我的殺人事件 (上回)

唔好睇小妹好似斯斯文文, 查實小妹可以殺"人"唔貶眼.....

哈哈.... 大家唔使驚, 膽小既我, 又點會剎人丫.... 查實小妹只係殺死過一條鹽蛇.... 但請大家見諒, 因為小妹絕對唔係有心殺死佢gar....

小妹本身好怕d蛇蟲鼠蟻, 但不幸係小妹既舊居就有好多呢d朋友.... 大則有鹽蛇, 中則有大蜘蛛, 小則有大螞蟻..... 

(所以mpp有見及始, 係我忍左一年後, 即時幫我搬屋)

 

話說我既殺"人"係咁既......

 

話說, 有一個晚上, 小妹如常去洗白白,

當小妹想除衫既一刻, 小妹嚇見面前有一條大鹽蛇....

嘩))))))))))) 好驚呀..... 我極速地跑出廁所, 好驚! 好驚!! 好想喊, 嗚嗚....

小妹諗住等一陣條鹽蛇一定會走, 咁我就可以去沖涼,

但條鹽蛇郁都唔郁, 原地不動....

可憐既我當時候勁急 (唔知係咪驚得滯)...

因為條鹽蛇條窗口附近,

咁我咪唯先打開窗, 然後用地拖掍係條鹽蛇旁邊d磚度打幾聲,

希望佢聽到d聲後會走出窗外....

但點知佢依然郁都唔郁..........

OK... FINE!!!  我決定採取下一個行動...

就係用地拖掍直接掂一掂佢,

(當時係屋企一個人已經"V"嘩大叫, 真係好驚...) 希望可以激發佢行吓,

 一心想掂吓佢之嘛, 但我d力度可能大左小小,

不幸地條鹽蛇居然跌左落地下度.......

OH.... 我死得喇))))) 驚到我就怏賴尿.....

 

(time up, 放工喇, 詳情明天下回分解)