!!
上星期日同mpp又去睇話劇, 個傻佬一買就買左2場, 唉.... 我都知佢吊左好耐癮, 因為我地7月勁多野攪, 又去旅行, 成個7月都未睇過一場話劇....
首先睇2pm埸, 去左沙田大會堂睇"不眠優伶", 今次係小妹第二次睇彭秀慧, mpp好欣賞佢gar, 我當然要支持啦... 哈哈!
第一次睇兩個女仔既雙人talk show, 入場前, 兩位不眠優伶"彭秀慧" & "茜利妹"已經係台上, 擺出睡眠狀態.... 幾特別!
劇中講出好多香港人, 因為夜瞓, 又或者因為既習慣失眠, 一早返工時, 都例必會係交通工具上瞓覺, 真係勁有共鳴... 而且中間又有遊戲同觀眾玩, 正正就係睇talk show時, 觀眾需要表演者同我地既交流, 呢點做得唔錯!
中間有一幕小妹好深印象, 就係"彭秀慧"同"茜利妹"玩MSN個段, 好攪笑地"彭秀慧"用身體去扮MSN既表情符號, 真係勁似, 好生鬼可愛...
小妹明白mpp點解會睇呢套劇, 因為小妹亦飽受失眠既困擾, 我都係其中既一隻不眠優伶.... >.<
跟住本應要去Poly U睇8pm場"死佬日記", 但係我地因為又要返新屋執野, 所以最後都無去睇到.... 希望有機會重演, 可以睇番啦....
小妹個blog要暫停營業幾日呀, 因為跟住呢幾日要攪搬屋!!
上星期五同mpp去左art center 睇"潮州姑爺", 好全面既一個舞台劇, 既又甜蜜既愛情, 又有精彩既歌舞, i feel good!!!!!!!!!!!!!
套劇內容好簡單, 男主角有少少類似電車男, 老實但on居居咁..... 身邊圍繞住有三個截然不同的女性, 一個係洗盡年華既初戀情人, 一個係青梅竹馬既表姑姐, 一個係前衛大膽既舞蹈教師..... 男主角最後克服心理障礙, 決定選擇同舞蹈教師一齊, prefect and happy ending!!!
男女主角既唱功都一流, 各演員都好唱得, 而且仲有好多攪笑位!!!!! 不過, 小妹個人覺得張睿羚既衣著就略嫌過火左d..
Anyway, 呢套劇真係very吉!!! 有機會重演既話, 大家不妨一睇!!
在小妹黎講, 超級buffet皇, mpp是也!! 咁..... buffect后, 咪就係小妹囉...
什麼buffet club同好多間酒店(Le Meridien Cyberport, Park Lane, Excelsior, Novotel, .....), mpp都join哂佢地既VIP.... 單係呢一年, 小妹深信食buffet既次數, 都拍得住我之前所食buffet既次數.... 所以小妹體重上升得咁嚴重, 真係有蹟可尋, 真係多得你唔少喇, mpp!!
經小妹投訴下, mpp終於放棄再join buffet club, yeah yeah yeah!!! 阿里魯也!!
上個月同mpp入住數碼港, 呢間酒店好cyber feel, 雖然酒店細細, 但勁舒服! 一入酒店, 有個疑似日本籍操流利英語又勁靚仔既職員, 幫我地check in, 當小妹問佢攞late check out時, 嘩))))) 真係比佢電一電, 好charming呀!!! (哈! 一陣又比mpp話我gar喇).
房間設計好in, 又有d家既感覺, 唔會好死板! 仲有, 仲有, 張床真係勁舒服!!!!
原本當晚mpp想同我食buffet, 但因為比人包左場, 咁佢就book左地下間日本餐廳! 餐廳有分兩part, indoor 同 outdoor, 環境唔大, 但座位環境好舒服! 坦白講, d野食無嘜特別, 但waiter介紹既甜品就好yummy! 埋單都幾貴, 過千蚊gar, 不過好在有半價, 嘻嘻....
第二日check out時, 食埋個lunch buffet先走, 環境好ok, 餐廳一邊望泳池, 一邊望內園! 食品比較小, 但樣樣都好好味! 唯一小妹唔太滿意, 係佢地無水提供, order一枝水盛惠$10, 而且成三百幾蚊一個lunch buffet, 值唔值得真係見仁見智.....
上星期, mpp問我再join唔join個VIP好, 我梗係話唔好啦, 差唔多成二千蚊喎..... 當時佢都話好, 點知呢...... 原來佢又耳仔軟, 比人說服左....... 鳴鳴鳴鳴..... mpp, 你而家唔聽我話喇, 我講野你就當我唱歌, 鳴鳴鳴鳴.....
不過咁, 我知mpp係因為知道我好鐘意呢間酒店, 先再續join, 多謝你呀!!!
每個人既人生經歷都唔同, 我既人生....... 哼, 真係異常精彩!
朋友 ~~ 每個人身邊總有一群朋友出現過, 雖則小妹既朋友圈唔算大, 但慶幸地仍然有幾個知心好友!! 同我friend既朋友都知我d衰野, 就係好小主動搵人! 一係唔搵人, 一搵人就梗係唔多妥..... 多謝同學LO你每隔一排都會打電話比我, follow up我既近況.... 雖然又比你鬧唔搵你, 但好開心有你呢個朋友, 你既義氣, 簡直無人能及!! 你係我心目中, 朋友榜既地位, 值程係超然!!!! 放心啦, 等我settle好哂d野之後, 我會成日都搵你, 你到時唔好嫌我煩呀吓, hahahaha......
愛情 ~~ 有一生一世既愛情, 係女仔都想!! 好羨慕好多人可以將感情處理得好灑脫! 我想.... 我仍在學習中...... >.<
家人 ~~ 家中最小既我, 雖然而家年紀已經唔細, 但仍然得到家人既愛鍚, 真的感動極了!!!
今日又發生了一點事情, 滿以為已經完結了, 但實際上仍未解決! 總覺得上天每天仍在鍛鍊我..... >.<
擒日旺角既五級無情火, 兩名消防員英勇殉職...
早上起身時已11點鐘, 開電視諗住睇吓奧運, 突然見到有字幕打出, 話旺角發生四級火, 呼籲係火警附近樓宇內既人全部疏散! 之後火警更升為五級!!
係香港, 小妹真係好似未見過政府會咁樣呼籲, 已經心知不妙... 跟住無耐電視就播出火警現場既畫面, 雖然從電視畫面上並無好大既火光, 但全幢大廈就不斷冒出大量燶煙, 被困既居民就係在窗口揮動毛巾衣服求救.... 呢d情景, 就有如幾年時嘉利大廈既火警一樣, 好驚!! 好恐怖!!!.
不幸地, 中午新聞播出既畫面, 就係有兩名消防員嚴重受傷, 其中一名抬出時更口鼻噴血..... 而不幸地, 呢兩名消防員都因為呢場冷酷無情既火而殉職...
從小, 小妹就對消防員非常仰慕, 因為他們從不懼怕洪洪既烈火, 進入火海去救火救人, 實在太值得令人致敬!!!
今日, 睇到下面一段新聞, 好感慨!!
(星島日報 報道)
英勇消防員蕭永方及陳兆龍在火場拯救被困居民，被同袍發現受傷昏迷，惟因現場濃煙密布，熱力極高，同袍欲救無從，唯有高呼隊友增援，一邊為傷者急救，一邊在旁鼓勵：「快些醒呀！」最後大批消防員合力將兩人抬到鄰廈天台，爭分奪秒地送往地面，由救護車送院，惜兩人終不治。
殉職消防隊目蕭永方和消防員陳兆龍，乃負責在大廈拯救被困居民先頭部隊，他們與其他同袍由地下步行登樓，分頭搜索被困居民。而另一隊人員則由天台往下搜索，卻在近頂樓梯間先發現陳兆龍倒伏，高叫其他同袍幫忙。
陳被救出天台時已無知覺，同袍心急如焚為他解開外衣，再施心外壓急救，更有同袍為其進行人工呼吸。
邊救邊鼓勵：快些醒呀！
急救期間天台不斷冒著大煙，加上熱力高， 樓梯又被濃煙封鎖，不能使用樓梯送傷者下樓，部分消防員遂走到隔鄰大廈天台，剪開圍着天台鐵絲網，用長梯連接鄰廈天台，用繩索及擔架將傷者移往鄰廈天台，繼續進行急救。半小時後，消防員再在頂樓發現消防隊目蕭永方，蕭當時亦已昏迷，消防員以同樣方法將他救往地面，蕭被送上救護車時，身體已經轉紫。兩人送院後證實不治，有消防員對於失去同袍感悲慟不已，躺在天台嚎哭。
【明報專訊】
「我真係好累，頂唔到啦……」眼看烈火濃煙快要烤熟被困在嘉禾大廈的居民，200多名消防員與時間競賽，一次又一次衝入儼如大火爐的大廈，把一個又一個市民救出生天。不停搏鬥6小時後，成功從死神手上搶出逾90條寶貴人命，突然，火場傳來兩名同袍殉職的消息，有人急問：「哪個局的？」有鐵漢已暗自垂淚。
同袍殉職 致電家人報平安
火場如戰場，280名消防員及救護員投入火場，兵荒馬亂，吆喝四起，「讓開！讓開！唔好阻住救人！」好奇的市民，加上蜂擁的記者，令場面的緊張升溫。節奏急促的場面經大氣電波傳送到電視上，場外的消防員家屬聽聞有人殉職，均擔心不已。有消防員在喘息期間，未及把清水送入口中，便趕忙向現場採訪的記者借用手機，「打電話給家人報平安。」
輪流衝鋒 消防喉淋水降溫
由於大廈面積太大，消防員需輪流衝鋒，火災後2小時，一名消防員說「我已經進去好幾轉了……」火場太熱，每個退下來的消防員都脫下頭盔外套，找消防水喉淋水降溫，然後或跌坐在街上，或倚在消防車旁，或軟攤在地鐵 站口。由於時間緊迫，不容久休，餓極的也只能匆匆打開袋裝蛋糕往嘴裏塞，喝着市民贈送及當局派發的蒸餾水，有筋疲力竭者無力呻吟：「我真係好累，頂唔到啦……」有人則趕緊爭取時間，爭取空檔致電親友報平安。
消防員與至親隔空說了一句「我無事」後，隨即拿着各式工具，連路也來不及看清楚，便匆匆衝入火場。現場救護員亦推着擔架牀在橫衝疾走，混亂中一名心急的救護員更不慎撞翻一張空擔架牀；另一名倦極的消防員，亦被手上的鋼梯絆倒，他一聲不哼地站起，幾名同伴無語拍拍他的肩膀，便一起繼續向火場走去，生死酸苦，盡在不言中……
中國好嘢!!! 今日暫時攞到六面金牌, 暫立係第一位!!
但"好嘢"主要並唔係講奧運, 而係小妹想講我今日所發生既事....
挨左一年, 我終於可以搬喇! 真係超開心!!!!!!! 小妹既家人, 同埋比較close既朋友, 都知道我係現有既呢間屋, 住得麻麻地!
今日出去睇樓, 就搵到一個幾滿意既單位, 感謝主呀! 以往, 小妹最高只住過24樓, 而家個單位係42樓, 望落樓下真係d腳軟軟, 哈哈.... 黎緊呢兩個禮拜, 又要忙於pack箱, 好期待一年一度大遷徙呀! Yeeeeeaaaaaahhhhhhh!!!
** 多謝我既"親愛的".... 不論大大小小既事情, 總有你幫我去解決, 幫我去綢繆! 小妹明白你早已背上很多大大小小既包包, 而家仲多左我呢個肥包包..... 真的辛苦你了!!! **
Beijing Olympic 2008
擒晚(8/8/2008)盛大的係北京既舉行了!!!!
從未想過, 呢次奧運會咁壯觀,
中國人向世界各地(包括香港)展示出佢既實力,
我地中國係如此先進.... 如此有腦.... 如此強大.....
如此發展迅速既國家!!!
每一幕都向我地展示出中國最強大既資源 --- "人力" !!
每一幕我地都感受到中國人那份澎湃既力量同精神 !!
每一幕都有令人嘩然既高潮!! 沒有一點令人有out既感覺 !!
雖則小妹在電視上觀看,
但... 小妹真的深深感受到那份自豪!!!
相信大部份發達既國家都跌哂眼鏡,
誓估唔到中國人可以將開幕攪得如此壯麗, 如此精彩, 如此震撼 !!
多謝吏提芬吏匹堡你擘炮唔撈,
唔係我地點展示出"百仍百"中國製造 <<100% Made in China>>!!
小妹班鬼佬客, 成日都覺得我地d中國野cheap丫嗱,
成日都要求小妹一定要將所有包裝上既Made in China字眼刪掉或遮蓋....
哼! 而家佢地真係走哂寶!!!!
下屆英國會舉辦奧運, 佢地而家一定頭痛緊,
點隸可以突破我地中國,
不過, 睇怕佢地都幾難做得到... 哈哈....
I'm so proud of myself, coz I'm Chinese!!!
擒晚同mpp睇左"特務S嘜", 一套勁爆笑既電影!!
男主角好有Mr. Bean feel, 但樣貌smart好多, 請放心!!
女主角可謂樣靚身材正, 身手敏捷, 上次演"穿Prada的惡魔"已經叫好叫座, 今次都無令人跌眼鏡.
香港人, relax吓吧!!! 小妹誠意推介, 包笑死你!!!!
今晚, 心情實在難以形容, 心裡只感到痛....
曾估計過某些事情, 總有一天會發生! 逃避過... 卻仍然在今晚發生了!!
或許所有事, 冥冥之中早已安排.... 原本明天已有一個"重新"的機會, 某事情卻在今晚 - "重新"前發生..... 是巧合? 還是命中注定我要去面對??
曾經, 背過重重的包袱, 硬著頭皮去迫使自己變得強壯去背著, 無法選擇下去迫自己在一夜間長大!!
包袱好像越來越重, 背部亦因負荷過重而變彎了, 難撐?? 但仍能撐下去, 因心裡還有著一份希望!!
可是那份希望, 日子一日一日的消逝... 曾狼心地卸下重重的包袱, 卻曾因捨不得, 又再心軟的放回背上.... 卸下, 背上.... 卸下, 背上.... 終於在某一天, 傷心欲絕地放棄了!!!!
一公升眼淚?? 似乎早已流出!! 不要... 不想... 不願意.... 再流出一滴傷心的眼淚!!!
淚水... 總不曾離開過!!
歡笑... 像不能長伴著!!
幸福... 似乎還未捉到?
快樂... 還在我身邊嗎?
今晚, 心裡易常不安, 既已放下了, 為何仍會擔心?? 但..... 能做的... 真的通通已做過了!! 剛剛就在這分鐘起 (1:55), 所有事應該完整地畫上句號!
祈求上天保守, 睡醒來所有事都會重新!!! 明天會更好吧!!!!
Yesterday is history,
Tomorrow is mystery;
Today is a gift,
that's why we call it "THE PRESENT":
停左好耐無玩kick boxing,
師傅啱啱打黎話聽日有班Jazz, 問我join唔join....
大多數逢星期五, mpp都會同我去街街,
咁啱mpp聽日要出trip,
好玩既我, 當然Say YES啦, 哈哈...
上次已經見到有一個勁型既呀sir教Jazz,
聽講成班女仔同學跟左佢跳左好多年,
嘩~~~~ 佢地成班跳起黎.....
真係勁到呢...... 好羨慕呀!!
唔知聽日係呀sir教? 定係miss教呢??
好!! 聽日著型d先, 哈哈哈哈.....
嘩)))))) 又八號風球?? 今年第二次八號喇!!!
細個時, 好鬼鐘意打風.... 小時候家住屋邨既小妹, 就最鐘意打風時走出走廊, 同d朋友仔玩, 玩到出哂汗時, 就索性走去走廊上有通洞既位置, 比打入黎d雨水整濕個身, 好爽gar!!! 雖則返屋企一定比呀媽鬧死, 不過卻非常過癮!!!!
出黎做野後, 都好鐘意打風, 因為可以偷懶唔使返工....
而家, 都希望打風唔使返工gar, 不過唔會非常期待個隻lor... 有時覺得返工都唔錯丫, 總好過一個人係屋企度"偶"臭, 悶到發瘋...... 又唔出得街, 搵黎搵去, 就只有食屋企既出前一丁... 唉!!
悶.... 悶..... 悶...... 唔想睇都市閒情, 唯有又聽吓歌, 寫吓blog囉!!
嘟嘟嘟嘟....
駐港島東既小妹現場報導: "而家港島東既天氣好唔穩定, 時刮起大風, 風速有時非常強勁, 達勁風程度, 市民應留係安全地方, 悶到發瘋都好, 切勿外出!! 特別天氣報導完畢....
嘟嘟嘟嘟.....
第一眼與他的目光交集, 只一眼, 就那一眼, 你便愛上他, 再也不捨得把目光挪移。
然後妳便決意把手交到他的手心裡, 以愛情的名義; 以為只要有愛, 一切都不是問題, 一切都完美無暇。
後來, 你們的確有過一段甜蜜深邃的時光。
你們每天不斷的通電話、傳簡訊、寫EMAIL、聯MSN....
為的只是多聽他說一句話, 多知道他一點資訊。
他是哪裡人, 小時候是怎樣的? 頑皮嗎? 聽話嗎? 功課好嗎? 他喜歡穿什麼顏色和款式的衣服? 他的鞋子尺寸是幾號? 他最欣賞誰的電影? 抽什麼牌子的香菸? 他愛吃辣嗎?
你們愛了, 很愛很愛, 巴不得每分每秒膩在一起, 睡的時候枕著他的胳臂, 醒著的時候盯著他蓄著鬍渣的下巴。
妳說 : 「你愛我吧！」他點頭，說喜歡妳, 願意縱容妳, 疼惜你。
於是沒有酒, 而妳卻醉了。
在後來的日子裡, 妳心甘情願的為他洗襪子、燙衣服、做菜給他吃。
喜悅蔓延在妳的心裡, 覺得這個世界上有一個人叫妳放不下。
你說: 「親愛的, 下輩子你別換名字, 那樣我找你比較容易些!」
你熱烈極了、衝動極了, 巴不得把所有美好的東西都給他; 吃到好吃的蛋糕也要帶一份回家給他, 看到好看的衣服也要找一件相同的給他...
只要妳有, 都想給他!
可是妳忘記了, 妳都給了他, 他哪裡全裝得下?
妳就這樣一路毫無保留的拼命給, 到頭來才發現, 妳竟忽略了問他要不要得起....
copy from 《這樣愛, 妳會幸福又自在》
剛睇到blog友Diana以上既一篇blog, 有意思!!!!!!
點先算係一個稱職既女友/老婆, 真係見仁見智.........
總之.....做女人難!!
做一個要人比分, 認為係好既女人仲難!!!!
又失眠喇......
小妹個腦, 都唔知因嘜解究,
硬係要半夜三更先"發發聲"咁黎運作, 嘜都諗一餐!!
已經成日都瞓得唔係幾好,
難得可以瞓得著, 又發埋d無厘頭既夢,
小妹就快癲gar喇!!!!
都唔知點解, 成日都發夢!
攪笑地我大多時候都記得d夢講嘜....
而最幣就係小妹瞓唔著時,
大多數會將d正面既事, 硬係要將佢諗為負面.....
瞓都瞓得唔係幾開心..... >.<
可能最近小妹有d小問題困擾住...
原本以為一個將會完美解決既事,
因家人既好言相勸,
又令小妹諗餐死....
唉.......... What the hell of my life!!!???!!!???
路...一直都在
穿過人潮雙眼燈火欄柵 沒有想過回頭
一段又一段走不完的旅程 甚麼時候能走完
噢 我的 夢代表甚麼 又是甚麼讓我們不安
That’s just life 尋找夢裡的未來
That’s just life 少點現實的無奈
不論風吹的時候 不再傍徨的時候
永遠向前 路一直都在
穿過一塊裡面一片黑暗 沒有想過回頭
一段又一段走不完的旅程 甚麼時候能習慣
噢 我的 夢代表甚麼 又是甚麼讓我們期盼
That’s just life 尋找夢裡的未來
That’s just life 少點現實的無奈
不論風吹的時候 不在傍徨的時候
永遠向前 路一直都在
看不清的路又算甚麼 看不清的夢又算甚麼
就算走到盡頭又能算甚麼 能算甚麼
That’s just life 尋找夢裡的未來
That’s just life 少點現實的無奈
不論風吹的時候 不再傍徨的時候
永遠向前 路一直都在
That’s just life 徘徊到不再徘徊
That’s just life 從來都不怕重來
沒有選擇的時候 無論選擇的時候
永遠向前 路一直都在
擒晚同mpp去左新世紀睇Mummy3, 因為勁爆關係, 我地唯有睇9:50pm個埸.
時間真係多的是, 我地慢慢行完花墟, 再行落太子, 慢慢簡一間餐廳食飯, 之後mpp仲陪小妹買衫添, hehe...
講番套戲, Mummy3似乎太多中國色彩, 雖則而家中國熱, 但話哂都係西片嘛, 仲係Mummy第三集添, 而家半中半西, 有d唔知點咁..... 不過咁, 始終係Mummy第三集, 特技同戲情節奏都ok, 當中仲加插左d細路仔(即低低地)既笑位.... 睇開一二集, 無理由唔睇埋第三集gar嘛??!!
值得一提係套戲拍得Isabella勁靚, 不管Isabella D英文講得好唔好, 但佢真係有唔少對白, 個角色都幾"出"... 睇得, 唱得, 做戲又得, 怪不得呀楊生咁"慶"啦....
話說小妹既爸爸勁鐘意打鬥片, 小時候, 係屋企成日都無選擇地陪爸爸睇李連杰既少林寺或李小龍d戲.... 從小小妹都覺得李連杰係忠既, 正如成龍一樣, 就算套戲開頭佢地係奸角, 但之後一定會變番忠!!
但近期, 似乎李連杰改變緊佢既戲路, 近呢幾套戲佢都飾演奸角, 初初小妹睇得有d唔順超, 但佢又真係做得唔錯喎!!!
Day 5 (24-7-2008) -- 台北 --> 香港
擒晚, 原本諗住成班人去酒店對面間"錢櫃"唱k, 但最後因唔齊人無去到.... 同mpp行完誠品, 打的返酒店都成十點幾, 諗住沖完涼, 執吓野就覺覺豬.
點知姐夫急call, 話同三哥去飲啤酒 <三哥係個無酒不歡既人, 佢每日一家要飲一兩支啤酒, 非常唔健康>, 個時小妹啱啱沖完涼, 頭都未吹, 就即刻換衫出去.... 無計啦, 我同mpp都係順德人嘛, 捨命陪君子, 而且最後一晚喎, 梗係預埋我地去fever啦, 哈哈...
我地去左酒店附近食小炒, 起初都係食吓野, 飲吓酒, 同吹吹水.... 點知之後變成玩"色中", 同猜枚! 雖則小妹近兩年好少飲酒, 但小妹既酒量仍然保持得ok gar!! 第一次見小妹喪玩同喪飲既三哥同mpp, 都不禁嚇喪左.... (嗯嗯 ^0^) 而且佢地仲讚我d酒量勁, 真係失敬! 失敬!! 客氣! 客氣!!
由於玩到好晏, 我同mpp成三點先有得瞓.... 第二朝仲一早起身, 陪三哥去食早餐, 真係釣哂魚咁食.....
中午就出機場, 完結左我地一行十人既"開開心心台灣五天遊", yeah!!!
對小妹黎講, 呢個trip既意義並唔係去吓旅行玩吓咁簡單, 最大意義係我地兄弟姊妹長大後, 大家都各有各忙..... 而家可以一家人一齊出外五日, 朝夕相對, 好難得!! 好warm!!!! 特別多謝我個細心體貼既mpp, 希望你都enjoy呢個trip啦!!
